2 Reyes 17:11 - DIOSPA QHELQACHISQ

¹¹ Jinallataj inciensota q'oshñicherqanku, pikunatachus Tata Dios paykunaj ñawpaqenmanta wijch'usqa, chaykuna jinallataj q'oshñicherqanku. Israelitakunaqa ancha millayta ruwaspa, Tata Diosta k'arajta phiñacherqanku.

Qheshwa Biblia DC

¹¹ Chaykunapi inciensota q'osñicherqanku, ñaupaqenkumanta Señorqa qharqorqa, chay runas ruphachej kanku ajinata. Israelitasqa ancha sajratapuni ruwarqanku, chay jinamanta Señorta phiñachispa.

DIOSPA QHELQACHISQAN DEUTEROCANONICAL

¹¹ Jinallataj inciensota q'oshñicherqanku, pikunatachus Tata Dios paykunaj ñawpaqenmanta wijch'usqa, chaykuna jinallataj q'oshñicherqanku. Israelitakunaqa ancha millayta ruwaspa, Tata Diosta k'arajta phiñacherqanku.

2 Reyes 17:11 ပူးပေါင်းရင်းမြစ်များ

1 Reyes 13:1

Jeroboanqa chay altarpi inciensota q'oshñichinan kashajtin, Tata Diospa kachamusqan sut'inchaj uj runa Judá suyumanta Betelman chayamorqa.

1 Reyes 14:15

Imaynatachus t'uturata purej yaku thalarin, ajinata Tata Diosqa israelitakunata thalarparenqa. Payllataj israelitakunata wijch'onqa, kay chhika sumaj jallp'ata tatankuman qorqa, chaymanta. Éufrates mayumantapis aswan jaqaymanraj paykunata wijch'onqa, k'ullumanta Asera lantikunata ruwakuspa, Tata Diosta wasanchasqankurayku.

2 Reyes 12:4

Uj kuti Joasqa sacerdotekunata nerqa: Tata Diospa Templonman runakunaj apamusqanku tukuy ofrendata tantaychej: Sapa uj paymanta paganan kajta, sonqomanta munaspa churasqanku ofrendatapis.

2 Reyes 17:10

Chantá tukuy orqokunapi, tukuy thansarara sach'a urapi ima rumimanta lantikunata, Asera lantikunata ima sayacherqanku.

2 Reyes 17:12

Chay jawa, lantikunata yupaychanankuta Tata Dios mana munashajtinpis, paykunaqa yupaychallarqankupuni.

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

2 Crónicas 28:25

Jinallataj tukuy Judá suyupi, sapa llajtapi lantikunata yupaychanapaj wasita ruwacherqa, chaypitaj waj dioskunaman inciensota q'oshñicherqanku. Jinata ruwaspa, ñawpa tatanpa Tata Diosninkuta phiñacherqa.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Jeremías 44:17

Manachayqa ruwallasqaykupuni, imatachus ruwanaykuta nerqayku, chayta. Inciensota q'oshñichillasqaykupuni, vinotapis ch'allasqayku Janaj Pachaj Qoyan nisqa diosman, imaynatachus kunankama kuraj kamachejniyku, noqayku, ñawpa tatayku ima ruwarqayku, ajinata. Judá llajtakunapi, jinallataj Jerusalenpa callenkunapipis Janaj Pachaj Qoyan nisqa diosman inciensota q'oshñichillarqaykupuni, imaynachus ñawpa tataykukuna ruwarqanku, ajinata. Chaypacha chayta ruwasqaykurayku ñawpajta ashkha mikhuna tiyapuwaj kayku, atipachikunaykupaj jina. Tukuy imapi allin riwaj kayku, manataj ima ñak'ariypis noqaykuta qhatiriwajchu kayku.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Deuteronomio 12:2

Chay jallp'aman yaykuspaqa, chaypi llajtayojkunaj lantinkuta, chantá yupaychananku cheqakunata phirinkichej. Jinallataj jatuchaj orqokunapi, lomakunapi, chantá thansarara sach'a urapi kajkunata ima phirillankichejtaj.

Deuteronomio 18:9

Maypachachus Tata Diosniykichej qosonqachej, chay jallp'aman yaykunkichej chaypacha, ama chay llajtayojkunaj millay usunkuta ruwankichejchu.

Deuteronomio 32:16

Waj dioskunata yupaychaspa, Diosta celosacherqanku. Millay ch'ichita ruwaspataj, phiñakuyninta k'ajaricherqanku.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.