2 Reyes 16:3 - DIOSPA QHELQACHISQ

³ Manachayqa Israel suyuta kuraj kamachejkuna jina paypis ruwallarqataj. Ajazqa churinta q'olachispa, waj diosman jaywarqa. Ajina millayta ruwarqa, Tata Dios pikunatachus israelitakunaj ñawpaqenkumanta wijch'usqa, chay runakunaj usunkuman jina.

Qheshwa Biblia DC

³ Israelmanta reyespa ñankunasninkupitaj payqa purerqa, kikin wawastapis ninapi q'olacherqa, imaynatachus chay waj llajtayoj runas millaykunata ruwaj kanku ajinata. Chaykunata Señorqa Israel jallp'amanta qharqorqa.

DIOSPA QHELQACHISQAN DEUTEROCANONICAL

³ Manachayqa Israel suyuta kuraj kamachejkuna jina paypis ruwallarqataj. Ajazqa churinta q'olachispa, waj diosman jaywarqa. Ajina millayta ruwarqa, Tata Dios pikunatachus israelitakunaj ñawpaqenkumanta wijch'usqa, chay runakunaj usunkuman jina.

2 Reyes 16:3 ပူးပေါင်းရင်းမြစ်များ

1 Reyes 14:24

Tukuy suyupi chay lantikunata yupaychana wasikunapi khuchichakoj qharikuna kallarqataj. Chantapis Tata Diosqa israelitakunaj ñawpaqenkumanta wijch'orqa, chaykunaj millay ruwasqankuta paykunapis ruwallarqankutaj.

2 Reyes 17:16

Tata Diosninkoj tukuy kamachisqanta mana kasuspa, qorita unuyacherqanku. Chantá waka uñaman rijch'akoj iskay lantikunata ruwakorqanku. Asera nisqa lantikunatapis ruwakullarqankutaj. Chay jawaqa Baalta, chantá janajpi tukuy ch'askakunatawan yupaychallarqankutaj.

2 Reyes 17:17

Chantá qhari wawankuta, warmi wawankutapis q'olachispa diosninkuman jaywarqanku. Jinallataj layqeriyoman, qhepanejman imachus kananmanta watunaman ima qokullarqankutaj. Tata Diospa rikunanta ajina millayta ruwanaman qokuspa, payta sinch'ita phiñacherqanku.

2 Reyes 17:19

Chaywanpis Judá suyupi tiyakojkunapis manallataj Tata Diosninkoj kamachisqanta kasorqankuchu. Aswanpis israelitakuna imatachus apaykamusqankuta, chay jinallatataj ruwarqanku.

2 Reyes 17:8

Chantá Tata Dios paykunaj ñawpaqenkumanta wijch'usqa, chay runakunaj usunkuta ruwallarqankutaj. Jinallatataj Israel suyuta kuraj kamachejkuna, ima usutachus apaykamorqanku, chaytapis ruwallarqankutaj.

2 Reyes 21:11

Judá suyuta kuraj kamachej Manasés may jina millaytapuni ruwaspa, paymanta ñawpajta amorreokuna karqanku, chaykunamantapis astawan millaytapuni ruwan. Judá suyumanta kajkunatapis lanti ruwasqanta yupaychachispa juchallicherqa.

2 Reyes 21:2

Payqa manapuni Tata Diospa munasqanman jinachu ruwarqa, imajtinchus Tata Dios pikunatachus israelitakunaj ñawpaqenkumanta wijch'usqa, chay runakuna jinallataj millayta ruwarqa.

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

2 Reyes 21:9

Paykunarí mana uyarikorqankuchu. Manasesqa astawan millayta ruwaspa purinaman israelitakunata apaykorqa. Tata Dios israelitakunaj ñawpaqenkumanta waj llajtayojkunata wijch'usqa, chaykunamantapis astawan millaytaraj ruwarqa.

2 Reyes 23:10

Jinallatataj kuraj kamachej Josiasqa Ben Jinón vallepi jaywanata q'olachina cheqata millachikunaman tukuchillarqataj, amaña pipis qhari wawanta, chayrí warmi wawanta chaypi q'olachispa Moloc nisqaj lantinman jaywananpaj.

2 Reyes 8:18

Josafatpa churin Joranqa Israel suyuta kuraj kamachejkuna jina, jinataj Ajabpa ayllun jina Diosta mana kasuspa purerqa, imaraykuchus Ajabpa ujnin ususin paypa warmin karqa. Joranqa manapuni Tata Diospa munasqanman jinachu ruwarqa.

2 Crónicas 22:3

Ocoziasqa Ajabpa ayllun jinallatataj ruwarqa, maman Atalía mana allinkunata ruwananpaj yuyaychasqanrayku.

2 Crónicas 33:2

Payqa mana Tata Diospa munayninman jinachu ruwarqa. Aswanpis Israelpa muyuyninmanta wijch'usqan suyukunapi tiyakojkunaj chay millay ruwasqankuta ruwarqa.

2 Crónicas 33:6

Chay jawa Manasesqa Ben Jinón vallepi churinkunatapis ruphachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawayman, aysiri kayman, layqeriyoman ima qokorqa. Ajinata Tata Diospa rikunanta millaytapuni ruwaspa, sinch'ita phiñacherqa.

Salmos 106:35

Aswanpis Diosta mana qhatejkuna runakunawan chhapukuspa, paykuna mana walej usunkuta ruwayta yachaykorqanku.

Isaías 57:5

Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Ezequiel 16:21

Chay jawa wawaykikunatapis lantikunaman uywa wañuchisqa q'olachinata jina jaywallarqankitaj.

Ezequiel 16:47

Qantaj paykunamanta yachakuspa purerqanki, paykuna jina millachikunapaj ruwaspa. Chaywanpis mana sajsaspa, paykunamanta aswan millaytaraj ruwarqanki.

Ezequiel 20:26

Jinataj saqellarqani ch'ichichakunankuta kuraj kaj churinkukunata lantikunaman q'olachisqankunejta. Chayta ruwarqani paykuna sinch'i mancharisqa kanankupaj, noqalla Tata Dios kasqayta yachanankupajtaj.

Ezequiel 20:31

Qankunaqa lantiykichejkunaman jaywaspa, chantá wawaykichejta q'olachispa, kunankama ch'ichichakushallankichejpuni. Israelitakuna, ajina kashaspachu tapukoj jamuwankichej, kutichinaytataj munashankichej? Noqa Tukuyta Kamachej Tata Dios tiluspa, niykichej: Tapuwajtiykichejqa manapuni kutichisqaykichejchu, nispa.

Levítico 18:21

Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

Levítico 20:2

Israelitakunata ajinata ninki: Sichus israelitakunamanta mayqellanpis, chayrí qankuna ukhupi tiyakoj waj llajtayojpis Moloc sutichasqa lantiman wawanta jaywanman chayqa, tukuy runakuna rumiwan ch'anqaspa chay runata wañuchenqanku.

Miqueas 6:7

Kusikunmanchu Tata Dios waranqa corderokunata q'olachispa jaywajtiy, chayrí chunka waranqa litro aceiteta jaywajtiypis? Kusikunmanchu kuraj kaj churiyta payman jaywajtiy, Diosta wasanchasqaymanta, juchaymantawan paganaypaj? nispa.

Deuteronomio 12:31

Tata Diosniykichejtaqa ama chay llajtayojkuna imaynatachus diosninkuta yupaychanku jinataqa, yupaychankichejchu. Chay llajtayojkunaqa imatachus Tata Dios mana rikuyta atinchu, chay imakunata ruwaspa diosninkuta yupaychanku. Paykunaqa wawankutapis ninawan q'olachispa diosninkuman jaywanku.

Deuteronomio 18:10

Ama qankuna ukhupi mayqenpis wawaykichejta q'olachispa diosninkuman jaywankichejchu. Amapuni ni mayqenniykichej watoj kaychejchu, nitaj suerteta qhawajpis, nitaj ch'askata qhawayta yachaj, nillataj layqapis,