2 Reyes 15:4 - DIOSPA QHELQACHISQ

⁴ Chay tukuywanpis, orqo patapi waj dioskunata yupaychana altarkunata mana thuñerqachu. Chay altarkunapi runakunaqa uywata ñak'aspa, diosninkuman jaywashallarqankupuni, inciensotapis q'oshñichishallarqankupuni.

Qheshwa Biblia DC

⁴ Chay tukuywampis, lomas patapi kaj qhasi dioskunaj altaresnin mana chinkachisqaschu karqanku. Chay lomas pata altarespi runasqa uywa ñak'asqasta jaywallajpuni kanku, inciensotapis q'osñichej kanku.

DIOSPA QHELQACHISQAN DEUTEROCANONICAL

⁴ Chay tukuywanpis, orqo patapi waj dioskunata yupaychana altarkunata mana thuñerqachu. Chay altarkunapi runakunaqa uywata ñak'aspa, diosninkuman jaywashallarqankupuni, inciensotapis q'oshñichishallarqankupuni.

2 Reyes 15:4 ပူးပေါင်းရင်းမြစ်များ

1 Reyes 15:14

Loma patapi altarkunataqa mana phirerqachu. Chaywanpis Asaqa wañupunankama Tata Diosta mana wasancharqachu.

1 Reyes 22:43

43 (44) Payqa tatan Asa jina allinta purerqa, Tata Diospa ñawpaqenpi cheqanta ruwaspa. Chay tukuywanpis orqo patapi yupaychana wasikunata mana thuñicherqachu. Runakunaqa chaypi uywa ñak'asqata jaywajraj kanku, inciensotapis q'oshñichejraj kanku.

2 Reyes 12:3

Chay tukuywanpis, orqo patapi lanti yupaychana altarkunata mana thuñerqachu. Runaqa chaykunapi uywa ñak'asqata jaywallajpuni kanku, chantá inciensotawan q'oshñichej kanku.

2 Reyes 12:4

Uj kuti Joasqa sacerdotekunata nerqa: Tata Diospa Templonman runakunaj apamusqanku tukuy ofrendata tantaychej: Sapa uj paymanta paganan kajta, sonqomanta munaspa churasqanku ofrendatapis.

2 Reyes 14:4

Chaywanpis, orqo patapi lanti yupaychana altarkunata mana thuñerqachu. Runaqa chaykunapi uywa ñak'asqata chantá inciensotawan q'oshñichispa jaywashallarqankupuni.

2 Reyes 15:3

Azariasqa Tata Diospa munasqanman jina, tatan Amasías jinallataj cheqan kajta ruwarqa.

2 Reyes 15:34

Yotanqa tatan Uzías jinallataj Tata Diospa munasqanman jina cheqan kajta ruwarqa.

2 Reyes 15:35

Payqa Tata Diospa Templonpa wichaynej punkunta ruwacherqa. Chay tukuywanpis, orqo patapi waj dioskunata yupaychana altarkunata mana thuñerqachu. Chayrayku runakunaqa chaykunapi uywata ñak'aspa jaywashallarqankupuni, inciensotapis q'oshñichishallarqankupuni.

2 Reyes 18:4

Payqa orqo patapi waj dioskunata yupaychana altarkunata thuñiykorqa, rumimanta lantikunata p'akerqa, k'ullumanta ruwasqa lantikunapis llant'arparerqa. Jinallataj Moisespa broncemanta ruwasqan kataritapis p'akillarqataj, imajtinchus israelitakunaqa chay katarita diosta jina qhawaspa, inciensota q'oshñicherqanku. Jinataj broncemanta katarita Nejustán, nispa suticharqanku.

2 Crónicas 17:6

Josafatqa tukuy sonqowan Tata Diospa kamachisqanta ruwarqa. Chayrayku Judamanta chinkacherqa loma patapi kaj millay lanti yupaychana wasikunata, jinataj Asera k'ullu lantikunatapis.

2 Crónicas 32:12

Manachu Ezequías loma patapi yupaychana wasikunata, Tata Diospa altarninkunatapis thuñerqa? Manachu Judapi jinataj Jerusalenpi tiyakojkunata uj altarllapi inciensota q'oshñichinankuta kamacherqa?

2 Crónicas 34:3

Pusaj watataña kamachishaspa, waynallaraj karqa. Chaywanpis ñawpa tatan Davidpa Diosninta kasuyta qallarerqa. Chunka iskayniyoj watata kamachisqanmantataj, Judamanta, Jerusalenmantawan loma patapi yupaychana wasikunata, Asera lantikunata, metalmanta jich'asqa lantikunatapis chinkachiyta qallarerqa.