2 Pedro 2:3 - DIOSPA QHELQACHISQ

³ Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Qheshwa Biblia DC

³ Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

DIOSPA QHELQACHISQAN DEUTEROCANONICAL

³ Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Quechua South Bolivia: Dios Parlapawanchej

³ Chay pantachejcunaka allinnincuta masc'aspalla llulla parlaynincuwan kolkeyquichejta orkhosonkachej. Paycunaj juchachaynincoka unaymantapacha waquichiskañamin. Wiñay wañuymanpis renkancupuni.

2 Pedro 2:3 ပူးပေါင်းရင်းမြစ်များ

Job 6:27

Qankunaqa wajcha runatapis venderpariwajchejsina. Qankunaqa kawsaqeykichejta p'ampaykunaykichejpaj t'oqotapis allawajchejsina.

Salmos 18:44

44 (45) Uyariwaytawan, paykuna usqhayta kasuwanku. Waj llajtayojkunapis manchayta jatunchawanku.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Salmos 81:15

15 (16) Pikunachus noqa Tata Diosta chejnikojkunapis manchachikuspa, Israelpa ñawpaqenman k'umuykunkuman karqa, jinataj wiñaypaj juchachasqa kankuman karqa.

Isaías 5:19

Qankuna ninkichej: Diosqa imatachus ruwananta usqhayta ruwachun, noqanchej rikunanchejpaj. Israelpa May Llimphu kaj Diosnenqa ruwananta usqhayllata junt'achun, imaraykuchus noqanchej imachus kananta yachayta munanchej, nispa.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Isaías 60:22

Kay pisi puchoj runakunaqa waranqata mirankichej, aswan mana kasuta ruwana runakunapis jatun suyuman tukunkichej. Noqa Tata Diosmin chayta nini, imatachus nisqaytaj usqhayllata junt'akonqapuni.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Ezequiel 13:19

Qankunaqa aylluy ukhupi uj maki cebadarayku, uj chhikan t'antaraykutaj watuspa, honrayta t'akankichej. Wañunanpaj kaj runatataj kawsananta ninkichej, kawsananpaj runatataj wañunanta sut'inchankichej. Ajinata qankuna aylluyta ch'awkiyankichej, llullata sut'inchasqaykichejmanta jap'ikusqankurayku.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Habacuc 3:3

Diosqa Temán chaynejmanta jamun. Parán orqomanta May Llimphu Kaj Dios jamushan. Jatun kayninpa lliphipiynenqa kay pachaman junt'aykun, kay pachapis payta jatunchaywan junt'a kashan.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

San Mateo 23:14

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa warmisapaj tiyapuyninkuta oqokapunkichej. Chantá mana jina kasqaykichejta reparachikunaykichejpaj unay unayta Dioswan parlarikoj tukunkichej. Chayrayku qankuna aswan sinch'i ñak'ariywan jasut'isqa kankichej.

San Lucas 18:8

Noqa niykichej: Mana suyachikuspa, Dios justiciata ruwanqapuni. Chaywanpis Diospa Churin kay pachaman kutimuspa, mashkha runatataj Diospi atinikushajta tarenqari? nispa.

San Lucas 20:20

Chantá judiokunaj kurajninkukunaqa allinman tukoj puraj uya runakunata kacharqanku, Jesusta wateqanankupaj. Jinamanta Jesusta ima parlasqallanpipis jap'iyta munarqanku, Romaj churasqan kamachejpa makinman jaywaykunankupaj.

San Lucas 22:47

Jesús parlashajtillanraj, ashkha runakuna chayamorqanku, ñawpaqenkutataj ujnin kuraj kachan, Judas sutiyoj jamusharqa. Paytaj qayllaykuspa, Jesusta uyanpi much'aykorqa.

San Juan 2:16

Urpikunata qhatojkunatataj nerqa: Tukuy chaykunata kaymanta orqhoychej. Tataypa wasintaqa ama qhatuna wasiman tukuchiychejchu, nispa.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

2 Corintios 2:17

Mana noqaykoqa wakinkuna jinachu kayku, pikunachus Diospa simi nisqanta q'ewispa parlanku, chaykuna jina. Aswanpis noqayku Diospa kachasqankuna jina, ch'uwa sonqowan Diospa ñawpaqenpi cheqan kajta parlayku, Cristowan ujchasqa kasqaykurayku.

Deuteronomio 24:17

Ama waj llajtayojkunata, nitaj wajcha wawakunatapis mana allinta ruwaspa waqachinkichejchu. Amallataj warmisapamantapis p'achankuta prendata jina jap'inkichejchu.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

1 Tesalonicenses 2:5

Yachankichej jina, noqayku ni jayk'aj pitapis misk'i simiwan llunk'upayarqaykuchu, nitaj qankunamanta qolqeta orqhonaykupaj q'otiyarqaykuchu. Mana jinachu kasqanta Diospis yachallantaj.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

1 Timoteo 3:3

Jinallataj mana machakojchu kanan tiyan, nitaj maqanakuta mask'ajchu, manachayqa llamp'u sonqoyoj, k'acha runa. Manallataj qolqemanta wañusqachu kanan tiyan.

1 Timoteo 3:8

Ajinallataj iglesiapi diaconokunapis allinpaj qhawasqa kananku tiyan, mana iskayta parlaj, manataj machakojkuna, nitaj mana allinta ruwaspa qolqe jap'iymanta wañusqa.

1 Timoteo 6:5

Ajina kajkunaqa ch'ajwata sayarichinkupuni. Paykunaj yuyayninku manaña allinñachu kasqanrayku cheqa kajta wasanchanku. Jinallataj yuyanku Diosta kasuspa purinaqa qolqeta jap'inallapaj kasqanta.

Tito 1:11

Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

Tito 1:7

Jinallataj iglesiata pusarejqa Diospa churasqan qhawaj kasqanrayku mana k'amina kanan tiyan, mana runaykachaj, mana usqhayllata phiñakoj, mana machakoj. Chantá mana atiyniyoj kasqanmanta jap'ikuspa maqanakuta mask'ajchu kanan tiyan, nitaj qolqemanta wañusqachu.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

1 Pedro 5:2

Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

2 Pedro 1:16

Tukuyta Kamachej Jesucristoj atiyninmanta, chantá kutimunanmanta ima qankunaman willasqaykoqa mana runaj sumaj wakichisqan cuentoman jinallachu karqa. Manachayqa paypa jatun kayninpa lliphipiyninta noqayku kikin ñawiykuwan rikorqayku.

2 Pedro 2:1

Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

Judas 1:11

Ay mana cheqanta yachachejkunamanta imallachus kanqapis. Paykuna Cainpa ruwasqanta ruwaspa purinku. Jinallataj qolqerayku Balaam jina runata q'otiyanku, Chantá Coré jina Diospa contranpi oqharikullasqankupitaj chinkachisqa kanqanku.

Judas 1:15

tukuyta juzgananpaj. Payqa Diosman mana kutirikojkunata juchachanqa tukuy millay ruwasqankumanta, chantá Diosta turiyaspa mana allinta parlasqankumanta ima, nispa.

Judas 1:16

Jinallataj chay mana cheqanta yachachejkuna wasamanta rimakojkuna kanku, thutojkunataj. Paykuna sonqonkoj munasqanta ruwanallankupaj kawsanku, wapuykachaspataj may kasqankumanta parlanku. Chantá paykunallapaj imatapis tariyta munaspa, runata llosq'onku.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.