2 Corintios 9:8 - DIOSPA QHELQACHISQ

⁸ Diostaj atiyniyojmin, qhasilla k'acha yanapayninnejta qankunaman ashkhamanta qosunaykichejpaj. Ajinamanta mana jayk'ajpis ni imamanta pisichikunkichejchu. Aswanpis tiyapuyniykichej kallanqapuni wajkunata yanapayta atinaykichejpaj.

Qheshwa Biblia DC

⁸ Diosqa atiyniyoj, khuyakuynin qankunapi ashkhayanampaj; ajinapi ama ima pisinampaj, tukuy ima allin ruwaypitaj junt'asqa kanaykichejpaj.

DIOSPA QHELQACHISQAN DEUTEROCANONICAL

⁸ Diostaj atiyniyojmin, qhasilla k'acha yanapayninnejta qankunaman ashkhamanta qosunaykichejpaj. Ajinamanta mana jayk'ajpis ni imamanta pisichikunkichejchu. Aswanpis tiyapuyniykichej kallanqapuni wajkunata yanapayta atinaykichejpaj.

Quechua South Bolivia: Dios Parlapawanchej

⁸ Tucuy imapi may c'achata yanapasunayquichejpaj Dioska atiyniyojmin. Ajinamanta tucuy imapi, tucuy imaymanapi, tucuy c'acha ruwanapaj sumaj callpachaskaspuni canquichej.

2 Corintios 9:8 ပူးပေါင်းရင်းမြစ်များ

2 Crónicas 25:9

Chantá Amasiasqa Diospa sut'inchajninta taporqa: Imanasajtaj 3.300 kilo qolqe metalta Israel soldadokunamanta qosqaytari? nispa. Diosmanta sut'inchajtaj kuticherqa: Tata Diospataqa jatun atiynin tiyan chay qolqemanta aswan ashkhataraj qosunanpaj, nispa.

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Proverbios 10:22

Tata Diospa saminchaynenqa qhapajyachin. Chay saminchayqa mana llakichinchu.

Proverbios 11:24

Pichus wajchakunaman jaywarejmanqa imapis astawan yapakun. Pichus mich'akojrí wajchaman tukonqa.

Proverbios 28:27

Pichus wajcha runata yanapajqa tukuy imayoj kanqa. Wajchata mana yanapayta munajrí sinch'i maldicisqa kanqa.

Proverbios 3:9

Tukuy kapuyniykiwan Tata Diosta jatunchay, jinallataj chajraykej ñawpaj kaj poqoyninwan ima.

Hageo 2:8

Tukuy Atiyniyoj Tata Dios nillantaj: Qolqepis, qoripis noqajtamin,

Malaquías 3:10

Noqa Tukuy Atiyniyoj Tata Diosmin niykichej: Kapuyniykichejmanta sapa chunkamanta ujta Temployman apamuychej, wasiypi mikhuna kananpaj. Ajinatachus ruwankichej chayqa, rikunkichej imaynatachus noqa janaj pachaj ventananta kicharispa, may chhika saminchaykunata parachimunaykichejta. Ruwaychej má, chantá rikunkichej.

Hechos 9:36

Chaypacha Jopepi tiyakorqa Jesusta qhatikoj uj warmi, Tabitá sutiyoj, griego rimaypitaj sutin Dorcas karqa. Paytaj allin imakunata ruwaj, wajchakunatapis yanapajpuni.

1 Corintios 15:58

Ajina ari, munasqa wawqe panakuna, mana sayk'uspa sinch'ita sayaychej, Tukuypa Kamachejpa ruwananpi astawan astawan llank'aspa, imaraykuchus yachankichej Tukuyta Kamachej Jesuswan ujchasqa llank'asqaykichejqa mana qhasipajchu kananta.

2 Corintios 13:3

Qankuna imatapis rikuyta munankichej Cristo noqanejta parlasqanta yachanaykichejpaj. Kunantaj chayta rikuchisqaykichej. Cristoqa qankunata k'amispa, kasuchikunanpaj jinapuni k'amisunkichej, ajinamanta qankuna ukhupi atiyninta rikuchinanpaj.

2 Corintios 8:19

Jinapi iglesiakuna chay wawqeta ajllarqanku noqaykuwan khuska qolqeta apaspa Jerusalenman rinanpaj. Ajinata ruwashayku Tata Dios jatunchasqa kananpaj, chantapis khuyakoj sonqoyoj kasqaykuta rikuchinaykupaj.

2 Corintios 8:2

May sinch'i llakiykunata ñak'arishajtinkupis, kusikuyninkoqa may jatunmin karqa. Jinallataj wajcha kashaspa, qhapajpis kankuman jina, paykuna yanapanankupaj tukuy sonqo qolqeta qorqanku.

2 Corintios 8:7

Qankuna tukuy imapi ñawpajpipuni kankichej: Diospi atinikuypi, parlaypi, yachaypi, ruwanapaj k'uchi kaypi, noqaykupaj munakuypi ima. Kunanqa ajinallataj k'acha kaspa yanapanapaj qolqe tantanapi ñawpajpi kaychej.

2 Corintios 9:11

Ajinamanta tukuy imapi qhapajyachisqa kankichej, mana mich'akuspa wajkunata yanapayta atinaykichejpaj. Noqayku chay qolqeta paykunaman apajtiykutaj, paykuna chay qolqemanta tukuy sonqo Diosman pachis nenqanku.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Efesios 3:20

Diosqa tukuy imata ruwayta atin, mañakusqanchejmantapis yuyasqanchejmantapis aswantaraj, noqanchejpi llank'ashan, chay jatun atiyninnejta.

Filipenses 4:11

Chayta nishaykichej, mana pisichikusqayraykuchu, imajtinchus amañakuniña imachus tiyapuwasqanwan sonqo junt'asqa kayta.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

2 Tesalonicenses 2:17

Paykunamin sonqoykichejta oqharichunku, kallpachachunkutaj allin kajllatapuni ruwanaykichejpaj, chantá parlanaykichejpaj ima.

2 Timoteo 2:21

Ajinallataj pichus mana allin kajta ruwanamanta t'aqakojqa jatun p'unchayllapi oqharinapaj jina kanqa. Payqa Tukuyta Kamachej Diospaj t'aqasqa kaspa, wakichisqa kanqa, Dios paynejta tukuy allin kajta ruwananpaj.

2 Timoteo 3:17

Ajinamanta Diospa kamachenqa ruwanapaj sumaj yachachisqa kanqa, jinallataj tukuy ima allin kajta ruwananpaj sumaj wakichisqa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Tito 3:14

Diosta qhatej masinchejkuna allin kajta ruwayta yachachunku, imamantapis pisichikojkunata yanapaspa. Ajinata ruwaspa, mana jinalla kakojkunachu kanqanku.

Tito 3:8

Kay nisqayqa cheqapuni, munanitaj mana sayk'uspa chaymanta parlanaykita. Noqanchej Diosta qhatikojkuna imachus allin kajta ruwanapi yuyaspa kananchej tiyan. Chaykunata ruwanaqa may sumajmin, allintaj runapaj.

1 Pedro 4:10

Sapa ujniykichejman Dios uj imata ruwanapaj atiyta qosorqachej, qankunataj chaywan ujkuna ujkunata yanapakuychej. Sumaj mayordomokuna jina Diospa imaymana k'acha yanapayninta allinta apaykachaychej.