2 Corintios 9:14 - DIOSPA QHELQACHISQ

¹⁴ Chantapis paykuna Dioswan parlarikuspa tukuy sonqo mañapusonqachej, Diospa qhasilla k'acha yanapaynin qankunapi kasqanrayku.

Qheshwa Biblia DC

¹⁴ Paykunataj mañapusonqachej Diosmanta tukuy sonqo munakuywan; Diospa jatun khuyakuynin qankunapi kasqanrayku.

DIOSPA QHELQACHISQAN DEUTEROCANONICAL

¹⁴ Chantapis paykuna Dioswan parlarikuspa tukuy sonqo mañapusonqachej, Diospa qhasilla k'acha yanapaynin qankunapi kasqanrayku.

Quechua South Bolivia: Dios Parlapawanchej

¹⁴ Dios c'acha yanapayninta mana mich'acuspa kosuskayquichejmanta yachaspa, munacuywan kancunapaj Diosmanta mañaconkancupuni.

2 Corintios 9:14 ပူးပေါင်းရင်းမြစ်များ

2 Samuel 13:29

Chayrayku Absalonta kasuspa, kamachinkunaqa Amnonta wañucherqanku. Chantá kuraj kamachejpa chay waj churinkunaqa chayta rikuspa, mulankuman lloq'aykuytawan, ayqerqanku.

Proverbios 11:26

Trigo pisiyajtin, sichus pipis trigota tantaspa pakaykun chayqa, runa masinkuna maldicenqanku. Pichus trigota vendejtarí saminchanqanku.

San Lucas 16:9

Chayrayku qankunapis kay pachapi kapuyniyoj kasqaykichejwan wajta yanapaspa kawsaqekunata mask'akuychej. Ajinamanta kapuyniykichej tukukojtin, wiñaypaj tiyakunapi kusiywan jap'eqasqa kankichej.

Romanos 1:11

Noqaqa qankunata rikuytapuni munaykichej, Diosmanta yachachispa yanaparinaypaj, ajinamanta astawan thuruta sayanaykichejpaj.

2 Corintios 1:11

Qankunapis noqaykurayku Diosmanta mañapuspa yanapashawayku. Ajinamanta ashkha runakuna Diosta pachis nenqanku, imaraykuchus mañakusqankuman kutichispa, Dios qhasilla k'acha yanapayninwan yanapawarqayku.

2 Corintios 8:1

Kunanqa wawqe panakuna, qankunaman willayta munayku imaynatachus Dios khuyakuspa Macedoniapi kaj iglesiakunanejta ruwasqanta.

2 Corintios 9:13

Paykunataj yanapata rikuspa, Diosta jatunchanqanku. Chay qolqeta paykunapaj, tukuypajpis tukuy sonqo qosqaykichejmanta, paykuna reparanqanku Cristomanta sumaj willayta kasusqaykichejta.

2 Corintios 9:15

Tukuychanapaj Diosta pachis ninachej mana niy atina may sumaj qowasqanchejmanta.

Filipenses 1:8

Dioslla yachan imaynatachus qankunata munakusqayta Jesucristoj sinch'i munakuyninwan.

Filipenses 2:26

Payqa qankunata maytapuni rikuyta munashan, llakisqataj kashan onqosqanta yachasqaykichejmanta.

Filipenses 4:1

Chayrayku munasqa wawqe panakuna, qankunaqa Tukuyta Kamachej Jesuspi atinikuspallapuni kaychej. Noqa qankunata anchata rikuyta munashaykichej, imaraykuchus qankuna kusichiwankichej, llank'asqaymantataj t'inkay kankichej.

1 Timoteo 1:14

Chantá Tukuyta Kamachej Diosninchej qhasilla k'acha yanapayninwan may jinatapuni yanapawarqa. Jinallataj Cristo Jesusnejta paymanta jap'ikuyta, jinataj munakuyta ima Dios yanapallawarqataj.