2 Corintios 8:2 - DIOSPA QHELQACHISQ

² May sinch'i llakiykunata ñak'arishajtinkupis, kusikuyninkoqa may jatunmin karqa. Jinallataj wajcha kashaspa, qhapajpis kankuman jina, paykuna yanapanankupaj tukuy sonqo qolqeta qorqanku.

Qheshwa Biblia DC

² May phutiykunapi kashajtinku, may kusikuyniyoj karqanku; wajchas kashaspapis qorqanku tukuy sonqo, qhapajyarqankutaj sumaj sonqowan qosqankurayku.

DIOSPA QHELQACHISQAN DEUTEROCANONICAL

² May sinch'i llakiykunata ñak'arishajtinkupis, kusikuyninkoqa may jatunmin karqa. Jinallataj wajcha kashaspa, qhapajpis kankuman jina, paykuna yanapanankupaj tukuy sonqo qolqeta qorqanku.

Quechua South Bolivia: Dios Parlapawanchej

² Ajinamanta sinch'i llaquiycunapi caspapis ancha pisi capuyniyoj caskancupipis mayta cusicorkancu. Astawanpis may jatun cusiywan waj hermanosman ashqhata korkancu.

2 Corintios 8:2 ပူးပေါင်းရင်းမြစ်များ

Proverbios 11:25

Khuyakoj runaqa tukuy imayoj kanqa, k'acha sonqoyoj runataj sajsachisqapuni kanqa.

San Mateo 20:15

Manachu qolqeywan munasqayta ruwayta atini? Chayrí, k'acha kasqayraykuchu sajra ñawiwan qhawashawanki? nispa.

Romanos 12:8

Sichus pimanpis sonqota oqharinapaj atiyta qon chayqa, chayta sumajta ruwachun. Jinallataj sichus pimanpis tiyapuyninmanta jaywarinapaj atiyta qon chayqa, mana mich'akuspa yanaparichun. Sichus pimanpis iglesiata pusananpaj atiyta qon chayqa, tukuy sonqo imachus ruwananta ruwachun. Chantá sichus pimanpis khuyarinapaj atiyta qon chayqa, kusiywan khuyarichun.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 2:9

Jinallataj chay cartata apachimorqaykichej, sonqoykichej imaynachus kasqanta yachanaypaj, tukuy imapi kasukunkichejchus, manachus, chayta yachanaypaj.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

2 Corintios 9:11

Ajinamanta tukuy imapi qhapajyachisqa kankichej, mana mich'akuspa wajkunata yanapayta atinaykichejpaj. Noqayku chay qolqeta paykunaman apajtiykutaj, paykuna chay qolqemanta tukuy sonqo Diosman pachis nenqanku.

2 Corintios 9:13

Paykunataj yanapata rikuspa, Diosta jatunchanqanku. Chay qolqeta paykunapaj, tukuypajpis tukuy sonqo qosqaykichejmanta, paykuna reparanqanku Cristomanta sumaj willayta kasusqaykichejta.

Deuteronomio 15:4

Ajinata ruwajtiykichej, qankuna ukhupi mana wajchakuna kanqankuchu, imaraykuchus Tata Dios jallp'ata qosonqachej, chaypi may jinata yanapasonqachej.

1 Tesalonicenses 1:6

Qankunataj noqaykumanta, chantá Tukuyta Kamachej Jesusmanta imaynatachus allinta kawsanata yachaqakorqankichej. Sinch'i ñak'ariypi kashaspapis, Santo Espíritu kusikuyta qosqanwan Diospa willachisqanta jap'ikorqankichej.

1 Tesalonicenses 2:14

Wawqe panakuna, Judea jap'iypi Diospa iglesianmanta kajkunata kikin llajta masillankutaj ñak'aricherqanku. Ajinallatataj qankunatapis kikin llajta masiykichejkunallataj qhatiykachaspa ñak'arichisorqachej.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.