2 Corintios 7:1 - DIOSPA QHELQACHISQ

¹ Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Qheshwa Biblia DC

¹ Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

DIOSPA QHELQACHISQAN DEUTEROCANONICAL

¹ Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Quechua South Bolivia: Dios Parlapawanchej

¹ Munaska hermanosníy, chay sumaj niskasninta jap'iskanchejraycu cuerponchejta sonkonchejtapis tucuy ch'ichichaj imasmanta llimphuchanachej. Ajinamanta Diosta manchachicuspa payman t'akaskas llimphu causayta masc'anachej sumaj wiñaskas cananchejcama.

2 Corintios 7:1 ပူးပေါင်းရင်းမြစ်များ

2 Crónicas 19:9

Kay jinatataj paykunata kamacherqa: Qankunaqa kay imakunata ruwanaykichej tiyan Tata Diosta manchachikuspapuni, cheqanta ruwaspa, tukuy sonqowan.

Salmos 119:9

Imaynatataj uj waynuchu mana juchallispa kawsayta atinmanri? Simi nisqaykita kasuspalla.

Salmos 19:9

9 (10) Tata Diosta manchay jatun respetowan qhawanaqa mana ch'ichiyoj, wiñaypajtaj sayan. Paypa kamachisqanqa cheqan, manataj piman kutikunchu.

Salmos 51:10

10 (12) Diosníy, llimphu sonqota ruwaway. Cheqan sonqoyoj kanaypaj tukuy kayniyta mosojyachiway.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 20:9

Mana pipis ninmanchu: Noqaqa llimphu sonqoyoj kani, mana ima juchayojtaj, nispa.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Proverbios 8:13

Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Eclesiastés 11:10

Sonqoykimanta phiñakuyta wijch'uy, jinataj tukuy mana allin kajta ruwanata karunchay, imaraykuchus waynataj, sipastaj kayqa qhasi manakajlla.

Isaías 1:16

Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Levítico 13:58

Sichus p'achata, awasqata, chayrí qaramanta ima ruwasqatapis t'ajsajtinku, qorwariyay chinkanman chayqa, ujtawan t'ajsajtinku llimphupaj qhawasqa kanqa.

San Mateo 12:33

Allin sach'aqa allin poqoyta poqon. Mana allin sach'arí mana allin poqoytachu poqon. Chayrayku sach'ataqa poqoyninnejta rejsinchej.

San Mateo 5:48

Janaj pachapi kashaj Tata Diosniykichejqa cheqan munakuyniyoj. Chayrayku qankunapis ajinallataj kaychej. Ajinata nispa Jesús yachacherqa.

San Mateo 5:8

Kusikuyniyojmin kanku llimphu sonqoyojkunaqa, imaraykuchus paykuna Diosta rikonqanku.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Romanos 5:20

Diospa kamachisqan churasqa karqa, runa reparananpaj juchan imayna millaypunichus kasqanta. Chaywanpis runa astawan juchallejtin, Diospa qhasilla k'acha yanapaynin astawanrajpuni karqa.

1 Corintios 6:20

Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.

2 Corintios 1:20

Jinapi Cristo Jesusnejta imatachus Dios qonawanchejta nisqanta, arí nispa, nisqanta junt'an. Chayrayku Jesucristonejta Diosta jatunchaspa, noqanchej ninchej: Ajina kachun, nispa.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

1 Tesalonicenses 3:13

Ajinamanta Tukuyta Kamachej Jesús kallpachasonqachej Diospi tukuy sonqo atinikunaykichejpaj. Jinataj maypachachus Tukuyta Kamachej Jesucristo tukuy ajllakusqankunawan kutimonqa chaypacha, qankuna Diospa ñawpaqenpi llimphu mana juchayoj kankichej. Ajina kachun.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

1 Tesalonicenses 5:23

Sonqo tiyaykuyta qoj Dios allintapuni qankunata llimphuchachun. Payllataj Tukuyta Kamachej Jesucristo kutimunanpaj tukuy kayniykichejta, espirituykichejta, almaykichejta, chantá ukhuykichejta ima waqaychachun mana k'aminapaj jina kanaykichejpaj.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

Hebreos 12:28

Chayrayku Diosta pachis nina, imaraykuchus noqanchej mana kuyuchisqa kayta atej kamachinata jap'inchej. Pachis nina, sonqowantaj Diosta munasqanman jina yupaychana, tukuy sonqo payta may jatun respetowan qhawaspa, manchachikuspataj.

Hebreos 4:1

Diosqa israelitakunaman nisqa paypa qosqan samarinaman yaykunankuta, chay nisqantaj kunankama kashallanraj. Chayrayku manchachikuna tiyan. Pajtataj qankunamanta mayqenpis Diospa qosqan samarinaman mana yaykushanmanchu.

Hebreos 6:9

Munasqa wawqe panakuna, ajinata parlayku chaypis, allinta yachayku qankuna Diosta qhatikuspa paypi atinikuspallapuni kashasqaykichejta. Chayqa qankunapaj aswan sumaj, ajinamantataj qhespichisqa kankichej.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

1 Pedro 1:15

Aswanpis qankuna juchamanta t'aqasqa jina allinta puriychej, imaraykuchus qankunata wajyaj Diosqa may llimphumin.

1 Pedro 1:17

Sichus Diosta Tataykichejpaj rejsikapunkichej chayqa, waj llajtayoj jina kaypi kawsanaykichejkama payta may jina jatun respetowan qhawaspa kawsaychej. Payqa sapa runata ruwasqanman jina juzgan, ni piman kutikuspa.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Pedro 2:11

Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

1 Pedro 5:10

Chantá qhasilla k'acha yanapayninta qoj Diosqa pisi p'unchaykunata ñak'arisqaykichejmanta qhepaman wiñay tukusqata ruwasonqachej. Jinallataj thuruyachisonqachej, kallpachasonqachej, chantá sayachisonqachej ima, imaraykuchus paymin Jesucristonejta wajyasorqachej jatun kayninpa lliphipiyninpi kawsanaykichejpaj.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

1 Juan 3:3

Pichus Jesucristopi atinikuspa jinapuni kananta suyakojqa pay kikin llimphuchakun, imaynachus Jesucristopis llimphupuni, ajina.