2 Corintios 5:1 - DIOSPA QHELQACHISQ

¹ Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

Qheshwa Biblia DC

¹ Yachanchej kay jallp'api wasinchejqa, kay cuerponchej. Chaychus thuñikunman chayqa, tiyapuwanchej uj wasi Diospa ruwasqan janaj pachapi wiñaypaj, mana runaj makimpa ruwasqanchu.

DIOSPA QHELQACHISQAN DEUTEROCANONICAL

¹ Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

Quechua South Bolivia: Dios Parlapawanchej

¹ Caytamin yachaycu: Cay pachapi cuerpoycoka ch'ujllajinalla cashan. Cay wasiycu urmachiska cajtenka manamin maquiswan ruwaska wasipichu tiyacusajcu. Astawanpis Diospa wasichaskanpi wiñaypaj janaj pachapi tiyacusajcu.

2 Corintios 5:1 ပူးပေါင်းရင်းမြစ်များ

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Job 30:22

Qanqa wayrawan apachiwanki, para wayrawantaj thalachiwanki.

Job 4:19

Jina chayqa, imaynatataj Diosqa pisi kallpa runapi atinikonqari? Runaqa t'urumanta ruwasqa wasi jinallamin, thuta jinalla sarurparisqa kanqa.

Salmos 56:9

9 (10) Noqa yanapanawaykita mañakojtiy, awqaykunaqa ayqeyta qallarenqanku. Noqa sumajta yachani Diosqa noqaman kutisqa kasqanta.

Isaías 38:12

Tata Dios kawsayniyta oqharikapun uj michejpa toldonta jina. Awaj runa imaynatachus awasqanta k'utuspa mayt'ukapun, ajinata kay onqoywan kawsayniyta k'uturparin. Uj p'unchayllapi kawsayneyqa tukukapun.

Marcos 14:58

Noqaykoqa Jesusta ajinata nejta uyarerqayku: Noqaqa runaj makinwan ruwasqa kay Templota thuñirparisaj, chaymantataj kinsa p'unchaypi wajta sayarichisaj mana runaj ruwasqanta, nispa.

Hechos 7:48

Chaywanpis Patapi Kaj Diosqa mana runaj makinwan ruwasqa wasipichu tiyakun, imaynatachus sut'inchajkunaj qhelqanpi Dios nin, ajina:

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

2 Corintios 5:4

Kay pachapi toldopi jina kawsashaspaqa, llakikuspa mayta ayqonchej. Chaywanpis mana wañuyta munanchejchu ajinamanta almalla kananchejpaj. Manachayqa mosoj ukhuyoj kayta munanchej, ajinamanta kay wañoj ukhunchejqa wiñay kawsayman yaykunanpaj jina tukuchisqa kananpaj.

Colosenses 2:11

Jinallataj payman ujchasqa kaspa, circuncidasqa karqankichej. Chayqa mana runaj circuncidasqanchu, manachayqa Cristomin circuncidasorqachej, qankunamanta juchallinaman aysaj sonqota orqhospa.

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

Hebreos 11:10

Jinaqa Abraham tukuy sonqo suyasharqa sumaj churasqa cimientoyoj llajtaman chayananta. Chay llajtata Diosmin wakicherqa, sayaricherqataj.

Hebreos 9:11

Chaywanpis Cristo jamunña, aswan allin imakunamanta Kuraj Kaj Sacerdote kananpaj. Maypichus pay imachus ruwananta junt'arqa, chay toldopis aswan sumajllataj. Chay toldoqa mana runaj ruwasqanchu, ajinaqa mana kay pachamantachu.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

1 Pedro 1:4

Dios mana ismoj, mana ch'ichichasqa, nitaj chinkapoj chayaqeta qonawanchejta. Chaywanpis kunan chay chayaqe janaj pachapi qankunapaj waqaychasqa kashan.

2 Pedro 3:11

Ajinata tukuy ima ninawan tukuchisqa kananta yachaspa, qankuna astawanraj juchamanta t'aqasqa, chantá Diosta kasuspa kawsanaykichej tiyan.

1 Juan 3:14

Sichus wawqe pananchejkunata munakunchej chayqa, yachanchej wañuymanta kawsayman pasasqanchejta. Pichus mana munakojrí wañusqallaraj kashan.

1 Juan 3:19

Chay jinamanta Diospata kasqanchejta yachanchej, ajinamantataj Diospa ñawpaqenpi mana imata manchachikuspa sayasunchej.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.