2 Corintios 4:7 - DIOSPA QHELQACHISQ

⁷ Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

Qheshwa Biblia DC

⁷ Chaywampis, tiyapuwayku qhapaj kayniyku t'uru vasospi jallch'asqa, jatun atiy rikusqa kanampaj Diosmanta jamusqanta, manataj noqaykumantachu.

DIOSPA QHELQACHISQAN DEUTEROCANONICAL

⁷ Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

Quechua South Bolivia: Dios Parlapawanchej

⁷ Chay yachaynenka khapaj capuyniycumin. Nokaycoka pisi callpayoj runaslla caycu causayniycutaj t'uru mancasjinalla. Astawanrí chay khapaj capuyniycutaka sonkoycupi jallch'ashaycu Diospa atiyninta tucuyman ricuchinaycupaj. Ricuchintaj may jatun atiynenka mana nokaycumantachu caskanta. Manachayrí payllamantamin.

2 Corintios 4:7 ပူးပေါင်းရင်းမြစ်များ

Job 10:9

Yuyarikuy ari t'urumanta ruwawasqaykita. Kunanqa watejchu jallp'allamantaj kutichiwanki?

Job 33:6

Diospa ñawpaqenpi qanwan noqawanqa uj rejlla kanchej. Noqapis jallp'amanta ruwasqallataj kani.

Job 4:19

Jina chayqa, imaynatataj Diosqa pisi kallpa runapi atinikonqari? Runaqa t'urumanta ruwasqa wasi jinallamin, thuta jinalla sarurparisqa kanqa.

Lamentaciones 4:2

Sión llajtapi tiyakojkunaqa maypaj qhawasqa kaj kanku, sumaj kaj qorimantapis aswan munasqa. Kunantajrí manka llut'aj ruwasqan t'uru manka jinalla qhawasqa kanku.

San Mateo 13:44

Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

San Mateo 13:52

Chantá Jesús paykunata nillarqataj: Chayrayku, Diospa kamachisqanmanta pi yachachejpis Diospa janaj pacha kamachiyninmanta yachaqakuspa, uj wasiyojman rijch'akun. Chay wasiyojqa waqaychananmanta orqhomusqa mosoj imakunata, mawk'a imakunatawan ima, nispa.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

1 Corintios 1:28

Jinallataj Dios kay pachamanta mana walej kajta, qhesachasqata, qhasi manakajpaj qhawasqata ima ajllakorqa. Ajinata ruwarqa, runa imatachus aswan kasqanta qhawan, chayta manakajman tukuchinanpaj.

2 Corintios 10:10

Wakinkuna ninku: Pabloqa qhelqasqan cartankunallapi k'arajta k'amiyta yachan. Chaywanpis uyapurakuspa, payqa pisi kallpa, parlasqanpis mana kasu ruwanapaj jinachu, nispa.

2 Corintios 13:4

Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

2 Corintios 4:1

Chayrayku noqayku Diospa khuyakuyninnejta paypaj ruwananman churasqa kaspa, mana q'enaqakuykuchu.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

Efesios 2:5

Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

Colosenses 2:12

Bautizasqa kaspaqa, Cristowan khuska p'ampasqa karqankichej. Jinallatataj Diospa jatun atiyninpi atinikusqaykichejrayku Cristowan kawsarimporqankichej, mayqen atiychus Cristota wañusqakunamanta kawsarichimorqa, chaynejta.

Colosenses 2:3

Manchay valorniyoj tapadopis kanman jina, paypimin pakasqa kashan tukuy yachayniyoj kay, chantá yuyayniyoj kay ima.

1 Tesalonicenses 1:5

Maypachachus Jesusmanta sumaj willayta qankunaman willarqayku chaypacha, mana parlaspallachu willarqayku. Manachayqa Diospa atiynin noqaykuwan kasharqa, jinataj Santo Espíritu noqaykunejta yachayta qosorqachej willasqayku cheqanpuni kasqanmanta. Qankuna yachallankichejtaj noqayku qankunawan kashaspa, imaynatachus allinniykichejta mask'aspa purisqaykuta.

1 Tesalonicenses 4:4

Sapa ujniykichej warmiykichejwan llimphu sonqowan kawsakuychej, payta respetakuspa.

2 Timoteo 2:20

Nisunchej: Qhapaj runaj wasinpi imachus kajqa mana tukuychu qorimanta, chayrí qolqe metalmanta ruwasqa. Wakin imakuna kallantaj k'ullumanta, t'urumantapis. Chantá wakenqa jatun p'unchayllapi oqharinapaj kanku, wakintaj sapa p'unchay oqharinapaj.

Jueces 7:2

Chantá Tata Diosqa Gedeonta nerqa: Ancha ashkha runakunata pusamunki. Sichus paykuna ajinata madianitakunata atipanku chayqa, israelitakunaqa umata oqharinkuman: Kallpallaykuwan kaykunata atipayku, nispa.