2 Corintios 4:6 - DIOSPA QHELQACHISQ

⁶ Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Qheshwa Biblia DC

⁶ Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

DIOSPA QHELQACHISQAN DEUTEROCANONICAL

⁶ Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Quechua South Bolivia: Dios Parlapawanchej

⁶ Diosmin nerka, “Lakhamanta c'anchay llojsichu”, nispa. Payllatajmin sonkoycupi c'ancharka yachayninta reparachinawaycupaj. Ajinamanta Diospa sumaj cayninta Cristopi ricuycu.

2 Corintios 4:6 ပူးပေါင်းရင်းမြစ်များ

Génesis 1:3

Chantá Dios nerqa: K'anchay kachun, nispa. K'anchaytaj karqa.

Salmos 63:2

2 (3) Yupaychana wasiykipi rikusuyta munayki. Atiyniykita, jatun kayniykej lliphipiyninta ima qhawayta munani.

Salmos 74:16

Qanpata p'unchaypis, tutapis. Qanmin killata, intitapis churarqanki.

Salmos 90:16

Kamachiykikunaman ruwasqaykita rikuchiy, jatun kayniykitataj wawaykuman rejsichiy.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 45:7

Noqaqa k'anchayta, laqhayaytapis ruwani. Noqallataj allin kawsayta, llakiy kawsaytapis qoni. Noqa Tata Dioslla chay tukuy imata ruwani.

Isaías 60:2

Laqhayayqa kay pachata qhataykun, tuti laqhayaytaj suyukunata p'ampaykun. Chaywanpis Tata Diospa k'anchaynenqa pataykipi kanqa, jatun kayninpa lliphipiynintaj rikhurimusonqa.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 11:40

Jesustajrí payta nerqa: Manachu nerqayki, sichus noqapi atinikunki chayqa, Diospa atiynin imaynapunichus kasqanta rikunaykita? nispa.

San Juan 12:41

Diosmanta sut'inchaj Isaías ajinata nisqa, imaraykuchus Diospa kachamusqan Cristoj atiyninta rikusqa. Chayrayku Cristoj jatun kayninpa lliphipiyninmanta chayta parlasqa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

1 Corintios 12:8

Santo Espíritu wakinman qon yuyaywan, yachaywan ima sumajta yuyaychayta atinankupaj. Wakinmantaj kikin Santo Espiritullataj atiyta qon sumajta yachaspa parlanankupaj.

2 Corintios 2:10

Sichus pejpa juchanta pampachankichej chayqa, noqapis pampachallanitaj. Jinapi imatachus pampachanay karqa, chayta Cristoj sutinpi pampachani, qankunaj allinniykichejpaj.

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Efesios 1:18

Mañapullaykichejtaj Dios sut'ita reparachisunaykichejta ima suyanamanchus wajyasqa kasqaykichej may jina valorniyoj kasqanta. Mañapullaykichejtaj qankuna Diospata kajkunaman chayaqe qosqanpis imayna qhapajchus kasqanta yachanaykichejpaj.

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.

Filipenses 2:6

Cristoqa Diospuni kashaspapis, payqa Dios kayninmanta mana ch'ipakorqachu.

Colosenses 1:15

Cristoqa mana rikukoj Dios imaynachus, ajinallataj. Chaytataj runaman rejsicherqa. Payqa manaraj Dios tukuy imata ruwashajtin, karqañapuni.

1 Tesalonicenses 2:12

Jinallataj mayta qankunata nerqayku Diospa wawankuna jina purinaykichejta, imaraykuchus paymin wajyasorqachej aswan qhepaman kamachiyninpi, chantá jatun kayninpa lliphipiyninpi ima kanaykichejpaj.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Hebreos 6:4

Wakinkuna Cristoman kutirikuspa, Diospa qosqanwan misk'irichikorqanku, Santo Espiritutapis jap'erqanku.

1 Pedro 1:12

Diosrí sut'incharqa chay tukoyqa mana paykunapajchu kasqanta, manachayqa qankunapaj. Kunantaj Jesucristomanta sumaj willayta willajkuna chaymanta parlasorqachej, janaj pachamanta kachamusqa Santo Espíritoj atiyninwan. Chay jina t'ukuna imakunata angelkunapis maytapuni rikuyta munallankutaj.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

2 Pedro 1:19

Chayta uyarispa, noqayku repararqayku Diosmanta sut'inchajkunaj willasqanku jinapuni kasqanta. Qankunataj chay nisqankuta kasuta ruwaspa, allinta ruwankichej. Chay nisqankoqa laqhapi lámpara jina k'ancharin. Jinallataj k'anchanqapuni, sut'iyay ch'aska llojsimuspa, sonqoykichejpi k'anchanankama.