2 Corintios 4:3 - DIOSPA QHELQACHISQ

³ Sichus Jesusmanta willasqayku, chay sumaj willay velowan jina pakasqallaraj kashan chayqa, chinkay ñanpi kajkunallapaj pakasqa kashan.

Qheshwa Biblia DC

³ Evangelio willasqaykuchus pakasqallaraj kashan chayqa, chinkay ñampi kajkunapaj pakasqallaraj kashan.

DIOSPA QHELQACHISQAN DEUTEROCANONICAL

³ Sichus Jesusmanta willasqayku, chay sumaj willay velowan jina pakasqallaraj kashan chayqa, chinkay ñanpi kajkunallapaj pakasqa kashan.

Quechua South Bolivia: Dios Parlapawanchej

³ Sitajchus sumaj willanasta willaraskaycu mana entiendenapaj khataskajina cashan chayka, chincapushaj runasllapaj khataska.

2 Corintios 4:3 ပူးပေါင်းရင်းမြစ်များ

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

Romanos 2:16

Chay jinaqa Jesucristomanta sumaj willayta willasqay yachachin Diospa juzganan p'unchay qayllamushasqanta. Chaypachataj Diosqa tukuy runakuna pakaypi ruwasqankuta Jesucristonejta juzganqa.

1 Corintios 1:18

Wakinkuna yuyanku Cristo cruzpi wañusqanmanta willanaqa mana yuyayniyoj runaj thawtisqan kasqanta. Chaykunarí mana qhespichisqachu kanqanku. Chaywanpis noqanchej qhespichisqa kajkunapaj chay willayqa Diospa atiynin.

1 Corintios 2:6

Chaywanpis noqayku Diospi atinikuypi wiñay tukusqa kajkunawan yachayniyoj jina parlayku. Mana runakunaj yachayninkuwanchu, nitaj kamachejkunaj yachayninkuwanchu parlayku, imaraykuchus paykuna chinkapunanku kashan.

2 Corintios 2:12

Cristomanta sumaj willayta willanaypaj Troas llajtaman rerqani. Chaypitaj Tukuyta Kamachej Jesusrayku sumaj riwarqa.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

1 Tesalonicenses 1:5

Maypachachus Jesusmanta sumaj willayta qankunaman willarqayku chaypacha, mana parlaspallachu willarqayku. Manachayqa Diospa atiynin noqaykuwan kasharqa, jinataj Santo Espíritu noqaykunejta yachayta qosorqachej willasqayku cheqanpuni kasqanmanta. Qankuna yachallankichejtaj noqayku qankunawan kashaspa, imaynatachus allinniykichejta mask'aspa purisqaykuta.

1 Timoteo 1:11

Chay cheqan yachachiyta willanaypaj may yupaychasqa Diosninchej noqata churawarqa, Jesucristomanta jatunchasqa sumaj willayman jina.