2 Corintios 3:8 - DIOSPA QHELQACHISQ

⁸ Kunanrí Santo Espíritoj ruwayninpi manachu Diospa jatun kayninpa lliphipiynin astawanraj lliphipenqa?

Qheshwa Biblia DC

⁸ Manachu astawan k'ancharinman Santo Espíritoj ruwayninwanqa?

DIOSPA QHELQACHISQAN DEUTEROCANONICAL

⁸ Kunanrí Santo Espíritoj ruwayninpi manachu Diospa jatun kayninpa lliphipiynin astawanraj lliphipenqa?

Quechua South Bolivia: Dios Parlapawanchej

⁸ Cunanrí Santo Espiritunejta mosoj tratonta kospa aswan sumajtaraj atiyninta ricuchenka.

2 Corintios 3:8 ပူးပေါင်းရင်းမြစ်များ

Isaías 11:2

Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

1 Corintios 3:16

Manachu yachankichej qankuna tukuyniykichej Diospa templon kasqaykichejta, Diospa Espirituntaj qankunapi tiyakushasqanta?

2 Corintios 11:4

Chayta nini, imaraykuchus pipis jamuspa, noqayku willarqaykuña, chaymanta waj jina Jesusmanta willajtin, qankuna chay willasqanta jap'ikullankichej. Santo Espirituta jap'ikorqanchej chaypis, waj runa waj jina espiritumanta qankunaman willajtin, chaytapis jap'ikullankichejtaj. Kikillantataj pipis Jesuspa sumaj willayninmanta waj jinata yachachejtin, chaytapis jap'ikullankichejtaj.

2 Corintios 3:17

Tukuyta Kamachej Dios, nispa Espiritumanta parlashan. Jinataj maypichus Diospa Espíritun kashan, chaypi manaña ima jark'aypis kanchu.

2 Corintios 3:6

Kikin Diosllataj mosoj tratomanta yachachejkuna kanaykupaj churawarqayku. Chay tratotaj mana qhelqasqa kamachisqaman jinachu, aswanpis Santo Espirituman jina, imaraykuchus qhelqasqa kamachisqakunaqa juchallejta wañuchin, Santo Espiritutajrí kawsachin.

2 Corintios 3:7

Rumipi ch'eqosqa kamachisqaqa runata wañuchisqa kananpaj juchacharqa chaypis, Diospa jatun kayninpa lliphipiyninwan jamorqa. Chayrayku israelitakunapis Moisespa uyanta mana qhawariyta aterqankuchu, uyan anchata lliphipishasqanrayku. Chaywanpis, chay k'anchayqa pisimanta pisi chharpuyasharqa.

2 Corintios 3:9

Runata wañuchisqa kananpaj kamachisqaqa Diospa jatun kayninta rikucherqa. Jina kajtenqa, manachu runata cheqanpaj qhawasqa kanamanta willay astawanraj Diospa jatun kayninta rikuchenqa?

Gálatas 3:14

Dios imaynatachus Abrahamta saminchananta nerqa, ajinallatataj Cristo Jesusnejta mana judío kajkunatapis saminchallantaj. Ajinaqa Cristopi atinikusqanchejrayku Diosqa Santo Espirituta qowanchej, qonawanchejta nisqanman jina.

Gálatas 5:5

Noqanchejrí Santo Espirituman jina kawsajkuna imata jina suyashanchej cheqan runapaj qhawasqa kayta Cristopi atinikusqanchejrayku.

Efesios 2:18

Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

2 Tesalonicenses 2:13

Diospa munakusqan wawqe panakuna, noqayku qankunamanta Diosta pachis ninaykupuni tiyan. Diosqa qankunata qallariymantapacha ajllakusorqachej qhespichisqa kanaykichejpaj Santo Espíritu llimphuchasqannejta, chantá cheqa kajta jap'ikusqaykichejnejta ima.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.