2 Corintios 3:6 - DIOSPA QHELQACHISQ

⁶ Kikin Diosllataj mosoj tratomanta yachachejkuna kanaykupaj churawarqayku. Chay tratotaj mana qhelqasqa kamachisqaman jinachu, aswanpis Santo Espirituman jina, imaraykuchus qhelqasqa kamachisqakunaqa juchallejta wañuchin, Santo Espiritutajrí kawsachin.

Qheshwa Biblia DC

⁶ Kikin Diosllataj, uj mosoj tratomanta yachachejkunata churawarqayku, mana escribisqaman jinachu, astawanqa Espirituman jina. Leyman jina escribisqarí wañuchin, Espiritutaj kausarichin.

DIOSPA QHELQACHISQAN DEUTEROCANONICAL

⁶ Kikin Diosllataj mosoj tratomanta yachachejkuna kanaykupaj churawarqayku. Chay tratotaj mana qhelqasqa kamachisqaman jinachu, aswanpis Santo Espirituman jina, imaraykuchus qhelqasqa kamachisqakunaqa juchallejta wañuchin, Santo Espiritutajrí kawsachin.

Quechua South Bolivia: Dios Parlapawanchej

⁶ Payka atiyniyojta ruwawarkaycu mosoj tratonta willaranaycupaj. Chayka mana kelkaska camachiskachu manachayrí mosoj causayta koj tratonmin Santo Espiritunejta sonkonchejpi churaska. Imaraycuchus kelkaska camachiskaka wañunapaj juchachan. Espiriturí wiñay causayta kon.

2 Corintios 3:6 ပူးပေါင်းရင်းမြစ်များ

Jeremías 31:31

Tata Dios nillantaj: Uj p'unchay chayamonqa, chay p'unchaypitaj noqaqa Israelwan, Judawan ima mosoj tratota ruwasaj.

San Mateo 13:52

Chantá Jesús paykunata nillarqataj: Chayrayku, Diospa kamachisqanmanta pi yachachejpis Diospa janaj pacha kamachiyninmanta yachaqakuspa, uj wasiyojman rijch'akun. Chay wasiyojqa waqaychananmanta orqhomusqa mosoj imakunata, mawk'a imakunatawan ima, nispa.

San Mateo 26:28

Kaymin yawarneyqa, chaywantaj Diosqa qankunawan mosoj tratota ruwan, chaytaj jich'asqa kanqa ashkha runaj juchanku pampachasqa kananpaj.

Marcos 14:24

Jesustaj paykunata nerqa: Kaymin yawarneyqa, chaywantaj Dios qankunawan mosoj tratota ruwan. Kay yawartaj ashkha runarayku jich'asqa kanqa.

San Lucas 22:20

Jinallatataj mikhojtinkukama, Jesús vinoyoj copata oqharispa, nerqa: Kay copapi vinoqa yawarniywan ninakun, chaywantaj Dios qankunawan mosoj tratota ruwan, chaytaj qankunarayku jich'asqa kanqa.

San Juan 5:21

Imaynatachus Tata Dios wañusqakunata kawsarichispa, kawsayta paykunaman qon, ajinallatataj Churinpis, pikunamanchá kawsayta qoyta munan, chaykunaman qon.

San Juan 6:63

Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Romanos 1:5

Noqaqa Jesucristonejta Diospa kachan kanaypaj ajllasqa kani, tukuy suyupi runakunaman willarajtiy, paypi creenankupaj, jinataj payta kasunankupaj.

Romanos 3:20

Chayrayku kamachisqaj nisqanta kasojkunamanta mana pipis Diospa ñawpaqenpi cheqan runapaj qhawasqachu kanqa. Manachayqa kamachisqakuna juchayoj kasqanchejmanta yachayta qowanchej.

Romanos 4:15

Diospa kamachisqankunata pipis p'akejtin, Dios payta jasut'in. Kamachisqa mana kanmanchu chayrí, kamachisqata p'akisqanmanta mana pipis juchachasqa kanmanchu.

Romanos 4:17

Diospa Qhelqachisqanpi nin: May ashkha runaj tatanku kanaykipaj churayki, nispa. Ajinataj karqa, imaraykuchus Abrahamqa Diospi atinikorqa, pichus wañusqakunaman kawsayta qon, jinallataj manakajmanta mosoj imakunata ruwan, chay Diospi.

Romanos 7:6

Kunanrí, Moisespa kamachisqanmanta kacharichisqaña kanchej, imajtinchus chay kamachisqapaj wañunchejña, jinataj manaña kamachisqaj makinpichu kanchej. Ajinamanta manaña chay ñawpa kamachisqaj nisqanman jinachu Diospa munayninta ruwanchej, manachayqa chayta waj jinamanta ruwanchej, Santo Espirituta kasuspa.

Romanos 8:2

Jinallataj qankuna Cristoman ujchasqa kasqaykichejrayku kawsayta qoj Santo Espíritu jatun atiyninwan juchaj atiyninmanta, chantá wañuypa atiyninmanta ima kacharichisorqachej.

1 Corintios 11:25

Ajinallatataj cenaytawankama copata jap'ispa, nerqa: Kay vinoyoj copaqa wañusqaywan uj mosoj tratota ruwasqayta sut'inchashan. Sapa kuti kay copamanta ujyaspa, noqamanta yuyarikunkichej, nispa.

1 Corintios 12:28

Diostaj Iglesiapi sapa ujta ruwanayojta churan: Ñawpajta Jesuspa kuraj kachankunata, qhepanta Diosmanta sut'inchajkunata, chaymanta nisqanta yachachejkunata, chaymantataj t'ukuna imakunata ruwajkunata, onqosqakunata qhaliyachejkunata, yanapajkunata, iglesiata pusarejkunata, chantá mana rejsisqa parlayta atejkunata ima.

1 Corintios 15:45

Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

1 Corintios 3:10

Dios noqawan k'achapuni kaspa, noqa sumajta yachaj albañil jina cimientota churarqani. Kunantaj wajkuna chaypa patanpi wasichashanku. Chaywanpis, sapa uj allinta qhawachun cimiento churasqapi imaynatachus wasichashasqanta.

1 Corintios 3:5

Chaywanpis, pitaj Pablori? Pitaj Apolosri? Noqayku Diospa kamachinkunalla kayku, qankunataj noqaykunejta Jesucristopi atinikorqankichej. Chantá sapa ujniyku imatachus Tukuyta Kamachej Jesucristo kamachiwasqaykuman jina ruwarqayku.

2 Corintios 11:23

Cristoj wata runanchu kanku? Noqaqa aswanraj. Ajinata nispaqa, manapis yuyayniypichu kashayman jina parlashani. Chaywanpis paykunaj ruwasqankumanta nisqaqa ruwasqayqa aswan ashkha. Noqaqa aswan ashkha kutita carcelpi wisq'asqa karqani, jinallataj mana yupay atina seq'osqa. Chantapis, aswan ashkha kutita wañuy patapi rikhurerqani.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

2 Corintios 3:3

Arí, sut'i kashan, qankuna Cristoj qhelqasqan cartan kasqaykichejta, noqaykutaj chay cartata tukuyman rejsicherqayku. Chay cartaqa mana tintawanchu qhelqasqa, aswanpis kawsaj Diospa Espiritunwan. Manataj rumi tablapichu ch'eqosqa karqa, aswanpis runaj sonqon ukhupi.

2 Corintios 3:7

Rumipi ch'eqosqa kamachisqaqa runata wañuchisqa kananpaj juchacharqa chaypis, Diospa jatun kayninpa lliphipiyninwan jamorqa. Chayrayku israelitakunapis Moisespa uyanta mana qhawariyta aterqankuchu, uyan anchata lliphipishasqanrayku. Chaywanpis, chay k'anchayqa pisimanta pisi chharpuyasharqa.

2 Corintios 3:9

Runata wañuchisqa kananpaj kamachisqaqa Diospa jatun kayninta rikucherqa. Jina kajtenqa, manachu runata cheqanpaj qhawasqa kanamanta willay astawanraj Diospa jatun kayninta rikuchenqa?

Gálatas 3:21

Jina chayqa, yuyasunmanchu Moisesnejta qosqa kamachisqaqa Diospa qosaj nisqanpa contranpi kasqanta? Ni imarayku. Sichus pipis kamachisqata junt'aspa wiñay kawsayta jap'iyta atinman karqa chayqa, cheqan runapaj qhawasqa kanaqa kamachisqata junt'asqanejta kanman karqa.

Efesios 2:1

Ñawpajta qankuna millayta ruwasqaykichejrayku, jinataj juchallisqaykichejrayku Diospaj wañusqapis kawajchej jina karqankichej.

Efesios 2:5

Juchallisqanchejrayku wañusqa kashajtinchej, Dios noqanchejmanpis kawsayta qowarqanchej, maypachachus Cristota wañusqakunamanta kawsaricherqa, chaypacha. Noqanchej Diospa qhasilla k'acha yanapayninrayku qhespichisqa kanchej.

Efesios 3:7

Chay sumaj willayta willanaypaj noqa churasqa kani, Dios noqawan k'acha kasqanrayku, chantá khuyarikuwasqanrayku. Ajinata ruwaspataj, Dios may jina atiyniyoj kasqanta rejsicherqa.

Deuteronomio 27:26

Chantá nillanqankutaj: Maldicisqa kachun pichus Diospa kay tukuy nisqanta mana kasojqa, nitaj ruwajqa, nispa. Tukuy israelitakunataj nenqanku: Ajina kachun, nispa.

1 Timoteo 4:6

Timoteo, chaykunatachus wawqe panakunaman yachachinki chayqa, Cristo Jesuspa sumaj kamachin kanki. Jinallataj mikhunawan jina sumaj kallpachasqa kanki Diospi atinikunamanta yachachisqawan, mayqentachus kunankama qhatishanki, chaywan.

2 Timoteo 1:11

Diostaj noqata churawarqa, Jesuspa kuraj kachan kaspa, chay sumaj willayta willanaypaj, chantá yachachinaypaj ima.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

Hebreos 7:22

Ajinamanta Jesusqa aswan sumaj tratomanta garante churasqa karqa.

Hebreos 8:13

Maypachachus Dios mosoj tratomanta parlan chaypacha, niyta munan ñawpa trato ruwasqan unayniyojña kasqanrayku manaña valorniyojchu kasqanta. Ajina kasqanrayku chay ñawpa trato chinkapunan qayllapiña kashan.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Juan 1:1

Tukuy imapis manaraj ruwasqa kashajtin, kawsayta qoj Simi Nisqa sutiyoj karqañapuni. Noqaykutaj payta uyarerqayku, jinataj kikin ñawiykuwan rikorqayku, qhawarqayku, chantá makiykuwan llankharqayku ima.