2 Corintios 2:7 - DIOSPA QHELQACHISQ

⁷ Aswanpis qankuna juchanta pampachaychej, paytataj sonqochaychej ama sinch'i llakiywan atipachikunanpaj.

Qheshwa Biblia DC

⁷ Astawanqa qankuna allinta ruwaspa juchanta perdonaychej, sonqochaychejtaj; imaraykuchus chay juchayojqa anchata llakikuspa wañushanmampis.

DIOSPA QHELQACHISQAN DEUTEROCANONICAL

⁷ Aswanpis qankuna juchanta pampachaychej, paytataj sonqochaychej ama sinch'i llakiywan atipachikunanpaj.

Quechua South Bolivia: Dios Parlapawanchej

⁷ Ajinamanta amaña payta llaquichiychejchu. Astawanrí payta perdonaychej sonkochaychejtaj. Chayta ruwaychej astawan llaquicuspa ama chincapunanpaj.

2 Corintios 2:7 ပူးပေါင်းရင်းမြစ်များ

Salmos 124:3

contranchejpi k'arajta phiñakusqankurayku, kawsashajta oqoykuwasunman karqa.

Salmos 21:9

9 (10) K'ajashaj hornoman paykunata wijch'uykunki, maypachachus justiciata ruwanaykipaj rikhurimunki, chaypacha. Tata Dios, sinch'ita phiñakuspa, paykunata phiriykunki, ninawantaj tukuchinki.

Salmos 57:3

3 (4) Diosneyqa janaj pachamantapacha munakuyninwan, cheqa kayninwan ima yanapawanqa. Jinallataj payqa, pikunachus phiñakuspa qhatiykachawajkunamanta kacharichillawanqataj.

Proverbios 1:12

Cheqan runakunata kawsashajllata oqoykusunchej, imaynatachus ukhu pacha wañusqata oqoykun, ajinata.

Proverbios 17:22

Kusisqa sonqoqa allin jampi jina. Llakisqa sonqorí runata onqochin.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

1 Corintios 15:54

Maypachachus kay q'etayaj ukhu tukuponqa mana jayk'aj q'etayaj ukhuman, kay wañoj ukhutaj tukuponqa mana jayk'aj wañojman chaypacha, Diospa Qhelqachisqanpi nisqanman jina junt'akonqa: Wañoyqa atipasqaña, chinkachisqataj, nispa.

2 Corintios 2:8

Chayrayku mañarikuykichej, watejmanta payta munakapunaykichejta.

2 Corintios 5:4

Kay pachapi toldopi jina kawsashaspaqa, llakikuspa mayta ayqonchej. Chaywanpis mana wañuyta munanchejchu ajinamanta almalla kananchejpaj. Manachayqa mosoj ukhuyoj kayta munanchej, ajinamanta kay wañoj ukhunchejqa wiñay kawsayman yaykunanpaj jina tukuchisqa kananpaj.

2 Corintios 7:10

Diospa munasqanman jina llakikoyqa runata pusan juchamanta Diosman kutirikunanpaj, ajinamanta qhespichisqa kananpaj. Chaymantaqa mana pesachikunachu. Chaywanpis Diosman mana kutirikojkunaj yuyasqankuman jina llakikoyqa runata Diosmanta karunchachin.

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

Filipenses 2:27

Arí, cheqapuni onqosqa karqa, wañupunanpaj jinaña. Chaywanpis Dios paymanta khuyarikorqa. Chantá noqamantapis khuyarikullawarqataj, ama llakiy patapi llakiy chayamunawanpaj.

Colosenses 3:13

Jinallataj ujkuna ujkunawan paciencianakuychej. Sitajchus pipis wajpa contranpi imamantapis quejakun chayqa, purajmanta qhespichinakuychej. Imaynatachus Cristo juchaykichejta pampacharqa, ajinallatataj qankunapis ujkunaj pantasqankuta qhespichiychej.

1 Tesalonicenses 4:13

Munasqa wawqe panakuna, yachanaykichejta munayku, Diosta qhatejkunamanta pikunachus wañupojkunawan imachus kananmanta. Chayta yachaspa, mana llakikunkichejchu, pikunachus mana ni ima allin kajtapis suyashankuchu, chaykuna jina.

2 Tesalonicenses 3:6

Wawqe panakuna, Tukuyta Kamachej Jesucristoj sutinpi kamachiyku t'aqakunaykichejta, pikunachus kawsanankupaj mana llank'ayta munaj wawqe panakunamanta. Paykuna mana yachachisqaykuman jina kawsayta munankuchu.