2 Corintios 13:7 - DIOSPA QHELQACHISQ

⁷ Dioswan parlarikuspa, mañarikuyku qankuna k'amisqaykuta qhesachaspa, mana allin kajta mana ruwanaykichejpaj. Noqayku chayamuspa, kasuchikunaykupaj atiyniyoj kasqaykuta mana rikuchiyta munaykuchu. Manachayqa munayku qankuna allin kajta ruwanaykichejta, noqayku atiyniykuta mana rikuchejtiykupis.

Qheshwa Biblia DC

⁷ Diosmantataj mañakuyku ama ima sajrata ruwanaykichejpaj. Manataj noqayku allinman rijch'asqas kanaykupajchu; astawanqa qankuna allinta ruwayta yachanaykichejpaj; manataj imananchu, noqayku qhesachasqa jina rikhurinaykoqa.

DIOSPA QHELQACHISQAN DEUTEROCANONICAL

⁷ Dioswan parlarikuspa, mañarikuyku qankuna k'amisqaykuta qhesachaspa, mana allin kajta mana ruwanaykichejpaj. Noqayku chayamuspa, kasuchikunaykupaj atiyniyoj kasqaykuta mana rikuchiyta munaykuchu. Manachayqa munayku qankuna allin kajta ruwanaykichejta, noqayku atiyniykuta mana rikuchejtiykupis.

Quechua South Bolivia: Dios Parlapawanchej

⁷ Kancunapaj Diosmanta mañapuycu sajra cajtaka ama ruwanayquichejpaj. Ajinamanta atiyniycuta mana ricuchinaycuchu tiyan. Mana chayllatachu munaycu. Astawanka c'acha imastapuni ruwanayquichejta munaycu. Chaytachus ruwanquichej chayka, mana imachu runas nokaycuta khesachaskancoka.

2 Corintios 13:7 ပူးပေါင်းရင်းမြစ်များ

1 Crónicas 4:10

Jabestaj israelitakunaj Diosninmanta kay jinata mañakorqa: Yanapaway, jatun jallp'ata qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

San Juan 17:15

Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 12:17

Ama pimanpis sajramanta sajrallatataj kutichiychejchu. Manachayqa tukuy runaj rikunanta allin kajtapuni ruwayta munaychej.

Romanos 13:13

Chantá maychus kajta ruwaspa, p'unchaypi purina jinata purinachej, amataj imaymana millay machaykunapi, imaymana millay khuchiriyopi, churanakuypi, nitaj envidianakuypipis.

Romanos 16:10

Apelestapis napaykapullawaychejtaj. Payqa ni ima kashajtin Cristota mana wasancharqachu. Aristóbuloj aylluntapis napaykapullawaychejtaj.

1 Corintios 11:19

Ajinaqa, qankuna ukhupi t'aqaranakuy kananpuni tiyan, yachakunanpaj mayqenkunachus cheqapuni Diospata kasqaykichej.

2 Corintios 10:10

Wakinkuna ninku: Pabloqa qhelqasqan cartankunallapi k'arajta k'amiyta yachan. Chaywanpis uyapurakuspa, payqa pisi kallpa, parlasqanpis mana kasu ruwanapaj jinachu, nispa.

2 Corintios 10:18

Pichus anchata jatunchakojrí mana allinpajchu qhawasqa kanqa. Aswanqa, pitachus Dios jatunchan, chay runamin allinpaj qhawasqa kanqa.

2 Corintios 13:6

Ajinata sonqoykichejta qhawarikuspa, yachallankichejtaj noqaykoqa cheqatapuni Jesuspa kuraj kachankuna kasqaykuta.

2 Corintios 13:8

Noqayku mana imatapis cheqa kajpa contranta ruwayta atiykuchu. Aswanpis cheqa kajman sayakuspa imatapis ruwanayku tiyan.

2 Corintios 13:9

Chayrayku noqayku pisi kallpa kasqaykumanta kusikuyku, sichus qankuna chaynejta kallpachasqa kankichej chayqa. Jinallatataj noqayku Dioswan parlarikuspa, mañarikuyku qankuna wiñay tukusqa kanaman chayanaykichejpaj.

2 Corintios 6:4

Aswanpis tukuy ima ruwasqaykupi rikuchiyta munayku Diospa sumaj kamachinkuna kasqaykuta. Ima ñak'ariypis qhatiriwajtiyku, noqayku sonqoykuta tiyaykuchispa ñak'ariyku pisichikuypi, llakiykunapi ima.

2 Corintios 8:21

Astawanpis tukuy imata cheqantapuni ruwayta munayku, mana Diospa ñawpaqellanpichu, manachayqa runakunaj ñawpaqenpipis.

Filipenses 4:8

Kunanqa wawqe panakuna, parlayta tukunaypaj kaytawan nisqaykichej: Qankunaqa yuyaychej tukuy imachus cheqan, tukuy imachus respetowan qhawanapaj jina kanman, chantá tukuy cheqan kajpi ima. Jinallataj yuyaychej tukuy llimphu kajpi, tukuy k'acha kajpi, tukuy allinpaj qhawasqa kajpi ima. Ajinaqa tukuy imachus sumaj, chantá jatunchanapaj jina, chaypipis yuyallaychejtaj.

1 Tesalonicenses 5:23

Sonqo tiyaykuyta qoj Dios allintapuni qankunata llimphuchachun. Payllataj Tukuyta Kamachej Jesucristo kutimunanpaj tukuy kayniykichejta, espirituykichejta, almaykichejta, chantá ukhuykichejta ima waqaychachun mana k'aminapaj jina kanaykichejpaj.

1 Timoteo 2:2

Astawanqa kuraj kamachejkunarayku Diosmanta mañapuy, chantá tukuy kamachejkunapaj ima. Ajinamanta allin kawsakuypi kawsakusunchej, mana ni ima ch'ajwapi, Diosta kasuspa, chantá cheqanta ruwaspa ima.

2 Timoteo 2:15

Qanrí atisqaykita ruway Diospa ñawpaqenpi allinpaj qhawasqa kanaykipaj. Imachus ruwanaykita sumajta ruway, ama imamanta p'enqakunaykipaj jina, cheqa kaj willayta maychus kajta yachachispa.

2 Timoteo 4:18

Paytaj tukuy mana allin kajmantapis waqaychallawanqataj, janaj pacha kamachiyninman pusakapuwaspataj, qhespichiwanqa. Payqa wiñay wiñaypaj jatunchasqa kachun. Ajina kachun.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.