2 Corintios 13:4 - DIOSPA QHELQACHISQ

⁴ Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

Qheshwa Biblia DC

⁴ Arí, pisi kallpayoj jina kashaspa chakatasqa karqa. Kunanqa kausashan Diospa atiyninrayku. Ajinallatataj ari, noqaykupis pay jina pisi kallpayoj kayku, paywantaj kausashayku Diospa atiynimpi qankunata yanapanaykupaj.

DIOSPA QHELQACHISQAN DEUTEROCANONICAL

⁴ Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

Quechua South Bolivia: Dios Parlapawanchej

⁴ Arí, Cristo runa caspa pisi callpayojjina cruzpi wañuchiska carka. Chaymantarí Dios jatun atiyninnejta payta causarichimorka wiñaypaj causacunanpaj. Nokaycupis paywan cusca causacushaycu Diospa jatun atiyninnejta callpachaskas.

2 Corintios 13:4 ပူးပေါင်းရင်းမြစ်များ

San Juan 10:18

Mana pipis mana munajta wañuchiwanmanchu. Aswanpis noqa munasqayrayku wañusaj. Noqaqa wañuchisqa kanaypaj jaywaykukuyta atini, atillanitaj watejmanta kawsarimuytapis. Ajinata ruwanayta Tatay kamachiwarqa, nispa.

Hechos 2:36

Chayrayku tukuy israelitakuna, kayta allinta yachaychej: Kay Jesusta, pitachus qankuna cruzman chakatarqankichej, paytamin Dios churan Tukuyta Kamachej kananpaj, Cristo kananpajtaj, nispa.

Hechos 3:16

Jesuspa sutinpi atinikusqaykurayku Diosqa kay suchu runata qhaliyacherqa, pitachus qankuna rikunkichej, rejsinkichejtaj, chayta. Jesuspi atinikusqaykurayku ñawpaqeykichejpi kay suchu runaqa puririshan.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Romanos 14:9

Chaypajmin Cristo wañorqa, kawsarimporqataj, wañusqakunajta, kawsajkunajtawan Kuraj Kamachejninku kananpaj.

Romanos 6:4

Bautismonejta Cristowan khuska wañorqanchej, jinataj paywan khuska p'ampasqa karqanchej. Chantá imaynatachus Tata Dios jatun atiyninwan Cristota wañusqamanta kawsaricherqa, ajinallatataj kunan noqanchejpis mosoj kawsaypi kawsayta atinchej.

1 Corintios 1:25

Ajinaqa, Diospa yachaynin wampu yuyasqanman rijch'akun chaypis, chayqa runaj yachayninmantaqa aswan yachayniyoj. Jinallataj Diospa pisi kallpan rijch'akojpis runaj kallpanmanta nisqaqa aswan kallpayoj.

1 Corintios 15:43

P'ampasqa ukhoqa mana munanapaj jinachu. Kawsarichisqa kajrí maypaj qhawasqa kanqa. P'ampasqa ukhoqa pisi kallpayoj, kawsarichisqa kajrí may atiyniyoj kanqa.

1 Corintios 2:3

Noqaqa qankuna ukhupi pisi kallpayoj karqani, mancha manchalla, kharkatitispataj.

1 Corintios 6:14

Chayrayku, imaynatachus Dios Tukuyta Kamachej Jesusta wañusqamanta kawsaricherqa, ajinallatataj noqanchejtapis jatun atiyninwan kawsarichiwasun.

2 Corintios 10:10

Wakinkuna ninku: Pabloqa qhelqasqan cartankunallapi k'arajta k'amiyta yachan. Chaywanpis uyapurakuspa, payqa pisi kallpa, parlasqanpis mana kasu ruwanapaj jinachu, nispa.

2 Corintios 12:10

Chayrayku pisi kallpayoj kasqaymanta kusikuni. Jinallataj p'enqachisqa kasqaymanta, pisichikusqaymanta, qhatiykachasqa kasqaymanta, Cristomanta atinikusqayrayku, sinch'i llakiypi rikhurisqaymanta ima. Chaymanta noqa kusikuni, imaraykuchus pisi kallpayoj kashaspa, Jesusnejta aswan kallpayoj kani.

2 Corintios 13:9

Chayrayku noqayku pisi kallpa kasqaykumanta kusikuyku, sichus qankuna chaynejta kallpachasqa kankichej chayqa. Jinallatataj noqayku Dioswan parlarikuspa, mañarikuyku qankuna wiñay tukusqa kanaman chayanaykichejpaj.

Filipenses 3:10

Noqaqa Cristota astawan rejsiyta munani, chaywantaj niyta munani kawsarichej atiynin noqapi rikukunanta. Jinallataj paywan khuska ñak'ariyta munani. Wañunay kajtinpis, pay jinallataj wañuyta munani.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Pedro 3:22

Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.