2 Corintios 11:3 - DIOSPA QHELQACHISQ

³ Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

Qheshwa Biblia DC

³ Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

DIOSPA QHELQACHISQAN DEUTEROCANONICAL

³ Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

Quechua South Bolivia: Dios Parlapawanchej

³ Astawanrí kancuna urmanayquichejmanta manchachicushani. Yachanquichejña pantachej yuyaywan chay catari Satanás Evata engañaskanta. Ajinallatataj pantachiskas caspa Cristowan uj sonkolla llimphu yuyayniyquichejpis carunchaska cananmanta manchachicushani.

2 Corintios 11:3 ပူးပေါင်းရင်းမြစ်များ

Génesis 3:1

Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Génesis 3:13

Chantá Tata Diosqa warmita taporqa: Imatataj ruwarqankiri? nispa. Paytaj kuticherqa: Katari q'otiyawarqa, chayrayku mikhorqani, nispa.

Génesis 3:20

Chaymanta qhareqa warminta “Eva” sutiwan suticharqa, imaraykuchus payqa tukuy runaj maman kanan karqa.

Génesis 3:4

Kataritajrí warmita nerqa: Chayqa mana jinachu, mana wañunkichejchu.

Salmos 119:53

Millayta ruwaspa purejkuna kamachisqaykita saqerparisqankuta rikuspa, sinch'ita phiñakuni.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Romanos 12:8

Sichus pimanpis sonqota oqharinapaj atiyta qon chayqa, chayta sumajta ruwachun. Jinallataj sichus pimanpis tiyapuyninmanta jaywarinapaj atiyta qon chayqa, mana mich'akuspa yanaparichun. Sichus pimanpis iglesiata pusananpaj atiyta qon chayqa, tukuy sonqo imachus ruwananta ruwachun. Chantá sichus pimanpis khuyarinapaj atiyta qon chayqa, kusiywan khuyarichun.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 11:20

Jinallataj qankuna ni imata ninkichejchu sichus pipis wata runanman tukuchisunkichej chayqa, chayrí sojsusunkichej, chantapis tukuy imaykichejta qhechusunkichej chaypis. Jinallataj qhawakullankichej pipis k'umuykachachisunkichej chayqa, chayrí uyaykichejpi jinch'asunkichej chaypis.

2 Corintios 11:29

Sichus pipis llawch'iyan chayqa, noqa chaymanta llakikuni. Sichus pitapis misk'achinku chayqa, noqa chay misk'achejkunapaj mayta phiñakuni.

2 Corintios 2:17

Mana noqaykoqa wakinkuna jinachu kayku, pikunachus Diospa simi nisqanta q'ewispa parlanku, chaykuna jina. Aswanpis noqayku Diospa kachasqankuna jina, ch'uwa sonqowan Diospa ñawpaqenpi cheqan kajta parlayku, Cristowan ujchasqa kasqaykurayku.

2 Corintios 4:2

Aswanpis pakaypi p'enqay ruwanata qhesachayku. Noqayku mana pitapis q'otiyaykuchu nitaj Diospa simi nisqanta q'ewiykuchu. Manachayqa cheqa kajta sut'inchaspa, noqayku Diospa ñawpaqenpi allinpaj qhawachikuyta munayku, ama pipis mana allin kajta noqaykumanta sonqonkupi yuyanankupaj.

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

Gálatas 2:4

Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

Gálatas 3:1

Galaciapi kaj wawqe panakuna, qankuna wampu kankichej. Pitaj layqaykusorqachej cheqa kajta mana kasunaykichejpajri? Noqa Jesucristoj wañusqan ima niytachus munasqanta qankunaman sumajta sut'incharqaykichej, kikin ñawiykichejwanpis Jesucristo cruzpi chakatasqa wañushajta rikushawajchej jina.

Gálatas 4:11

Llakikuni yuyaspa qankunata yanapanaypaj tukuy ruwasqay qhasipajsina kananta.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

Efesios 4:22

Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

Colosenses 2:4

Chayta niykichej, ama pipis sonqo suwanapaj jina misk'i parlasqankuwan q'otiyasunaykichejpaj.

Colosenses 2:8

Allinta qhawakuychej: Ama qhasi manakaj yuyaykunawan, nitaj mana cheqan yachachiykunawan q'otiyachikuychejchu. Chayta yachachejkunaqa mana Cristoj yachachisqantachu yachachinku. Manachayqa paykuna Diosman mana kutirikojkunaj yachachisqallanta yachachinku, jinataj kay pachapi atiyniyoj supaykunaj yachachisqankuta ima.

1 Tesalonicenses 3:5

Chayrayku, noqapis mana astawan suyayta atispa, Timoteota qankunaman kachamorqani, Jesuspi atinikuspallapunichus purishasqaykichejta yachananpaj. Llakikorqani Kuraj Supay qankunata ichapis pantachisqantaña. Jina kanman chayqa, qankunata yanapanaykupaj ruwasqaykoqa qhasipaj kanman karqa.

1 Timoteo 1:3

Éfeso llajtapi mana cheqanta yachachejkuna kashanku. Noqataj Macedoniaman rishaspa, chaypi qheparikunaykita nerqayki, chay yachachejkunata kamachinaykipaj amaña waj jinata yachachinankuta.

1 Timoteo 2:14

Manataj Adanchu Supaynejta q'otiyasqa karqa, manachayqa warmi q'otiyachikuspa, juchallerqa.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

Tito 1:10

Chayta niyki, imaraykuchus ashkha mana kasukojkuna manakajta parlaspa, q'otiyajkuna kanku. Chaykuna astawanqa circuncidakunamanta yachachinku.

Hebreos 13:9

Chayrayku ama kunallanraj rikhurimoj yachachiykunawan, nitaj waj jina yachachiykunawan sonqoykichejta suwachikuychejchu. Aswan allinmin sonqoykichejpi Diospa qhasilla k'acha yanapayninwan kallpachasqa kanaykichej, imatachus mikhunamanta, chayrí mana mikhunamanta kamachisqakunata kasunaykichejmanta nisqaqa. Chaykunaqa mana jayk'aj yanapankuchu chay kamachisqakunata kasojkunata.

2 Pedro 3:17

Chayrayku munasqa wawqe panaykuna, chaykunata ñawpajmanta yachaspaña, allinta qhawakuychej. Pajtataj millayta ruwaspa purejkunaj pantayninkuwan aysachikushawajchej, sinch'i sayasqa kasqaykichejmanta urmanaykichejpaj.

2 Pedro 3:3

Ñawpajta kayta yachaychej: Qhepanejman cheqa kajmanta alqorakojkuna rikhurimonqanku, paykunataj sonqonkoj millay ruwayta munasqanman jina purenqanku.

1 Juan 2:18

Munasqa wawaykuna, kay tiempo tukukapunan qayllapiña kashanchej. Qankuna kay tiempo tukukunan qayllata Cristoj contranpi sayarej rikhurimunanmanta uyarerqankichej. Kunantaj Cristoj contranpi sayarejkuna ashkha rikhurimunkuña. Chayrayku yachanchej kay tiempo tukukapunan qayllapiña kashasqanchejta.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

Apocalipsis 12:15

Chantá sierpeqa warmej qhepanta siminmanta ashkha yakuta phullchichimorqa, chay warmita yaku apananpaj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.