2 Corintios 1:7 - DIOSPA QHELQACHISQ

⁷ Noqayku tukuy sonqo yachayku, qankuna imaynatachus noqayku jina ñak'arinkichej, ajinallatataj sonqochasqa kanaykichejta. Imaynatachus Dios sonqochawayku, ajinallatataj qankunatapis sonqochasonqachej.

Qheshwa Biblia DC

⁷ Qankunapi suyayniykoqa sinch'i; yachaspa ñak'arej masisniyku kasqaykichejta, llakiypi, ajinallataj sonqochakuypipis.

DIOSPA QHELQACHISQAN DEUTEROCANONICAL

⁷ Noqayku tukuy sonqo yachayku, qankuna imaynatachus noqayku jina ñak'arinkichej, ajinallatataj sonqochasqa kanaykichejta. Imaynatachus Dios sonqochawayku, ajinallatataj qankunatapis sonqochasonqachej.

Quechua South Bolivia: Dios Parlapawanchej

⁷ Nokaycuwan cusca muchojtiyquichejka chaymanjinallatatajmin cusca sonkochaskas cananchejta yachaycu, Diospi confiacuspa.

2 Corintios 1:7 ပူးပေါင်းရင်းမြစ်များ

San Mateo 23:30

Chantá ninkichej: Sichus ñawpa tatanchejkuna kawsasharqanku, chaypacha kawsashasunman karqa chayqa, noqanchej Diosmanta sut'inchajkunata wañuchiyta mana yanapasunmanchu karqa, nispa.

1 Corintios 10:13

Qankuna juchallinaman tanqasqa kaspaqa, yachaychej wajkunapis qankuna jinallataj juchallinaman tanqasqa kasqankuta. Diostajrí nisqanta junt'aj kasqanrayku mana saqesonqachejchu mana awantay atinata juchallinaman tanqasqa kanaykichejta. Aswanpis juchallinapaj tanqasqa kashajtiykichej, Diosllataj chaymanta maynintachus llusp'inaykichejta rikuchisonqachej, ajinamanta sinch'ita sayaykuyta atinaykichejpaj.

2 Corintios 1:14

Kunan wakillanta entiendenkichej chaypis, tukuyninta entiendespa, Tukuyta Kamachej Jesús kutimunan p'unchaypi noqaykurayku qankuna umata oqharinkichej, imaynatachus noqayku qankunarayku umata oqhariyku, ajinata.

2 Corintios 12:20

Noqa manchachikushani, qankunata watukoj jamuspaqa, ichá mana munasqayman jinachu qankunata taripanaymanta, nitaj qankunapis munasqaykichejman jinachu taripawanawaykichejmanta. Chantá manchachikullanitaj qankuna ukhupi churanakuykuna kananta, qhawanakuykuna, phiñanakuykuna, t'aqanakuykuna ima. Jinallataj kanman qhasimanta tumpanakuykuna, cuento apaykachaykuna, jatunchakuykuna, ch'ajwata sayarichiy ima.

2 Corintios 7:9

Kunantajrí kusikuni, mana llakichisusqaykichejraykuchu. Manachayqa kusikuni, imaraykuchus chay llakiyrayku qankuna juchallikusqaykichejmanta Diosman kutirikorqankichej. Qankuna llakikorqankichej, Dios imaynatachus munan pipis juchanmanta llakikunanta, ajinata. Chayrayku chay cartata qhelqaspa, noqayku mana ima mana allintapis ruwarqaykuchu.

2 Timoteo 2:12

Paywan khuskachus ñak'arisun chayqa, paywan khuskallataj kamachiyninpi kamachisunchej. Sichus Cristota qhesachasun chayqa, paypis manallataj jap'ikuwasunchu.

2 Timoteo 3:11

Qan yachallankitaj chejnikuspa qhatiykachawasqankuta, ñak'arisqayta ima, imaynatachus Antioquiapi, Iconiopi, Listrapi ima ñak'arerqani, chayta. Chaywanpis Tukuyta Kamachej Jesucristo chay tukuymanta kacharichiwarqa.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.