2 Corintios 1:3 - DIOSPA QHELQACHISQ

³ Tukuyta Kamachej Jesucristonchejpa Tata Diosninta yupaychana, imaraykuchus payqa khuyarikoj Tata, tukuy imapi sonqochaj Diostaj.

Qheshwa Biblia DC

³ Yupaychasqa kachun Dios Señorninchej Jesucristoj Tatan; imaraykuchus payqa khuyakoj Tata, tukuy imapi sonqochakoj Diostaj.

DIOSPA QHELQACHISQAN DEUTEROCANONICAL

³ Tukuyta Kamachej Jesucristonchejpa Tata Diosninta yupaychana, imaraykuchus payqa khuyarikoj Tata, tukuy imapi sonqochaj Diostaj.

Quechua South Bolivia: Dios Parlapawanchej

³ Yupaychaska cachun Señorninchej Jesucristoj Tatan Diosnintaj. Payka qhuyacuyniyoj Tatanchej tucuy imapi sonkochaj Dios.

2 Corintios 1:3 ပူးပေါင်းရင်းမြစ်များ

Génesis 14:20

Patapi Kaj Dios yupaychasqa kachun, pichus awqaykikunata atipachisorqa, chay, nispa. Chantá Abramqa tukuy imatachus qhechusqanmanta, sapa chunkamanta ujta Melquisedecman qorqa.

1 Crónicas 29:10

Chaymantataj Davidqa tukuy tantasqa kajkunaj uyarinankuta Tata Diosta jatuncharqa: Ñawpa tatayku Israelpa Tata Diosnin, qanqa wiñaymanta wiñaypaj yupaychasqa kay.

Nehemías 9:5

Chaymantataj levitakunamanta Josué, Cadmiel, Bani, Jasabnías, Serebías, Hodías, Sebanías, Petajías ima runakunata nerqanku: Sayarikuspa, Tata Diosninchejta wiñay wiñaypaj yupaychaychej, nispa. Chantá Diosman parlaspa, kay jinata nerqanku: Tata Diosniyku, may sumaj sutiykeqa jatunchasqa kachun, tukuy kaj chhika patapi tukuy jatunchaymanta aswan patapi.

Job 1:21

Chantá nerqa: Noqaqa mana imayoj q'alalla mamaypa wijsanmanta llojsimorqani, q'alallataj kay pachamanta ripusaj. Tata Dios tukuy imata qowarqa, kunanqa payllataj qhechukapuwan. Tata Diospa sutin yupaychasqa kachun, nispa.

Salmos 18:46

46 (47) Tata Dios jatunchasqa kachun, waqaychawajneyqa yupaychasqa kachun. Qhespichiwaj Diosneyqa yupaychasqa kachun.

Salmos 68:35

35 (36) Diosqa Templonpi may jina t'ukuna manchachikunamin. Chantá Israelpa Diosnenqa kallpata, atiytawan ayllunman qon. Diosninchej yupaychasqapuni kachun.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Isaías 66:13

Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

Daniel (hebreo) 4:34

34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

San Juan 10:30

Noqawan, Tata Dioswanqa ujlla kayku, nispa.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

2 Corintios 11:31

Diosninchej, pichus Tukuyta Kamachej Jesucristoj Tata Diosnin wiñaypaj yupaychasqa kachun. Paytaj yachan mana llullakusqayta.

2 Corintios 7:6

Chaywanpis Dios, pikunachus llakisqa kashanku, chaykunata sonqochajqa noqaykutapis Titoj chayamusqanwan sonqochawarqayku.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Filipenses 2:11

Jinallataj tukuy runakuna Jesucristo Tukuyta Kamachej kasqanta rimarenqanku, ajinamanta Tata Dios jatunchasqa kananpaj.

Colosenses 1:3

Tukuyta Kamachej Jesucristoj Tatan Dioswan parlarikuspa, qankunarayku mañapuyku. Jinallataj Tata Diosta pachis niykupuni,

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

2 Juan 1:4

Noqaqa maytapuni kusikorqani, wakin wawaykikuna cheqa kajman jina kawsashasqankuta yachaspa. Paykunaqa Tata Dios kamachiwasqanchejman jina kawsashanku.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.