1 Timoteo 1:4 - DIOSPA QHELQACHISQ

⁴ Chantá wawqe panakunata nillaytaj qhasi manakaj cuentokunamanta ama watunankuta, nillataj ñawpa tatakunaj mana tukukuyniyoj listasqa sutinkuta kasu ruwanankuta. Chay qhasi manakaj imakunaqa runakunata churanachin, manataj paykunata yanapanchu Diospi atinikuspa kawsakunankupaj.

Qheshwa Biblia DC

⁴ Amataj uyarichunkuchu qhasi mana kaj willaykunata, aylluspa mana tukukoj sutisninta ima. Chaykunaqa runasta churanachinku, nitaj fenejta Diospaj sayachinkuchu.

DIOSPA QHELQACHISQAN DEUTEROCANONICAL

⁴ Chantá wawqe panakunata nillaytaj qhasi manakaj cuentokunamanta ama watunankuta, nillataj ñawpa tatakunaj mana tukukuyniyoj listasqa sutinkuta kasu ruwanankuta. Chay qhasi manakaj imakunaqa runakunata churanachin, manataj paykunata yanapanchu Diospi atinikuspa kawsakunankupaj.

Quechua South Bolivia: Dios Parlapawanchej

⁴ Chaywan niyta munani ama atipachicuchuncuchu llulla cuentoswan nitaj aylluncoj ashqha sutisnincuwan. Chaycuna mana tucucuyta atinchu. Chay pantaska yachachinaska hermanosta Diospi jap'icuskancuta mana wiñachinchu. Manachayrí chaycunamantaka c'aminacuy tapunaslla jamun.

1 Timoteo 1:4 ပူးပေါင်းရင်းမြစ်များ

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

Efesios 3:2

Qankuna yachankichejña imaynatachus Dios munakuwaspa kachamuwasqanta, imatachus pay wakichisqanmanta qankunaman willanaypaj.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

1 Timoteo 4:7

Chaywanpis Diosman mana kutirikojkunaj parlasqankuta, chantá ñawpa cuentokunatapis qhesachay. Chaykunata uyarinaykitaqa, Diosta kasuspa purinaykipaj yachakuy.

1 Timoteo 6:11

Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

1 Timoteo 6:20

Timoteóy, allinta waqaychay, imatachus Dios qosorqa, chayta. Qhesachay Diosman mana kutirikojkunaj qhasi manakaj thawtisqankuta, churanakuyta ima, mayqenmantachus wakinkuna pantaspa, yuyanku cheqa yachay kasqanta, chaykunata.

2 Timoteo 2:14

Timoteo, chaykunamanta tukuyman yuyarichiy. Chantá Diospa ñawpaqenpi paykunata kamachiy, ama ima simi jawa churanakunankuta. Chay jina churanakunaqa mana imapaj walejchu, aswanpis uyarejkunaj umankuta muyuchispa, pierdechin.

2 Timoteo 2:22

Waynakunata, sipaskunataqa tukuy imaymana millay kajta ruwaspa purinaman sonqonku aysan. Qanrí chay jina purinamanta ayqey. Aswanpis cheqan kajta ruwaspallapuni puriy, jinallataj Diosta mana wasanchaspa kawsay. Chantá munakuyniyoj kaspa, wajkunawan allinpi kawsakuy. Ajinata ruway, pikunachus llimphu sonqomanta Diosta yupaychanku Diosninkupaj rejsikapusqankurayku, chaykunawan khuska.

2 Timoteo 2:23

Qhasi manakaj wampu tapunakuykunata ama kasu ruwaychu. Yachanki jina, chaykunaqa phiñanakunallata jatarichin.

2 Timoteo 4:4

Cheqa kajta qhesachanqanku, qhasi manakaj cuentokunallata uyarispa kasunankupaj.

Tito 1:1

Noqa Pabloqa Diospa wata runan kani, Jesucristoj kachantaj. Pay kachawarqa paymanta sumaj willayta Diospa ajllakusqankunaman willanaypaj, chantá cheqa kajmanta yachachinaypaj ima, ajinamanta paykuna Diospa munasqanman jina puriyta yachanankupaj.

Tito 1:14

Jinallataj judiokunaj ñawpa cuentonkuta amaña kasuta ruwanankuta k'amiy. K'amillaytaj cheqa kajmanta karunchakojkunaj kamachisqankutapis mana kasunankuta.

Tito 3:9

Qanrí manakajta siminakunaman ama sat'ikuychu. Jinallataj ñawpa tatakunamanta parlanata, chantá Moisespa kamachisqan jawa siminakuspa churanakuyta ima amallataj kasuychu. Chaykunamanta siminakuspa tinkunaqa yanqhalla, nitaj pitapis imapipis yanapanchu.

Hebreos 13:9

Chayrayku ama kunallanraj rikhurimoj yachachiykunawan, nitaj waj jina yachachiykunawan sonqoykichejta suwachikuychejchu. Aswan allinmin sonqoykichejpi Diospa qhasilla k'acha yanapayninwan kallpachasqa kanaykichej, imatachus mikhunamanta, chayrí mana mikhunamanta kamachisqakunata kasunaykichejmanta nisqaqa. Chaykunaqa mana jayk'aj yanapankuchu chay kamachisqakunata kasojkunata.

2 Pedro 1:16

Tukuyta Kamachej Jesucristoj atiyninmanta, chantá kutimunanmanta ima qankunaman willasqaykoqa mana runaj sumaj wakichisqan cuentoman jinallachu karqa. Manachayqa paypa jatun kayninpa lliphipiyninta noqayku kikin ñawiykuwan rikorqayku.