1 Samuel 9:5 - DIOSPA QHELQACHISQ

⁵ Suf chaynejman chayaspaña, Saulqa kamachinta nerqa: Jaku ripunachej, ichapis tatayqa burrokunamanta nisqaqa, noqanchejmanta astawan llakikushan, nispa.

Qheshwa Biblia DC

⁵ Zuf chaynejman chayaspaña Saulqa paywan risharqa chay kamachisninman nerqa: Jaku kutipunachej, ichapis tatayqa burrosta qonqapunña, kunanqa noqanchejmanta llakikushan.

DIOSPA QHELQACHISQAN DEUTEROCANONICAL

⁵ Suf chaynejman chayaspaña, Saulqa kamachinta nerqa: Jaku ripunachej, ichapis tatayqa burrokunamanta nisqaqa, noqanchejmanta astawan llakikushan, nispa.

1 Samuel 9:5 ပူးပေါင်းရင်းမြစ်များ

San Mateo 6:25

Chayrayku niykichej: Ama phutikuychejchu kawsayniykichejmanta, imatachus mikhunaykichejmanta, ujyanaykichejmanta ima. Amallataj phutikuychejchu imawanchus p'achallikunaykichejmantapis. Kawsashaspa imaynatachus purinanchejta aswanpaj qhawana tiyan, imatachus mikhunanchejmanta, imawanchus p'achallikunanchejmanta nisqaqa.

San Mateo 6:28

Imaraykutaj p'achamanta llakikunkichejri? Qhawariychej campopi imaynatachus t'ika wiñasqankuta. Chaykuna mana llank'ankuchu, nitaj phushkankuchu.

San Mateo 6:34

Chayrayku q'aya imachus kananmanta ama phutikuychejchu, imaraykuchus q'aya p'unchay chayamojtenqa, chaypachalla chaymanta phutikuyta atinki. Sapa p'unchaypa llakiynenqa chay p'unchayllapaj kachun.

San Lucas 12:11

Runakuna tantakuna wasipi, juezkunaman, kurajkunaman ima apachisojtiykichej, ama phutikunkichejchu imaynatachus kutichikunaykichejmanta, chayrí, imatachus ninaykichejmanta.

San Lucas 12:22

Chantá Jesús yachachisqankunata nerqa: Chayrayku niykichej: Kawsanaykichejpaj imatachus mikhunaykichejmanta ama phutikuychejchu, nitaj imawanchus p'achallikunaykichejmantapis.

1 Samuel 1:1

Efraín jatun aylloj jap'iyninpa orqorara cheqapi, Ramá llajtapi uj runa Elcana sutiyoj tiyakorqa. Payqa Jeroanpa churin karqa, jinataj Eliujpa allchhin. Eliujpa tatantaj Tohu karqa, paytaj Sufpa churin. Tukuy paykunaqa Efraín jatun ayllumanta karqanku.

1 Samuel 10:2

Kunanqa kaymanta ripushaspa, Raquelpa ayan p'ampasqa kashan chaynejpi, Selsa llajta qayllapi, iskay runakunawan tinkukunki. Chayqa Benjamín jatun aylloj jap'iyninpi kashan. Paykunataj nisonqanku mask'asharqanki chay burrokunata tarisqankutaña. Chantá nillasonqankutaj tataykeqa manaña burrokunamantachu llakisqa kashasqanta, manachayqa qankunamanta: Wawayta tarinaypaj, imatataj ruwaymanri? nispa.