1 Samuel 9:21 - DIOSPA QHELQACHISQ

²¹ Saultajrí kuticherqa: Noqaqa Benjamín jatun ayllumanta kani, Israel ukhupi aswan juch'uy kaj ayllumanta. Benjamín jatun ayllu ukhupitaj noqaj aylloyqa mana kasu ruwana. Imaraykutaj chayta niwankiri? nispa.

Qheshwa Biblia DC

²¹ Saultaj kuticherqa: Noqaqa Benjamimpa ayllunmanta kani, Israel ukhupi aswan juch'uy kaj ayllumanta, aylluypis Benjamín ayllumanta aswan juch'uy kaj. Imaraykutaj chayta niwankiri?

DIOSPA QHELQACHISQAN DEUTEROCANONICAL

²¹ Saultajrí kuticherqa: Noqaqa Benjamín jatun ayllumanta kani, Israel ukhupi aswan juch'uy kaj ayllumanta. Benjamín jatun ayllu ukhupitaj noqaj aylloyqa mana kasu ruwana. Imaraykutaj chayta niwankiri? nispa.

1 Samuel 9:21 ပူးပေါင်းရင်းမြစ်များ

Salmos 68:27

27 (28) Paykunaj ñawpaqenkuta sullk'a kaj Benjamín jatun ayllu rin, Judá jatun ayllojta kamachejninkunapis rishallankutaj, Zabulonmanta, Neftalimanta kurajkunawan ima.

Salmos 68:28

28 (29) Diosníy, tukuy atiyniyoj kasqaykita rikuchiy. Noqaykurayku imatachus ruwanaykita sut'iman churay.

Oseas 13:1

Efraín ayllu parlarejtenqa, Israelmanta wakin ayllukuna kharkatitej kanku, paytataj maypaj qhawaj kanku. Chaywanpis Efrainqa Baalta yupaychasqanrayku juchachakuspa wañorqa.

San Lucas 14:11

Chayqa ajina, imaraykuchus jatunchakojqa k'umuykuchisqa kanqa, k'umuykojtajrí jatunchasqa kanqa, nispa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

1 Samuel 10:27

Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

1 Samuel 14:51

Saulpa tatan Cis, chantá Abnerpa tatan Nerpis, iskayninku Abielpata churinkuna karqanku.

1 Samuel 15:17

Chantá Samuel nerqa: Qan kikiyki pisipaj qhawarikorqanki. Chaywanpis Tata Diosqa Israel suyuta kamachinaykipaj churasorqa.

1 Samuel 18:18

Davidtajrí Saulman kuticherqa: Kuraj kamachejpa tolqan kanaypaj, noqaqa mana imachu kani, nitaj tataypa ayllunpis Israel suyupi ancha rejsisqachu, nispa.

1 Samuel 18:23

Saulpa kamachinkuna Davidman chay tukuyta willajtinku, David kuticherqa: Yuyankichejchu kuraj kamachejpa tolqan kayqa pujllakunalla kasqanta? Noqaqa pisi tiyapuyniyoj mana kasu ruwana kani, nispa.

1 Samuel 9:22

Chantá Samuelqa Saulta, kamachintawan jatun wasiman pusaykorqa, chaypitaj aswan ñawpajpi tiyacherqa. Wajyarisqa runakunaqa uj kinsa chunka jina karqanku.