1 Samuel 8:6 - DIOSPA QHELQACHISQ

⁶ Israelitakuna kuraj kamachejta mañasqankoqa Samuelman mana allinchu rijch'arqa. Chayrayku Tata Dioswan parlarikuspa, payta taporqa.

Qheshwa Biblia DC

⁶ Samuelmantaj uj reyta paykunata kamachinampaj mañasqankoqa mana allinchu rijch'arqa, chaytataj Señorman willarqa.

DIOSPA QHELQACHISQAN DEUTEROCANONICAL

⁶ Israelitakuna kuraj kamachejta mañasqankoqa Samuelman mana allinchu rijch'arqa. Chayrayku Tata Dioswan parlarikuspa, payta taporqa.

1 Samuel 8:6 ပူးပေါင်းရင်းမြစ်များ

Salmos 109:4

Paykunata munakojtiypis, chejnikuywan pagawanku. Chaywanpis, paykunarayku Diosmanta mañapuni.

Éxodo 32:21

Chantá Moisés Aaronta nerqa: Imanasorqankutaj kay runakuna kay jina jatunta paykunata juchallichinaykipajri? nispa.

Éxodo 32:32

Chaywanpis noqa mañarikuyki, paykunaj juchankuta pampachanaykita. Manachus juchallisqankuta pampachanki chayqa, kunanpacha qhelqaykimanta sutiyta orqhopuway, nispa.

Oseas 13:10

Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

Números 16:15

Chantá Moisés maytapuni phiñakorqa, Tata Diosmantaj nerqa: Tata Dios, ama jaywasqankuta jap'ikuychu. Noqaqa paykunamanta mana burrollankutapis qhechunichu, nitaj paykunata ima sajratapis ruwanichu, nispa.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Filipenses 4:6

Jinallataj ama imamantapis phutikuychejchu. Aswanpis Dioswan parlarikuspa, imatachus pisichikushasqaykichejta mañakuychej. Chantá imatachus ruwapususqaykichejmanta Diosta pachis niychej.

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.

1 Samuel 10:19

Kunantajrí noqa Diosniykichejta manakajpaj qhawankichej. Kamachinasuykichejpaj kuraj kamachejta mañakuspa, tukuy imaymana llakiykunapi yanapasoj Diosta qhesachawankichej. Chayrayku kunanqa ñawpaqeyman qayllamuychej, sapa jatun ayllu, jinataj sapa wasi ayllu ima, nispa.

1 Samuel 12:12

Chaywanpis amonitakunaj kuraj kamachejninku Najás qankunawan maqanakoj jamushasqanta rikuspa, qankunaqa uj runata kuraj kamachejniykichejpaj churapunayta mañakuwarqankichej, Diosniykichej Tata Dios kuraj kamachejninchej kashajtinpis.

1 Samuel 12:17

Kunan trigo oqharina tiempo kashan, manataj paray tiempochu, icharí? Chaywanpis noqa Tata Diosmanta mañasaj, paytaj kachaykamonqa qhon qhonkunata. Paratapis parachimonqa, qankuna yachanaykichejpaj, reparanaykichejpajtaj kuraj kamachejta mañakuspa, Tata Diospa contranpi juchallisqaykichejta, nispa. Ajinata Samuel israelitakunata k'amerqa.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Samuel 7:5

Chantá Samuel kamacherqa: Tukuy Israel ayllu, Mispá llajtapi tantakuychej, noqataj Tata Diosmanta qankunarayku mañapusqaykichej, nispa.