1 Samuel 8:11 - DIOSPA QHELQACHISQ

¹¹ Nerqataj: Munasqaykichej kuraj kamachejqa kay jinata ruwasonqachej: Churiykichejta soldadonkuna kanankupaj wajyachenqa: Maqanaku carretakunaman churananpaj, caballokunapi purinankupaj, chantá ñawpaqenta rinankupaj.

Qheshwa Biblia DC

¹¹ Nerqataj: Kay jinata ruwasonqachej pichus kamachisonqachej chay reyqa: Qhari wawasniykichejta wajyachenqa; wakintaqa maqanakupaj carretasman churanqa, wakintataj caballospi purinankupaj, wakintataj payta qhawanampaj churanqa.

DIOSPA QHELQACHISQAN DEUTEROCANONICAL

¹¹ Nerqataj: Munasqaykichej kuraj kamachejqa kay jinata ruwasonqachej: Churiykichejta soldadonkuna kanankupaj wajyachenqa: Maqanaku carretakunaman churananpaj, caballokunapi purinankupaj, chantá ñawpaqenta rinankupaj.

1 Samuel 8:11 ပူးပေါင်းရင်းမြစ်များ

2 Samuel 15:1

Chaymanta mana unayninmanchu, Absalonqa carretata ruwachikorqa, caballokunata ima rantikorqa. Ñawpaqenta purinankupajtaj phishqa chunka runatawan mink'akorqa.

1 Reyes 1:5

Chantá Davidpa ujnin warmin Jaguitpa churin Adoniasqa tatan Davidpa contranpi oqharikorqa: Kunanqa noqa kamachisaj, nispa. Chayrayku Adoniasqa wakichikorqa carretakunata, caballopi purej runakunata ima paywan khuska purinankupaj. Phishqa chunka runakunatawan mink'allarqataj paypa jark'akojninkuna jina ñawpaqenpi purinankupaj.

1 Reyes 10:26

Salomonqa tantaykullarqataj carretakunata, caballopi purejkunatawan. Paypata tiyaporqa 1.400 carretakuna, 12.000 caballopi purej soldadokuna ima. Chaykunata churarqa carretakunata waqaychana llajtaman, wakintaj Jerusalenpi kuraj kamachejwan qhepakunankupaj.

1 Reyes 12:10

Chantá chay paywan khuska wiñaj waynuchukunaqa kuticherqanku: Pikunachus nisunku: Tataykeqa noqaykuman anchata yapaykuwarqayku ashkha ruwanata llasa yugota jina, qantaj pisiyarichiy ari, nispa, chaykunaman kay jinata ninki: Makiypa sullk'a ruk'ananqa tataypa ñañu wasanmanta aswan rakhuraj.

1 Reyes 12:4

Tataykeqa sinch'i ruwanaman churawarqayku. Kunanqa qan pisiyarichiy ari chay jina sinch'i ruwanata, chay chhika llasa yugota jina pataykuman churawasqaykumanta, noqaykutaj qanpa kamachiykipi kasqayku, nispa.

1 Reyes 14:27

Kuraj kamachej Roboantaj qorimanta karqa, chay escudokunaj cuentanpi broncemanta escudokunata ruwacherqa, kamachina wasita qhawaj soldadokunamantaj jaywarqa paykuna jallch'anankupaj.

1 Reyes 18:46

Chaypacha Eliasqa p'achanta sumajta chumpiykukuytawan, Jezrel llajtaman phawaspa, Ajabmanta aswan ñawpajta chayarqa, Tata Dios kallpata qosqanrayku.

1 Samuel 10:25

Chantá chaypachapacha Samuelqa kuraj kamachej imaynachus kananmanta chantá imachus ruwananmanta israelitakunaman yachacherqa. Chaytataj uj qhelqaman qhelqaykuspa, Dioswan Tinkukuna Toldoman jallch'arqa. Chaymantataj Samuelqa tukuyninku wasinkuman kutipunankuta kamacherqa.

1 Samuel 14:52

Saúl kuraj kamachej jina kanankamaqa filisteokunawan maqanaku manchay sinch'i karqa. Saultaj sumaj wapu qharita rikuspa, soldadon kananpaj churajpacha.

1 Samuel 22:7

Chantá paykunata nerqa: Benjamín jatun ayllumanta kajkuna, uyariwaychej: Yuyankichejchu Yesejpa churin David, tukuy qankunaman jallp'akunata, uva huertakunatapis qonasuykichejta, jinallataj kamachejkunata, capitankunatapis churanasuykichejta?

1 Samuel 8:9

Ajinaqa kasullay imatachus mañakusqankuta. Chaywanpis sut'inta niy, kuraj kamachej paykunata kamachispa imatachus ruwananta, nispa.