1 Samuel 6:19 - DIOSPA QHELQACHISQ

¹⁹ Chaywanpis Bet Semes llajtapi tiyakojkunamanta wakinta Tata Dios wañucherqa, paypa arcan ukhupi imachus kasqanta rikuyta munaspa qhawaykusqankurayku. Chaypacha qanchis chunka runakunata wañucherqa. Chayrayku Bet Semespi tiyakojkunaqa Tata Dios chay chhikatapuni wañuchisqanmanta waqarqanku.

Qheshwa Biblia DC

¹⁹ Chaypacha Bet-semes llajtapi tiyakojkunamanta wakinta Señorqa wañucherqa Señorpa trato cajonnin ukhuta imaschus kasqanta rikuyta munaspa qhawaykusqankurayku. Chaypacha qanchis chunka runasta wañucherqa, tukuy ayllutaj waqarqanku chay chhikata Señor chay p'unchaypi paykuna ukhupi wañurachisqanmanta.

DIOSPA QHELQACHISQAN DEUTEROCANONICAL

¹⁹ Chaywanpis Bet Semes llajtapi tiyakojkunamanta wakinta Tata Dios wañucherqa, paypa arcan ukhupi imachus kasqanta rikuyta munaspa qhawaykusqankurayku. Chaypacha qanchis chunka runakunata wañucherqa. Chayrayku Bet Semespi tiyakojkunaqa Tata Dios chay chhikatapuni wañuchisqanmanta waqarqanku.

1 Samuel 6:19 ပူးပေါင်းရင်းမြစ်များ

2 Samuel 6:7

Chaypacha Tata Diosqa Uzapaj phiñakorqa, chay arcata mana manchachikuspa jap'iykusqanmanta. Diosqa chay kikinpi Uzata wañurparicherqa. Uzataj Diospa arcan qayllapi wañusqa choqakorqa.

2 Crónicas 25:21

Chaypacha Joasqa soldadonkunawan jamorqa Judá suyuta kuraj kamachej Amasiaspa soldadonkunawan maqanakoj. Jinataj Judá suyupi Bet Semes llajtapi maqanakupi tinkorqanku.

Éxodo 19:21

Chaymanta Tata Diosqa Moisesta nerqa: Urayk'uspa, runakunata nimuy noqata rikuwayta munaspa, señal churasqaykita amapuni pasanankuta. Pasankumanchus chayqa, ashkha wañunkuman.

Éxodo 33:4

Israelitakunaqa Tata Dios k'araj simiwan parlasqanta uyarispa, mayta llakikorqanku. Chayrayku ni pipis jaluchuta churakuspa k'achanchakorqankuchu,

Números 1:51

Dioswan Tinkukuna Toldota mayman apana kajtenqa, paykuna toldota phaskanqanku. Maymanchus chayaspataj, paykunallataj toldota sayarichenqanku. Sichus pillapis mana levita kaspalla chay toldoman qayllaykunman chayqa, wañuchisqa kanqa.

Números 4:15

Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Números 4:18

Qankunaqa Leví jatun ayllu ukhumanta Coatpa miraynin chinkapunanta ama saqenkichejchu.

Números 4:20

Chaywanpis paykunaqa Diosllapaj t'aqasqa imakunata qhawaj mana yaykunankuchu tiyan, ama wañuchisqa kanankupaj, nispa.

Deuteronomio 29:29

Pakasqa imakunaqa Tata Diosninchejpata kashan. Diosninchej sut'inchawasqanchejrí noqanchejpata, wawanchejkunajtawan ima wiñaypaj kanku, tukuy chay kamachisqakunata junt'ananchejpaj.

Colosenses 2:18

Amallataj saqeychejchu, pikunachus llamp'u sonqoman tukuspa angelkunata yupaychanku, chaykuna qankunata juchachasunaykichejta. Paykunaqa mosqoypi jina rikusqankuta ninku, runa jinalla manakajta yuyasqankumantataj runaykachanku.

1 Pedro 4:17

Diospa juicion p'unchay chayamunña, paytaj noqanchej aylluntaraj ñawpajta juzgawasunchej. Dioschus ayllunta juzgayta qallarin chayqa, Jesucristomanta sumaj willayta mana jap'ikuyta munajkunawan, imataj kanqari?