1 Samuel 6:14 - DIOSPA QHELQACHISQ

¹⁴ Wakakunaj qhatatisqan carretaqa Bet Semespi Josuéj jallp'ankama chayarqa, uj jatun rumi qayllapitaj sayarqa. Chantá Bet Semespi tiyakojkuna carretata llant'aspa, chay wakakunata ñak'arqanku Tata Diosman jaywaspa q'olachinankupaj.

Qheshwa Biblia DC

¹⁴ Wakaspa qhatatisqan carretaqa Bet-semespi Josuejpa jallp'ankama chayarqa, chaypitaj sayaykorqa, uj jatun rumi qayllapi. Chaypacha Bet-semesmanta kajkunaqa chay carretaj k'aspisninmanta llant'ata ruwaspa, chay wakasta Señorpaj rikuchikuta jina ruphachiporqanku.

DIOSPA QHELQACHISQAN DEUTEROCANONICAL

¹⁴ Wakakunaj qhatatisqan carretaqa Bet Semespi Josuéj jallp'ankama chayarqa, uj jatun rumi qayllapitaj sayarqa. Chantá Bet Semespi tiyakojkuna carretata llant'aspa, chay wakakunata ñak'arqanku Tata Diosman jaywaspa q'olachinankupaj.

1 Samuel 6:14 ပူးပေါင်းရင်းမြစ်များ

2 Samuel 24:18

Chay p'unchaypacha Gadqa Davidta watukoj rispa, nerqa: Maypichus jebuseo Arauna trigota trillashasqa chaynejpi, Tata Diospaj uj altarta ruwapuy, nispa.

2 Samuel 24:22

Araunataj kuticherqa: Qan, kuraj kamachejníy, Diosman q'olachispa jaywanaykipaj jap'ikapullay, imachari allin rijch'asunki, chayta. Kaypi tiyan bueykuna ñak'aspa q'olachinapaj, jinallataj trigo trillana k'ullupis, kay yuntakunaj yugonkupis. Chaykunaqa walej kanman llant'apaj.

2 Samuel 24:25

Chaypitaj Davidqa Tata Diospaj uj altarta ruwaporqa, altar patapitaj uywa ñak'asqata q'olachispa jaywarqa, jinataj allinyakuna jaywanatapis. Chantá Tata Dios uyarerqa suyunrayku David mañapusqanta, chay millay onqoytaj Israel suyumanta chinkaporqa.

1 Reyes 19:21

Chaymanta wasinman kutispataj, Eliseoqa iskay bueykunata ñak'arqa, llank'anan aradowantaj chay aychata kankaspa, tukuy runaman mikhunankupaj qorqa. Chantá Eliaswan puriyta qallarerqa, paypa kamachintaj karqa.

Éxodo 20:24

Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

Jueces 21:4

Q'ayantintaj israelitakunaqa tutamanta jatarikorqanku. Uj altarta ruwaspataj, Tata Diosman jaywarqanku uywa ñak'asqa q'olachinakunata, chantá allinyakuna jaywanakunatawan.

Jueces 6:26

Jinaspataj, chay orqo puntapi uj altarta ruwapuway. Chantá qanchis watayoj torota apamuspataj, noqaman jaywanata jina q'olachipuway chay Asera k'ullu llant'asqaykiwan.

1 Samuel 11:5

Chaypacha Saulqa bueyninkuna qhatirisqa llank'asqanmanta chayamusharqa. Chantá taporqa: Imataj tiyan, runa kay jinata waqanankupajri? nispa. Chantá Jabesmanta jamojkuna imatachus nisqankuta payman willarqanku.

1 Samuel 20:29

Pay niwarqa: Ama jinachu kay, Belenman rejta saqeriway, imaraykuchus llajtaypi aylloyqa uywa ñak'asqata q'olachispa jaywayta yachanku, wawqeytaj kamachiwarqa rinayta. Chayrayku aylluyta waturikoj rinaypaj kacharinawaykita nirikuyta munayki, nispa. Chayrayku kuraj kamachejníy, Davidqa qanwan mikhoj mana jamunchu, nispa.

1 Samuel 6:13

Chaypacha Bet Semespi tiyakojkunaqa vallepi trigota oqharisharqanku, qhawarispataj Diospa arcanta jamushajta rikorqanku. Chantá mayta kusikorqanku.

1 Samuel 6:18

Qorimanta ruwasqanku juk'uchakunapis phishqa kurajkuna kamachisqanku chay llajtakuna chhikallataj karqa, perqawan muyuchisqa llajtakunata yupaspa, jinataj mana perqawan muyuykusqa llajtakunatawan. Maypichus Tata Diospa arcanta churarqanku, chay jatun rumeqa Bet Semespi Josuéj jallp'anpi kunankama kashanraj.