1 Samuel 31:4 - DIOSPA QHELQACHISQ

⁴ Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.

Qheshwa Biblia DC

⁴ Chayrayku Saulqa chay yanapajninman nerqa: Espadaykita orqhokuy, chaywantaj t'ojsispa wañuchiway, Diosta mana rejsejkuna runas wañuchiwaspa ama noqamanta asikunawankupaj. Jinapis chay yanapajnenqa mana chay nisqanta ruwarqachu, sinch'ita manchachikusqanrayku. Chaypacha Saulqa espadanta oqharikuspa, chay espadan pataman urmaykarparerqa.

DIOSPA QHELQACHISQAN DEUTEROCANONICAL

⁴ Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.

1 Samuel 31:4 ပူးပေါင်းရင်းမြစ်များ

2 Samuel 1:1

Saúl wañusqanmanta qhepaman Davidqa amalecitakunata maqanakupi atipaytawan, Siclag llajtaman kuterqa, chaypitaj iskay p'unchayta qheparikorqa.

2 Samuel 1:14

Chantá David chay runata nerqa: Imaraykutaj mana manchachikorqankichu Tata Diospa ajllasqanpa contranpi makiykita oqhariytari? nispa.

2 Samuel 1:20

Chaytaqa ama willaychejchu Gat llajtapi, nillataj willaraychejchu Ascalón llajtapipis, ama chay filistea warmikuna kusikunankupaj, nitaj lantikunata qhatejkunaj ususinku kusiywan tusunankupaj.

2 Samuel 1:6

Chay runataj kuticherqa: Mana rinallamanta, Gilboa orqoman rerqani, chaypitaj rikorqani Saulta lanzanpi atiykusqata. Chaypachapunitaj filisteokunaqa carretapi maqanakojkuna, jinataj caballopi maqanakojkunapis payta taripaykushasqankutaña.

2 Samuel 17:23

Ajitofelqa Absalón yuyaychasqanta mana kasusqanta rikuspa, burronta sinchaykuytawan, llajtanpi wasinman riporqa. Wasinpi tukuy kajta allinchaytawan, sipirparikorqa. Chantá ayllunkunaqa ayanta tatanpa covachanman p'ampamorqanku.

2 Samuel 21:12

Chaypacha Davidqa Galaad jap'iypi Jabés llajtaman rispa, Saulpa tullunta, jinataj churin Jonatanpa tulluntapis oqharimorqa. Jabés llajtayojkunaqa aya warkhurayashajta Betsán plazamanta suwamusqanku, maypichus filisteokuna Saulta Gilboapi atipaykuspa warkhusqanku, chaymanta.

1 Reyes 16:18

Jinapi Zimriqa llajtata jap'iykusqankuta rikuspa, kamachinan wasiman yaykuykuspa, wasiman ninata jap'iykucherqa, chaypitaj pay wañorqa.

1 Reyes 16:27

Omri kamachishaspa wakin ruwasqan, tukuy ima ruwasqanpiwan qhelqasqa kashan Israel suyumanta kuraj kamachejkunaj ruwasqankumanta willaj qhelqapi.

1 Crónicas 10:4

Chayrayku Saulqa armanta apaykachapojninta nerqa: Espadaykita orqhokuspa tukuycharpariway, Diosta mana manchachikojkuna wañuchiwaspa ama alqochakunawankupaj, nispa. Yanapajnintajrí mana Saulta wañuchiyta munarqachu, sinch'ita manchachikusqanrayku. Chantá Saulqa espadanta sayachiytawan, patanman choqaykukorqa.

Jueces 14:3

Tatan mamanrí Sansonta nerqanku: Imapajtaj mana israelita warmita warmiykipaj mask'ashanki, chay filisteo mana circuncidasqa llajtayojkunamantari? Llajta masinchej ukhupi, chayrí tukuy israelitakuna ukhupipis manachu kanman uj warmi paywan casarakunaykipaj? nispa. Sansontajrí kuticherqa: Chay warmitapuni munani. Chayrayku paytapuni mañaqampuwaychej, nispa.

Jueces 9:54

Chantá Abimelecqa armanta apaykachajta nerqa: Espadaykiwan wañuchiway. Mana munanichu warmillaraj wañuchisqa ninawankuta, nispa. Chantá Abimelecpa armanta apaykachaj runaqa espadawan t'ojsispa, Abimelecta wañurparicherqa.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.

1 Samuel 26:10

Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.

1 Samuel 31:5

Armanta apaykachapojtaj Saulta wañusqata rikuspa, paypis kikillantataj ruwarqa. Jinamanta Saulwan khuska wañorqa.