1 Samuel 31:10 - DIOSPA QHELQACHISQ

¹⁰ Saulpa armankunata Astarot sutiyoj diosta yupaychananku wasiman churarqanku, ayantataj Betsán llajtaj perqaman warkhorqanku.

Qheshwa Biblia DC

¹⁰ Saulpa armasninta Astarteta yupaychananku wasiman churarqanku, ayatataj Bet-sán perqaman warkhorqanku.

DIOSPA QHELQACHISQAN DEUTEROCANONICAL

¹⁰ Saulpa armankunata Astarot sutiyoj diosta yupaychananku wasiman churarqanku, ayantataj Betsán llajtaj perqaman warkhorqanku.

1 Samuel 31:10 ပူးပေါင်းရင်းမြစ်များ

Josué 17:11

Isacarpa jap'iynin ukhupi chantá Aser jatun aylloj jap'iynin ukhupi ima, Manasés jatun ayllojta llajtakuna, chantá juch'uy llajtakuna ima kallarqataj. Kaykuna karqanku: Bet Seán, Ibleam, Dor, Endor, Tanac chantá Meguido ima. Kinsa kaj llajtaqa Nafot karqa.

Jueces 1:27

Manasés jatun ayllumanta kajkunaqa kay llajtakunapi tiyakojkunata mana wijch'uyta aterqankuchu: Bet Seanmanta, Tanacmanta, Dormanta, Ibleammanta, Meguidomanta ima, nillataj chay qayllakunapi juch'uy llajtakunamantapis. Chayrayku cananeokunaqa paykunawan khuska tiyakullarqankupuni.

Jueces 2:13

Tata Diosmanta karunchakorqanku Baalpa lantinkunata, Astarotpa lantinkunata ima yupaychaspa.

1 Samuel 21:9

9 (10) Sacerdotetaj kuticherqa: Elá nisqa vallepi filisteo Goliatta wañuchispa qhechusqayki espadalla kaypi kashan, unku wasapi uj llijllawan mayt'usqa kashan. Munanki chayqa, apakapuyta atinki. Chaylla tiyan, aswan mana kanchu, nispa. Chantá David kuticherqa: Chaymanta aswan sumajqa mana kanmanchu. Chayta qoway ari, nispa.

1 Samuel 31:12

Chaypacha tukuy wapu runakuna parlanakuspa, tukuy tutantin purerqanku. Chantá Betsán llajtaman chayaspa, perqamanta Saulpa ayanta, chantá churinkunaj ayankuta ima orqhorqanku. Jabés llajtaman apamuspataj, chaypi ruphacherqanku.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.