1 Samuel 31:1 - DIOSPA QHELQACHISQ

¹ Filisteokunaqa israelitakunawan maqanakorqanku, israelitakunatajrí ayqerikaporqanku. Gilboa orqopitaj ashkhatapuni wañuykucherqanku.

Qheshwa Biblia DC

¹ Filisteosqa israelitaswan maqanakoj rerqanku, israelitastaj filisteospa ñaupaqenkumanta ayqerqanku. Gilboa orqopitaj ashkhas wañorqanku.

DIOSPA QHELQACHISQAN DEUTEROCANONICAL

¹ Filisteokunaqa israelitakunawan maqanakorqanku, israelitakunatajrí ayqerikaporqanku. Gilboa orqopitaj ashkhatapuni wañuykucherqanku.

1 Samuel 31:1 ပူးပေါင်းရင်းမြစ်များ

2 Samuel 1:21

Gilboa orqokunaqa amaña qankuna patamanqa parachunchu, nitaj chhullachunchu. Amañataj qankunapi imapis poqochunchu. Chaypi wapu soldadokunaj escudonku sarusqa karqa. Manaña Saulpa escudonpis lliphipinñachu.

2 Samuel 1:6

Chay runataj kuticherqa: Mana rinallamanta, Gilboa orqoman rerqani, chaypitaj rikorqani Saulta lanzanpi atiykusqata. Chaypachapunitaj filisteokunaqa carretapi maqanakojkuna, jinataj caballopi maqanakojkunapis payta taripaykushasqankutaña.

2 Samuel 4:4

Saulpa churin Jonatanpata uj churin karqa Mefiboset sutiyoj. Payqa wist'u chakiyoj karqa. Mefiboset phishqa watayoj kashajtin, Saulwan, Jonatanwan wañusqanku Jezrelpi yachakorqa. Chaypacha uywaqenqa Mefibosetta jap'ispa, paywan ayqerqa. Usqhayta ayqeshajtinkutaj, wawata pampaman atipachikorqa. Chaymantapachataj wist'u chaki karqa.

1 Samuel 12:25

Sichus mana allinta purispallapuni kawsankichej chayrí, qankuna, chantá kuraj kamachejniykichejpis chinkachisqa kankichej, nispa.

1 Samuel 28:1

Chaypachallataj filisteokunaqa israelitakunawan maqanakunankupaj soldadokunata tantaykorqanku. Chantá Aquisqa Davidta nerqa: Yachanki jina, qanwan, runaykikunawan ima noqawan khuska maqanakoj llojsinaykichej tiyan, nispa.

1 Samuel 28:15

Chantá Samuel nerqa: Imapajtaj kakushajta jamuchiwanki, imapajtaj wajyawankiri? nispa. Saultaj kuticherqa: Sinch'i llakisqa kashani, imaraykuchus filisteokuna junt'aykamushawanku, Diosrí qonqarpariwan. Manaña parlawanchu, ni Diosmanta sut'inchajkunanejta, nitaj mosqoynejtapis. Chayrayku wajyacherqayki imatachus ruwanayta ninawaykipaj, nispa.

1 Samuel 28:19

Chay jawataj Tata Diosqa qanta, jinataj israelitakunata filisteokunaj makinkuman jaywaykusonqachej. Q'aya qan, jinataj churiykikuna ima noqawan khuska kankichej. Ajinallatataj Tata Diosqa israelitakunata, qantawan khuska filisteokunawan atipaykuchisonqachej, nispa. Ajinata Samuel Saulta nerqa.

1 Samuel 28:4

Chay qhepatataj filisteokuna tantakuspa, Sunén chaynejpi jarakorqanku. Saultajrí tukuy israelita soldadonkunata tantaykuspa, Gilboa cheqanejpi jarakorqanku.

1 Samuel 29:1

Filisteokunaqa tukuy soldadonkuta Afecpi tantaykorqanku, chaykamataj israelitakunaqa Jezrelpi kaj yaku juturi chaynejpi tantakullarqankutaj.