1 Samuel 30:6 - DIOSPA QHELQACHISQ

⁶ Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.

Qheshwa Biblia DC

⁶ Davidqa sinch'i llakisqa kasharqa, chay runasnin payta rumiswan ch'anqaykuyta munasqankurayku. Tukuyninku wawasninkumanta llakisqas kasqankurayku. Chaywampis Davidqa Señor Diosnimpi atienikorqa.

DIOSPA QHELQACHISQAN DEUTEROCANONICAL

⁶ Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.

1 Samuel 30:6 ပူးပေါင်းရင်းမြစ်များ

Génesis 32:7

7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj.

2 Samuel 17:8

Qanqa yachanki tatayki, chay runankuna ima kallparara wapu kasqankuta. Kunantaj imaynatachus china jukumarimanta uñanta qhechojtinku phiñarikun, jinatachari phiña kashanku. Chay jawaqa tataykeqa maqanakuyman yachasqa, runankunawan khuskataj mana uj ch'isitapis puñushanchu.

2 Reyes 4:27

Chaywanpis maypichus Diosmanta sut'inchaj kasharqa, chayman chayaytawan, chay warmeqa Eliseoj chakinmanta ch'ipaykukorqa. Chantá Guejazí chimpaykuspa, sayarichiyta munarqa. Eliseotajrí nerqa: Saqellay, imaraykuchus sonqon manchay phutisqa kashan, Tata Diostaj imamantachus llakisqa kashasqanta manaraj sut'inchawanchu, nispa.

Job 13:15

Dios wañuchinawan kashajtinpis, paypi atinikullasajpuni. Noqa imaynachus kasqayta paywan sut'inta parlasaj.

Salmos 116:10

Noqa Tata Diospi atinikorqani: May jina phutisqa kashani, nishaspapis.

Salmos 138:3

Wajyakusojtiy, uyariwarqanki, mosoj kallpatataj qowarqanki.

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Salmos 18:6

6 (7) Sinch'i llakiypi kashaspa, Tata Diosman qhaparikorqani. Diosniy yanapanawanta mañakorqani. Paytaj Templonmantapacha uyariwarqa, qhaparikusqaytaj ninrinkama chayarqa.

Salmos 25:17

Sonqoytaqa llakiykuna astawan astawan ñit'iykushawan, kay phutiykunamantataj orqhoway.

Salmos 27:14

Tata Dios yanapasunanta pacienciawan suyakuy. Kallpachakuy, amataj llawch'iyaychu. Arí, Tata Diospi atinikuspa, pacienciawan suyay.

Salmos 31:24

24 (25) Kallpachakuychej, sonqoykichejtataj kawsarichiychej, pikunachus Tata Diospi atinikuspa suyajkuna.

Salmos 42:11

11 (11) Imaraykutaj q'enaqakuyman kasqari? Imaraykutaj phutikuyman kasqari? Diospi atinikuspa suyakuni, paytataj yupaychasajraj. Paymin qhespichiwaj Diosneyqa.

Salmos 42:5

5 (6) Imaraykutaj q'enaqakuyman kasqari? Imaraykutaj phutikuyman kasqari? Diospi atinikuspa suyakuni, paytataj yupaychasajraj. Paymin qhespichiwaj Diosneyqa.

Salmos 42:7

7 (8) Yakoj phajchasqan uyarikun, ashkha yakuta apachimusqaykitaj patayta wasaykun.

Salmos 56:11

11 (12) Diosllapi atinikuni, manataj manchachikunichu. Wañoj runa imatataj ruwawayta atinmanri?

Salmos 62:1

1 (2) Diosllapi almayqa sonqo tiyasqa kawsayta tarin. Qhespichisqa kanayqa payllamanta jamun.

Salmos 62:5

5 (6) Almayqa Diosllapi sonqo tiyasqa kawsayta tarin, noqataj paylla yanapanawanta suyakuni.

Salmos 71:4

Diosníy, millayta ruwajkunaj makinmanta kacharichiway. Jinallataj kallpanpi atinikuspa, maqayllata munaj runamantapis qhespichillawaytaj.

Salmos 71:5

Tukuyta Kamachej Diosníy, wayna kasqaymantapacha qanlla yanapanawaykita suyakuni, qanllapitaj atinikuni.

Éxodo 17:4

Chantá Moisesqa Tata Diosmanta mañakorqa: Imanasajtaj kay runakunawanri? Tumpamantawan rumiwan ch'anqaspa, wañuchiwanqanku, nispa.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 25:4

Wajchakunapajrí qan pakakunanku kanki, llakisqa pisichikojpaj jark'akojnintaj. Jinallataj para wayramanta waqaychaj kanki, ruphaymanta llanthojtaj. Ajina kanki, imaraykuchus mana khuyakuyniyojkunaj ruwasqanku rijch'akun, chiri tiempopi loco para imaynatachus perqata wajtan, ajinaman.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jonás 2:2

2 (3) ajinata mañakorqa: Tata Diosníy, may llakiyniypi qhaparikamorqayki, qantaj uyariwanki. Wañuy patapi kashaspa, qhaparikamorqayki, qantaj uyariwarqanki.

Números 14:10

Chaywanpis israelitakunaqa Josueta Calebtawan ima rumiwan ch'anqaykunankupaj qhawasharqanku. Chantá tukuy israelitakunaj rikunankuta, Dioswan Tinkukuna Toldopi Tata Diospa jatun kayninpa lliphipiynin rikhurerqa.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

San Mateo 27:22

Chaymantataj Pilato taporqa: Imanasajtaj Cristo nisqa Jesuswanri? nispa. Tukuyninkutaj uj kunkalla qhaparerqanku: Cruzman chakatasqa kachun, nispa.

San Juan 8:59

Chaymanta judiokunaqa Jesusta ch'anqaykunankupaj rumita oqharikorqanku. Paytajrí paykunaj chawpinkuta rispa, Temploj pationmanta llojsiporqa.

Romanos 4:18

Manaña ima allin kajtapis suyananpaj jina kashajtin, Abraham Diospa nisqanta jap'ikorqa. Chayraykutaj suyakullarqapuni ashkha runaj tatan kananpaj, Dios payta nisqanman jina: Mirayniykeqa mana yupay atina kanqa, nispa.

Romanos 4:20

Abrahamqa mana ni tumpata iskayrayarqachu Dios qosaj nisqanta junt'ananmanta. Aswanpis Diospi astawan atinikorqa, jinamantataj Diosta tukuy sonqo jatuncharqa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

2 Corintios 1:6

Noqaykuchus ñak'ariyku chayqa, chaymin kashan qankuna sonqochasqa, qhespichisqataj kanaykichejpaj. Sonqochasqachus kayku chayrí, chayqa qankunapis sonqochasqallataj, qhespichisqataj kanaykichejpaj. Ajinapeqa qankuna yachaqakunkichej llakiykuna qhatirejtin sinch'ita sayayta, imaynatachus noqayku sayayku, ajinata.

2 Corintios 4:8

Noqayku tukuy imaymana llakiykunawan ñit'isqa kayku chaypis, chay llakiykuna mana atipawaykuchu. Mana imata ruwayta atispapis, ñawpajman rillaykupuni.

2 Corintios 7:5

Macedoniaman chayamusqaykumantapacha, mana uj chhikallatapis samarikorqaykuchu aswanpis imaymana llakiykuna qhatiriwarqayku. Muyuyniykupi ch'ajwakuna karqa, sonqoykupitaj manchachikorqayku.

Hebreos 13:6

Ajinaqa tukuy sonqo niyta atinchej: Tukuyta Kamachej Diosqa yanapawajniy. Chayrayku mana manchachikusajchu, imatachus pipis ruwanawanmanta, nispa.

Jueces 18:25

Danmanta kajkunarí kuticherqanku: Ama qhapariykuwaykuchu. Pajtataj noqaykumanta wakinkuna phiñarikuspa, maqaj jamusunkuman, qantawan, aylluykitawan ima wañuchisunkumantaj, nispa.

Jueces 20:22

Chayrayku israelitakunaqa Betelman watejmanta rispa, Tata Diospa ñawpaqenpi inti yaykunankama jik'un jik'unta waqarikorqanku.

1 Samuel 1:10

Anataj, sonqon ukhupi may llakisqa kasqanrayku, waqaspa Tata Diosmanta mañakorqa.

1 Samuel 23:16

Chaypacha Saulpa churin Jonatán Davidta watukoj Horesman rerqa, Diosllamanta jap'ikuspa kananta yuyaychananpaj.

1 Samuel 28:15

Chantá Samuel nerqa: Imapajtaj kakushajta jamuchiwanki, imapajtaj wajyawankiri? nispa. Saultaj kuticherqa: Sinch'i llakisqa kashani, imaraykuchus filisteokuna junt'aykamushawanku, Diosrí qonqarpariwan. Manaña parlawanchu, ni Diosmanta sut'inchajkunanejta, nitaj mosqoynejtapis. Chayrayku wajyacherqayki imatachus ruwanayta ninawaykipaj, nispa.