1 Samuel 30:22 - DIOSPA QHELQACHISQ

²² Wakinkunatajrí sajra sonqoyoj kasqankurayku, qhepakojkunapaj rimarqanku: Paykunaqa mana noqaykuwan rerqankuchu. Chayrayku qhechusqaykumanta paykunaman mana imatapis qoykumanchu. Manachayqa warminkuta, wawankutawan jap'ikapuchunku, chantá ripuchunku, nispa.

Qheshwa Biblia DC

²² Chay wakin runasnenqa sajra sonqoyoj karqanku. Paykunaqa chay qhepakorqanku chaykunapaj rimarqanku. Chay qhechusqanku imasmanta paykunaman mana qonankuta munarqankuchu, manachayqa warmisninkuta, wawasninkutawan imalla, chaywampis paykunata jap'iytawankama ripunankuta nerqanku.

DIOSPA QHELQACHISQAN DEUTEROCANONICAL

²² Wakinkunatajrí sajra sonqoyoj kasqankurayku, qhepakojkunapaj rimarqanku: Paykunaqa mana noqaykuwan rerqankuchu. Chayrayku qhechusqaykumanta paykunaman mana imatapis qoykumanchu. Manachayqa warminkuta, wawankutawan jap'ikapuchunku, chantá ripuchunku, nispa.

1 Samuel 30:22 ပူးပေါင်းရင်းမြစ်များ

1 Reyes 21:10

Chantá iskay runakunata mask'aychej paypa contranpi llullakuspa, ch'ataykunankupaj: Qanqa Diospa contranpi sajrata parlanki, kuraj kamachejpa contranpi ima, nispa. Chantá jawaman orqhoytawan, rumiwan ch'anqaykuspa, wañuchiychej, nispa.

1 Reyes 21:13

Chaymantataj iskay millay runakuna jamorqanku, Nabotpa ñawpaqenpitaj tiyaykukuspa, tukuy runaj ñawpaqenpi llullakuspa Nabotta ch'ataykorqanku: Payqa Diospa contranta parlarqa, kuraj kamachejpa contrantawan, nispa. Llajtamanta jawaman aysaytawantaj, paykuna rumiwan ch'anqaspa, Nabotta wañucherqanku.

San Mateo 7:12

Chayrayku, imaynatachus runakuna qankunapaj ruwanankuta munankichej, ajinallatataj qankunapis paykunapaj ruwaychej. Chayta ruwaspa, junt'ashankichej imatachus Diospa kamachisqanpi, Diosmanta sut'inchajkunaj qhelqasqankupi ima kamachishan, chayta.

Deuteronomio 13:13

13 (14) Diosta mana kasoj runakuna rikhurimuspa, chay llajtapi tiyakojkunata kay jinata nispa pantachishanku: Jaku, waj dioskunata yupaychamuna, qankuna mana rejserqankichejchu, chaykunata, nispa.

Jueces 19:22

May kusiypi karishajtinkutaj, chay llajtamanta millay sajra runakuna wasita muyuykuspa, punkuta takayta qallarerqanku. Paykunataj nerqanku chay wasiyoj machu runata: Chay chayakamoj runaykita orqhomuy. Paywan puñuyta munayku, nispa.

1 Samuel 22:2

Paywan tantakullarqankutaj tukuy ñak'arichisqa kajkuna, manu kajkuna, llakiyniyoj kajkunapiwan. Davidtaj paykunaj kamachejninku karqa. Paywan khuska purej runakunaqa 400 jina karqanku.

1 Samuel 25:17

Qosaykirí ancha millay runa, mana ima nirina. Chayta qan umacharikuy, qhawaytaj imatachus ruwanaykita, manachayqa cheqamanta mana allin kaj payta, jinataj aylluntapis qhatirenqa, nispa.

1 Samuel 25:25

Nabalta ama kasuta ruwaychu. Payqa ancha sajra runa, sutinman jinataj ancha wampu runapuni. Imatapis wampu jinapuni ruwan. Noqarí kachamusqayki kamachiykikunata mana rikorqanichu.

1 Samuel 30:21

Davidwan, runankunawan Besor wayq'opi chay 200 runakuna qhepakorqanku, chaykunaman chayarqanku. Paykunaqa ancha sayk'usqa kasqankurayku Davidwan khuska riyta mana atisqankuchu. Paykunataj Davidta, runankunatawan ima taripaj llojsimorqanku. Davidtaj paykunaman chayaspa, sumajta napaykorqa.

1 Samuel 30:23

Davidtajrí nerqa: Munasqa wawqeykuna ama chayta ruwaychejchu. Tata Diosmin kay tukuy imata qowarqanchej. Paymin waqaychawarqanchej. Suwaspa qhechuwarqanchej, chaykunatapis atipaykuyta yanapawarqanchej.