1 Samuel 30:16 - DIOSPA QHELQACHISQ

¹⁶ Chantá Egipto llajtayoj paykunata, maypichus suwakuna kasharqanku, chaykama pusarqa. Suwakunaqa tukuy pampapi ch'eqerasqa kusirikuspa kasharqanku. Mikhusharqanku, ujyasharqankutaj filisteokunamanta, jinataj Judamanta tukuy imata suwasqankumanta.

Qheshwa Biblia DC

¹⁶ Pusarqataj maypichus chay suwas kasharqanku chaykama. Chay suwasqa tukuy pampapi ch'eqerasqas sumaj fiestapi kasharqanku, mikhusharqanku, ujyasharqankutaj chay tukuyta suwasqasninkumanta, filisteospa jallp'ankumanta, jinataj Judá jallp'amantapis.

DIOSPA QHELQACHISQAN DEUTEROCANONICAL

¹⁶ Chantá Egipto llajtayoj paykunata, maypichus suwakuna kasharqanku, chaykama pusarqa. Suwakunaqa tukuy pampapi ch'eqerasqa kusirikuspa kasharqanku. Mikhusharqanku, ujyasharqankutaj filisteokunamanta, jinataj Judamanta tukuy imata suwasqankumanta.

1 Samuel 30:16 ပူးပေါင်းရင်းမြစ်များ

2 Samuel 13:28

Absalonqa kamachinkunata yachaykuchisqa: Sumajtamin Amnonta qhawankichej. Machaykojtinkama, noqa nisqaykichej wañuchinaykichejta, qankunataj payta wañuchinkichej. Ama manchachikuychejchu nisqayman jina ruwaytaqa. Kallpachakuychej, wapuchakuychejtaj, nispa.

1 Crónicas 4:43

Paykunaqa puchoj amalecitakunata wañucherqanku. Chaymantapachataj kunankama chaypi tiyakushanku.

Job 20:5

Millayta ruwaspa purejpa kusikuynenqa mana unaypajchu kashan, kusikuynenqa askamalla tukukapun.

Salmos 119:162

Noqaqa nisqaykiwan manchay kusisqa kani, manchay valorniyoj imatapis tarikuyman jina.

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

Isaías 22:13

Qankunarí aswanpis asikorqankichej, kusikorqankichejtaj. Ovejakunata, wakakunatapis ñak'aytawan, sumaj aychata mikhuspa, vinotapis ujyaspa, nerqankichej: Mikhunachej, ujyanachej, imaraykuchus q'aya wañupusun, nispa.

Isaías 9:3

3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Josué 22:8

Paykunamantaj kay jinata nerqa: Kunanqa qankuna ashkha imayoj, ashkha uywayoj, jinataj ashkha qoriyoj, qolqe metalniyoj, bronceyoj, fierroyoj, jinallataj ashkha p'achayoj ima jallp'aykichejman kutipushankichej. Chayrayku awqaykichejmanta qhechusqaykichejtaqa wakinta jaqaypi qhepakoj wawqeykichejkunaman qorinkichej, nispa.

Jueces 8:11

Gedeonrí rillarqapuni chay ch'innejta muyuykoj ñanta, Nobajmanta inti llojsimuynejninta chantá Yogbeanejta. Chantá kaymanta jinalla madianitakunaj jarankuman maqanakoj yaykuykorqa.

1 Samuel 30:14

Noqaykoqa cereteokunaj jap'iyninkumanta Neguevman, Judaman chantá Calebpa jap'iyninman ima qhechuramoj rerqayku. Siclag llajtamanpis ninata jap'iykuchillarqaykutaj, nispa.

1 Samuel 30:15

Davidtaj taporqa: Pusarqowankimanchu, chay suwakuna maypichus kashanku, chayman? nispa. Egipto llajtayojtaj kuticherqa: Sichus Diosniykej sutinrayku tiluwanki mana wañuchinawaykita, nitaj patronniymanpis jaywaykunawaykita chayqa, paykunakama pusasqayki, nispa.