1 Samuel 29:6 - DIOSPA QHELQACHISQ

⁶ Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.

Qheshwa Biblia DC

⁶ Chaypacha Aquisqa Davidta wajyarqa, nerqataj: Cheqamanta Señorpa sutimpi jurayki, qanqa uj cheqan sonqoyoj runa kanki! Sinch'ita kusichiwarqa jarapi imaynatachus noqawan kausasqaykeqa. Noqawan tiyakusqaykimantapachaqa, mana ima sajratapis qampi tarerqanichu. Filisteosmanqa mana allimpajchu rijch'anki.

DIOSPA QHELQACHISQAN DEUTEROCANONICAL

⁶ Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.

1 Samuel 29:6 ပူးပေါင်းရင်းမြစ်များ

Génesis 16:6

Abramtaj kuticherqa: Kamachiykeqa makiykipi kashan, paywan munasqaykita ruwayta atinki, nispa. Chantá Saraiqa Agarta allintapuni k'umuykachachiyta qallarerqa. Agartajrí ayqerikaporqa.

2 Samuel 3:25

Manachu yachakunki, Nerpa churin Abnerqa qanta ch'awkiyasoj jamususqanta, wateqasojtaj, maymanchus risqaykita, tukuy ruwasqaykitapis yachananpaj? nispa.

2 Reyes 19:27

Noqaqa purisqaykita yachani, yaykusqaykita, llojsisqaykitapis. Noqapaj phiñakusqaykitapis yachallanitaj.

Salmos 121:8

Mayman rejtiyki, kutimojtiykipis, Tata Dios qanta waqaychallasonqapuni kunanmanta wiñaykama.

Isaías 37:28

Noqa allinta rejsiyki imaynachus kasqaykita, llojsisqaykita, yaykusqaykitapis rikullanitaj, jinallataj noqapaj phiñakusqaykitapis.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Números 27:17

Chantá ñawpaqenkuta rispa, paykunata pusanqa, maymanchá rishanku chayman, ama qhatirpayasqa oveja jina mana michejniyoj purinankupaj, nispa.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Josué 22:30

Chantá Finés sacerdotewan, israelitakunaj kurajninkukunawan, wasi ayllukunamanta kurajkunapiwan ima, Rubén jatun ayllumanta, Gad jatun ayllumanta, chantá Manasespa khuskan jatun ayllumanta kajkunaj nisqankuta uyarispa, allillan kasqanta repararqanku.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

1 Pedro 3:16

Chantapis sonqoykichej mana juchachasunaykichejpaj allintapuni puriychej. Ajinamanta pikunachus allinta purisqaykichejrayku qankunapaj mana allinta parlajkuna p'enqachisqa kanqanku, Cristota qhatispa allinta purisqaykichejmanta qhasi manakajta parlasqankurayku.

1 Samuel 20:3

Davidtajrí nillarqapuni: Tataykeqa yachan qanwan noqawan sumajta kawsakusqanchejta. Chayrayku mana willasunkichu ama qan llakikunaykipaj. Tata Diospa sutinrayku, qanpa sutiykiraykupis tiluni wañuy patapi kashasqayta, nispa.

1 Samuel 28:10

Saultaj Tata Diospa sutinrayku tiluspa, nerqa: Tata Diospa sutinrayku tiluyki, nisqayta ruwasqaykirayku mana pipis imanasonqachu, nispa.

1 Samuel 29:3

Jinallapi filisteokunamanta kurajkuna Aquista taporqanku: Kay israelitakuna imatataj kaypi ruwashankuri? nispa. Aquistaj kuticherqa: Kay runajtaqa David sutin. Payqa Israel suyoj kuraj kamachejnin Saulpa yanapajnin ñawpajta karqa. Kunantajrí wata kurajtaña noqawan kashan. Noqawan kasqanmantapacha paypi mana ni ima mana allinta tarinichu, nispa.

1 Samuel 29:7

Chayrayku kunanqa ch'inmanta kutipullay, filisteokunaj kamachejninkukunata ama phiñachinapaj, nispa.

1 Samuel 5:8

Chayrayku filisteokunamanta tukuy kurajkunata wajyacherqanku, chantataj taporqanku: Imanasunchejtaj Israelpa Diosninpa arcanwanri? nispa. Kurajkunataj kuticherqanku: Gat llajtaman apaychej, nispa. Filisteokunataj chayman aparqanku.