1 Samuel 29:3 - DIOSPA QHELQACHISQ

³ Jinallapi filisteokunamanta kurajkuna Aquista taporqanku: Kay israelitakuna imatataj kaypi ruwashankuri? nispa. Aquistaj kuticherqa: Kay runajtaqa David sutin. Payqa Israel suyoj kuraj kamachejnin Saulpa yanapajnin ñawpajta karqa. Kunantajrí wata kurajtaña noqawan kashan. Noqawan kasqanmantapacha paypi mana ni ima mana allinta tarinichu, nispa.

Qheshwa Biblia DC

³ Chaypacha filisteosmanta kurajkuna Aquista taporqanku: Chay hebreo runas imatataj kaypi ruwashankuri?, nispa. Aquistaj kuticherqa: Kay runajtaqa David sutin, payqa Israel rey Saulpa yanapajnin karqa. Kunanqa uj mashkha watastaña noqawan kashan. Noqawan kasqanmantapacha mana ima pantaytapis paypi tarinichu.

DIOSPA QHELQACHISQAN DEUTEROCANONICAL

³ Jinallapi filisteokunamanta kurajkuna Aquista taporqanku: Kay israelitakuna imatataj kaypi ruwashankuri? nispa. Aquistaj kuticherqa: Kay runajtaqa David sutin. Payqa Israel suyoj kuraj kamachejnin Saulpa yanapajnin ñawpajta karqa. Kunantajrí wata kurajtaña noqawan kashan. Noqawan kasqanmantapacha paypi mana ni ima mana allinta tarinichu, nispa.

1 Samuel 29:3 ပူးပေါင်းရင်းမြစ်များ

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

1 Crónicas 12:19

Manasés jatun ayllumanta wakinkunapis Davidman k'askaporqanku, maypachachus David filisteokunawan khuska Saulpa contranta maqanakunankupaj risharqa, chaypacha. Chaywanpis Davidqa filisteokunata mana yanaparqachu, imajtinchus filisteokunaj kamachejninkuna parlanakuytawan, kachapusqanku: Davidqa noqanchejta wañuchispa, wiraqochin Saulman tijrakaponqa, nispa.

1 Crónicas 12:20

David Siclagman ripushajtin, Manasés jatun ayllumanta kajkuna Davidman k'askaporqanku. Chaykunaqa Adnas, Jozabad, Jediaiel, Micael, Jozabad, Eliú, chantá Siletay ima karqanku. Paykuna Manasés jatun ayllumanta soldadokunata kamachejkuna karqanku.

Daniel (hebreo) 6:5

5 (6) Chaywanpis yachachinakuspa, nerqanku: Danielta mana imamantapis juchachayta atisunmanchu. Chaywanpis ichapis payta ch'ataykunapaj jina imatapis tarisunman Diosninpa kamachisqanta junt'asqanmanta, nispa.

San Juan 19:6

Chaypacha kuraj sacerdotekuna, chantá Templota qhawaj soldadokuna ima Jesusta rikuytawan, kutin kutinta qhaparerqanku: Cruzman chakatasqa kachun, nispa. Jinapi Pilato nerqa: Qankuna apakapuychej, cruzmantaj chakataychej. Noqarí kay runapi mana ima juchantapis tarinichu, nispa.

Romanos 12:17

Ama pimanpis sajramanta sajrallatataj kutichiychejchu. Manachayqa tukuy runaj rikunanta allin kajtapuni ruwayta munaychej.

1 Pedro 3:16

Chantapis sonqoykichej mana juchachasunaykichejpaj allintapuni puriychej. Ajinamanta pikunachus allinta purisqaykichejrayku qankunapaj mana allinta parlajkuna p'enqachisqa kanqanku, Cristota qhatispa allinta purisqaykichejmanta qhasi manakajta parlasqankurayku.

1 Samuel 14:11

Ajinaqa iskayninku filisteo soldadokunawan rikuchikorqanku. Filisteokuna soldadokunataj paykunata rikuytawankama, nerqanku: Qhawaychej má, israelitakuna pakakushasqankumanta llojsiramushanku, nispa.

1 Samuel 25:28

Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

1 Samuel 27:1

Chaywanpis David sonqonpi nerqa: Saulqa mayk'ajllapis wañuchiwanman. Chayrayku, amaña tukuy Israel jap'iypi mask'anawanpaj, aswan allin kanman Filistea suyuman ayqekunay. Ajinata Saulmanta ayqekusaj, nispa.

1 Samuel 27:7

Davidtaj uj wata tawa killayojta filisteokunawan tiyakorqa.

1 Samuel 29:6

Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.

1 Samuel 4:6

Israelitakunaj sinch'ita qhaparisqankuta uyarispa, filisteokuna tapukorqanku: Imaraykutaj hebreokunaj jarankupi sinch'i ch'ajwa tiyanri? nispa. Chantá israelitakuna Tata Diospa arcanta apamusqankuta yacharqanku.