1 Samuel 28:3 - DIOSPA QHELQACHISQ

³ Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.

Qheshwa Biblia DC

³ Chaypajwanqa Samuelqa wañupusqaña, tukuy israelitastaj wañupusqanmanta waqasqanku. Chaymantataj Ramá llajtapi p'ampamusqanku, chayqa paypa llajtampuni karqa. Chaypaj Saulqa chay yatirista wijch'usqaña, wañusqasman qhaparikoj kanku chaykunata.

DIOSPA QHELQACHISQAN DEUTEROCANONICAL

³ Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.

1 Samuel 28:3 ပူးပေါင်းရင်းမြစ်များ

Éxodo 22:17

17 (16) Sichus sipaspa tatan mana casarachiyta munanmanchu chayqa, pichus honranta t'akajqa usuman jina qharita mana rejsej sipasmanta mashkhachus paganata paganan tiyan.

Éxodo 22:18

18 (17) Layqayta yachaj warmitaqa wañuchinkichejpuni.

Levítico 19:31

Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

Levítico 20:27

Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.

Levítico 20:6

Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 25:1

Samuel wañuporqa, chayraykutaj tukuy israelitakuna wañupusqanmanta waqanankupaj tantakorqanku. Ayantataj Ramá llajtapi kikin wasillanpitaj p'amparqanku. Chaymantataj Davidqa Parán nisqa ch'innejman riporqa.

1 Samuel 28:9

Chay warmitajrí kuticherqa: Qan allinta yachanki, Saulqa Israel suyumanta yatirikunata, aysirikunatawan wijch'uchisqanta. Imamantaj churashawankiri? Wañuchichiytachu munashawanki? nispa.

1 Samuel 7:17

Chaymantataj Ramá llajtaman kutimpoj, chaypi wasin kasqanrayku. Chaymantapachataj israelitakunata juez jina kamacherqa. Chayllapitaj Tata Diospaj uj altarta ruwaporqa.