1 Samuel 27:8 - DIOSPA QHELQACHISQ

⁸ Davidqa soldadonkunawan ima Gesur llajtaman, Guezerman, chantá amalecitakunaman ima suwaj yaykorqanku. Chay llajtayojkunaqa Telayinmantapacha, Shur nisqa ch'innejpi, Egipto suyukama unaymantaña tiyakusqanku.

Qheshwa Biblia DC

⁸ Chay runasninwantaj llojsej kanku chay qayllasman Telaimmantapacha Egiptokama Shur cheqanejpa. Qhechuramoj kanku Gesurpi tiyakojkunata, Gezerpi kajkunata amaleckunata ima. Paykunaqa unaymantaña chay cheqaspi tiyakorqanku.

DIOSPA QHELQACHISQAN DEUTEROCANONICAL

⁸ Davidqa soldadonkunawan ima Gesur llajtaman, Guezerman, chantá amalecitakunaman ima suwaj yaykorqanku. Chay llajtayojkunaqa Telayinmantapacha, Shur nisqa ch'innejpi, Egipto suyukama unaymantaña tiyakusqanku.

1 Samuel 27:8 ပူးပေါင်းရင်းမြစ်များ

2 Samuel 14:23

Jinamanta Joabqa Gesur llajtaman rerqa Absalonta Jerusalenman pusamunanpaj.

2 Samuel 14:32

Absalontaj kuticherqa: Wajyachimorqayki kayman jamunaykita kuraj kamachejman kachasunaypaj, niripunawaykipaj: Imapajtaj Gesur llajtamanta kutichimuwarqanki? Noqamantaqa aswan walej kanman karqa chayllapi qhepakunay, nispa. Kuraj kamachejwan tinkuytapuni munani. Sichus imapi juchayoj kayman chayqa, wañuchiwachun, nispa.

2 Samuel 15:8

Noqa kamachiykeqa Siria suyupi Gesur llajtapiraj tiyakushaspa, Tata Diosman nerqani, sichus pay Jerusalenman kutichimuwanman chayqa, noqa payta yupaychanayta, nispa.

2 Samuel 3:22

Joabtajrí Davidpa soldadonkunawan ima purisqankumanta chaypachapuni chayamushasqanku, tukuy imata maqanakupi qhechumusqankuta aparisqa. Abnerqa manaña Davidwanchu Hebronpi kasharqa. Payqa David kacharpayajtinkama ripusqa.

2 Samuel 3:3

Carmel llajtayoj wañoj Nabalpa warmin Abigailpa churin Quilab, Gesur llajtaj kuraj kamachejnin Talmaypa ususin Macáj churin Absalón ima.

2 Samuel 8:12

Siriamanta, Moabmanta, Amonmanta, filisteokunamanta, jinataj amalecitakunamantapis. Sobaj kuraj kamachejnin Rejobpa churin Hadad Ezermanta qhechusqantapis Diosman qollarqataj.

1 Crónicas 2:23

Gesurwan, Aramwanqa Yairpata, chantá Kenatpata ima llajtankuta, chantá muyuyninpi kaj llajtitakunatawan jap'ikaporqanku, tukuyninpi sojta chunka llajtakuna karqanku. Tukuy paykunaqa Galaadpa tatan Maquirpa mirayninmanta karqanku.

Éxodo 15:22

Chantá Moisés israelitakunata nerqa Puka Mama Qocha kantumanta puririnankuta. Chaymanta paykunaqa Shur nisqa ch'innejman rispa, kinsa p'unchayta purerqanku, manataj ujyanankupaj yakuta tarerqankuchu.

Éxodo 17:8

Israelitakuna Refidinpi kashajtinku, amalecitakuna paykunawan maqanakoj llojsiykamorqanku.

Números 13:29

Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Números 14:45

Chantá chay orqo kinraykunapi tiyakoj amalecitakuna, cananeokuna ima israelitakunawan maqanakoj llojsimorqanku. Israelitakunata atipaykuspataj, Jormakama qhatiykorqanku.

Josué 12:5

Jap'iynenqa patanejman Hermón Orqokama karqa, inti llojsimuynejmantaj Salca llajtakama, inti yaykuynejmantaj tukuy Basanpa jap'iynin, Gesurpa jap'iynin, chantá Macáj jap'iyninwan tinkuykama karqa. Chay jawa Galaadmanta patanejman, Jesbonpi kuraj kamachej Sijonpa jap'iyninkama kamachillarqataj.

Josué 13:13

Gesureokunatawan, macateokunatawan ima israelitakuna mana wijch'usqankuchu. Chayrayku paykunaqa Israel suyupi kunankama tiyakushankuraj.

Josué 13:2

Jap'inaraj kashan, chay jallp'aqa kaykuna kanku: Filisteokunajta chantá gesureokunajta tukuy jallp'anku,

Josué 16:10

Chaywanpis Efraín jatun ayllumanta kajkunaqa Guezerpi tiyakoj cananeokunata mana wijch'orqankuchu. Chayrayku cananeokunaqa kunankama paykuna ukhupi tiyakushankuraj. Chaywanpis cananeokunata wata runata jina jap'erqanku.

Jueces 1:29

Efraín jatun ayllumanta kajkunapis manallataj wijch'orqankuchu Guezerpi tiyakoj cananeokunata. Jinamanta cananeokunaqa paykunallawanpuni tiyakorqanku.

1 Samuel 29:6

Chantá Aquisqa Davidta wajyaspa, nerqa: Tata Diospa sutinrayku tiluyki: Qanqa cheqan sonqoyoj runa kanki, jarapi imaynatachus purisqaykitaj mayta kusichiwan. Noqawan tiyakusqaykimantapachaqa mana ima mana allintapis qanpi tarinichu. Chaywanpis filisteokunaj kamachejninku mana allin ñawiwanchu qhawasunku.

1 Samuel 30:1

Minchhantenqa Davidwan, chantá soldadonkunawan ima Siclag llajtaman chayarqanku. Chantá rikorqanku amalecitakuna Neguevman, jinataj Siclag llajtaman yaykuykamusqankuta, tukuyta phirispataj, ninawan jap'iykuchisqankuta.