1 Samuel 27:10 - DIOSPA QHELQACHISQ

¹⁰ Chantá kuraj kamachej Aquisqa Davidta tapoj: May llajtamantataj kunan qhechuramorqankichejri? nispa. Davidtaj kutichej: Judapi kaj Néguev uraynejpi, chayrí Yeramelmanta uraynejpi, chayrí quenitakunaj jap'iynin uranejmanta qhechumorqayku, nispa.

Qheshwa Biblia DC

¹⁰ Aquistaj tapurerqa: Ima llajtamantataj qhechuramorqankichejri?, nispa. Davidtaj kuticherqa: Judamanta uranejpi, chayri Jerusalenmanta uranejpi, chayri quenitaspa jallp'ankumanta uranejpi, nispa.

DIOSPA QHELQACHISQAN DEUTEROCANONICAL

¹⁰ Chantá kuraj kamachej Aquisqa Davidta tapoj: May llajtamantataj kunan qhechuramorqankichejri? nispa. Davidtaj kutichej: Judapi kaj Néguev uraynejpi, chayrí Yeramelmanta uraynejpi, chayrí quenitakunaj jap'iynin uranejmanta qhechumorqayku, nispa.

1 Samuel 27:10 ပူးပေါင်းရင်းမြစ်များ

Génesis 27:24

Chaywanpis Jacobta saminchananpajña kashaspa, Isaac ujtawan tapullarqataj: Cheqapunichu qanqa Esaú waway kanki? nispa. Jacobtaj nerqa: Arí tatáy, Esaupuni kani, nispa.

2 Samuel 17:20

Chantá Absalonpa runankuna chayaspa, chay warmita taporqanku: Maypitaj kashanku Ajimazwan, Jonatanwanri? nispa. Chay warmitaj kuticherqa: Kayninta mayunejman rerqanku, nispa. Chaypacha Absalonpa runankunaqa paykunata mask'amorqanku, mana tarispataj, Jerusalenman kutiporqanku.

1 Crónicas 2:25

Jesronpa kuraj kaj churin Yeramelpata churinkuna karqanku: Kuraj kajpa sutin Ram karqa, sullk'ankunaj sutintaj Buna, Orén, Osén, Ajías ima karqa.

1 Crónicas 2:9

Jesronpa churinkuna karqanku: Yeramel, Ram, Quelubay ima.

Salmos 119:163

Chantá llullakuyta chejnikuni, nitaj uyariyllatapis munanichu. Yachachisqaykitarí mayta munakuni.

Salmos 119:29

Llullakuspa purinamanta karunchaway, khuyakuyniykiraykutaj kamachisqaykimanta yachachiway.

Proverbios 29:25

Runa masita manchachikoyqa tojlla jina. Chaywanpis Tata Diospi atinikojrí mana ni imamanta manchachikuspa purenqa.

Números 24:21

Chaymanta quenitakunata qhawarispataj, Balaam kay jinata nerqa: Qankunaj tiyakunaykichejqa sumaj sinch'i, Thapaykichejpis chhankapi ruwasqa kashan. Chaywanpis thapaykichejqa ruphaykuchisqa kanqa.

Efesios 4:25

Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Jueces 1:16

Quenita nisqa runakunaqa Moisespa suegronpa mirayninmanta kasqanku. Paykunaqa llojserqanku Judá jatun aylluwan khuska Palmeras llajtamanta, rerqankutaj Judáj ch'innejman, Neguevpi Aradmanta aswan uranejman. Chaypitaj amalecitakunawan tiyakaporqanku.

Jueces 4:11

Cedes qayllapi, Sanayin encina sach'a chaynejpi, tiyakusharqa quenita Jeberqa. Quenitakunaqa Moisespa suegron Hobabpa mirayninmanta karqanku. Kay Jeberrí chay waj quenitakunamanta t'aqakuspa, paywan, wasi ayllunwan imalla chaypi tiyakusharqanku.

Jueces 5:24

Quenita Jeberpa warmin Yaelqa tukuy warmimanta nisqaqa maypaj qhawasqa kachun. Jarapi tiyakoj tukuy warmimanta aswan saminchasqa kachun.

1 Samuel 15:6

Chaynejmantapacha Saulqa quenitakunaman willachimorqa: Chay llajtamanta llojsiychej, ama qankunatapis paykunawan khuskata wañuchinaypaj. Israelitakuna Egiptomanta llojsimushajtinku, qankunaqa allinta paykunapaj ruwarqankichej, nispa. Quenitakunataj amalecitakunaj llajtankumanta riporqanku.

1 Samuel 21:2

2 (3) Davidtaj kuticherqa: Kuraj kamachejqa uj ruwanayojta kachamuwarqa, niwarqataj imapajchus kachamuwasqanta, jinallataj imatachus kamachiwasqantapis ni pi yachananta. Noqataj runaykunata maynejpichus suyanawankuta niniña.

1 Samuel 23:27

Jinallapi uj runa Saulman willaj jamorqa: Kuraj kamachejníy, kunanpacha jamunayki tiyan, imaraykuchus filisteokunaqa Israel suyuman yaykuykamushanku, nispa.

1 Samuel 27:11

Davidqa qharikunata, warmikunata, tukuyninta wañuchej, ama pipis Gatman rispa imatachus ruwasqanta willamunankupaj. Davidqa Filistea suyupi tiyakusqanmantapacha ajinallatapuni ruwaj.

1 Samuel 29:8

Chantá Davidqa kuraj kamachej Aquisman kuticherqa: Noqa imatataj ruwasqaniri? Wiraqochi kamachejníy, imatataj qanwan kasqaymantapacha ruwasqani awqaykichejkunaj contrankuta ama maqanakuman rinaypaj jinari? nispa.

1 Samuel 30:29

Racalpi kajkunamanpis. Yeramelpi kajkunaman, chantá quenitakunaman ima apachillarqataj,