1 Samuel 26:8 - DIOSPA QHELQACHISQ

⁸ Chantá Abisayqa Davidman chhichispa nerqa: Tata Diosqa awqaykita wañuchinaykipaj jaywaykusunki. Kunan kay kikin lanzallanwantaj Saulta t'ojsirpaspa pampatawan tinkurpachisaj. Ujllata mana ñak'arichispa wañurpachisaj, nispa.

Qheshwa Biblia DC

⁸ Chanta Abisaeqa Davidman nerqa: Dios makisniykiman enemigosniykita churan. Saqeway kunan, kay kikin lanzallanwantaj pampaman tinkuchispa wañuchinayta. Payqa uj takayllapaj kashan.

DIOSPA QHELQACHISQAN DEUTEROCANONICAL

⁸ Chantá Abisayqa Davidman chhichispa nerqa: Tata Diosqa awqaykita wañuchinaykipaj jaywaykusunki. Kunan kay kikin lanzallanwantaj Saulta t'ojsirpaspa pampatawan tinkurpachisaj. Ujllata mana ñak'arichispa wañurpachisaj, nispa.

1 Samuel 26:8 ပူးပေါင်းရင်းမြစ်များ

2 Samuel 16:9

Chaypacha Seruyáj churin Abisayqa kuraj kamachejta nerqa: Imaraykutaj kay alqo wañusqa runa qanpa contraykipi qhayqeyakushanri? Kunanpacha umanta qholurpamusaj, nispa.

Salmos 31:8

8 (9) Mana awqaypa makinman jaywaykuwarqankichu, manachayqa chakiyta sinch'ita sayacherqanki.

Jeremías 40:15

Chaypacha Careaj churin Johanán Mispapi Gedaliasman pakayllapi nerqa: Noqa rispa, Netaniaspa churin Ismaelta wañurparichimusaj, manataj pipis yachanqachu pichus wañuchisqanta. Imaraykutaj saqeykuman pay qanta wañuchinasuntari? Wañuchisunkumanchus chayqa, Judá suyumanta qanman jamusojkuna ch'eqerachisqa kankuman, Judamanta puchoj runakunapis chinkankuman, nispa.

Nahúm 1:9

Qankunarí imatataj Tata Diospa contranpi yuyaychakushankichejri? Payqa tukuyniykichejta chinkachisonqachej, manataj pipis iskay kutita Dioswan churanakunmanchu.

Romanos 11:32

Chayqa ajina, imaraykuchus Dios tukuyninchejta mana kasukojkunapaj qhawawarqanchej, qhepanejman tukuy runata uj rejllata khuyananpaj.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Josué 21:44

Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

Jueces 1:4

Ajinamanta Judá jatun ayllumanta kajkunaqa maqanakoj yaykorqanku cananeokunaj jallp'ankuman, jinataj ferezeokunajmanpis. Tata Diostaj Judá jatun aylluta yanaparqa maqanakupi atipanankupaj. Paykuna Bezec cheqapeqa cananeokunata chantá ferezeokunatawan 10.000 runakunata atiparqanku. Chaypi kuraj kamachej Adonibesectapis atipallarqankutaj.

1 Samuel 23:14

Chaymantapacha Davidqa Zif nisqa ch'innejpi, pakakunapaj jina orqorara cheqanejpi tiyakorqa. Saultaj sapa p'unchay payta mask'allarqapuni. Chaywanpis Diosqa tarinanta mana munarqachu.

1 Samuel 24:4

4 (5) Chantá Davidpa runankuna payta nerqanku: Kunan junt'akun: Awqaykita jaywaykusqayki, nispa Tata Dios nisusqanqa. Kunanqa Saulwan ruway imatachus munasqaykita, nispa. Davidtaj sayariytawan, misi chakillamanta qayllaykuspa, Saulpa ponchon jina qhatananmanta uj chhikanta k'uturparerqa.

1 Samuel 24:5

5 (6) Chaywanpis Davidta sonqon juchacharqa Saulpa p'achanta k'utusqanmanta.

1 Samuel 26:23

Tata Diostaj sapa ujman cheqan ruwasqanman jina, ch'uwa sonqoyoj kasqanman jina kutichipuchun. Tata Diosqa qan kuraj kamachejniyta makiyman jaywaykuwarqa chaypis, mana wañuchisuyta munarqanichu, imajtinchus qanqa Tata Diospa ajllakusqan kanki.

1 Samuel 26:7

Chay ch'isipacha Davidwan, Abisaywan khuska jaraman rerqanku. Saulrí chay jara chawpipi puñusharqa. Uman chaynejpi lanzan pampaman sat'isqa kasharqa, Abnerwan, soldadonkunawan imataj Saulpa muyuyninpi puñushallarqankutaj.

1 Samuel 26:9

Davidtajrí Abisayman kuticherqa: Ama wañuchiychu. Tata Dios juchachanqapuni pichus paypa ajllakusqan kuraj kamachejta wañuchejtaqa.