1 Samuel 26:6 - DIOSPA QHELQACHISQ

⁶ Chantá Davidqa, jitita Ajimelecwan, Abisaywan ima parlarqa. Abisayqa Seruyáj churin karqa, Joabpa wawqentaj. Davidtaj nerqa: Pitaj noqawan Saulpa toldonman rinmanri? nispa. Abisaytaj kuticherqa: Noqa riysisqayki, nispa.

Qheshwa Biblia DC

⁶ Chaypacha Davidqa parlarqa hitita Ahimelecwan Abisaiwan ima. Abisaeqa Sarviaj wawan karqa, Joabpa wauqentaj. Tapurerqataj: Pitaj noqawan jaraman rinman Saulwan tinkumunakama?, nispa. Abisaeqa kuticherqa: Noqa qanwan uraykusaj, nispa.

DIOSPA QHELQACHISQAN DEUTEROCANONICAL

⁶ Chantá Davidqa, jitita Ajimelecwan, Abisaywan ima parlarqa. Abisayqa Seruyáj churin karqa, Joabpa wawqentaj. Davidtaj nerqa: Pitaj noqawan Saulpa toldonman rinmanri? nispa. Abisaytaj kuticherqa: Noqa riysisqayki, nispa.

1 Samuel 26:6 ပူးပေါင်းရင်းမြစ်များ

Génesis 10:15

Canaanpa kuraj kaj churin Sidón karqa, qhepan kajtaj Jet karqa.

Génesis 15:20

jeteokuna, ferezeokuna, refaitakuna,

Génesis 23:3

Chantá warminpa ayanpa ladonmanta jatarispa, Abrahamqa Jetpa churinkunata parlapayaj rerqa, nerqataj:

Génesis 26:34

Esaú tawa chunka watayojña kashaspa, jeteo Berijpa ususin Juditwan casararqa. Chantá jeteo Elonpa ususin Basematwanpis casarallarqataj.

2 Samuel 11:21

Pitaj Yerubaalpa churin Abimelecta wañucherqa? Manachu uj warmilla perqa patamanta uj kutana rumita choqamuspa, Tebespi payta wañurparicherqa? Imaraykutaj ari perqaman anchatapuni qayllaykorqankichejri? nispa. Chayta tapusunki chayqa, qan kay jinata kutichinki: Jitita Urías kamachiykipis wañullantaj, nispa.

2 Samuel 11:24

Chaypachataj perqa patamanta soldadokuna arcowan flechamuspa, wakinta wañucherqanku. Urías jititatapis wañuchillarqankutaj.

2 Samuel 11:6

Chayta uyarispa, Davidqa kamacherqa Joabman, jitita Uriasta kachamunanta paywan parlarinanpaj. Joabtaj Uriasta payman kachamorqa.

2 Samuel 12:9

Imajtintaj nisqayta pisipaj qhawarqanki, mana munasqayta ruwaspari? Qan wañucherqanki jitita Uriasta. Amonitakunawan payta wañuchichispa, warminwan warmichakorqanki.

2 Samuel 18:5

Chay jawaqa kuraj kamachejqa Joabta, Abisayta, Itayta ima kamacherqa: Noqata munakuwasqaykichejrayku, chay wayna Absalonta khuyayllawan qhawaychej, nispa. Tukuy soldadokunataj uyarerqanku kuraj kamachej imatachus kurajkunaman Absalonmanta kamachisqanta.

2 Samuel 2:13

Chaypachallataj Seruyáj churin Joabpis, Davidpa soldadonkunapiwan Hebronmanta llojsillarqankutaj. Chantá Gabaón yaku qocha chaynejpi tinkorqanku, chaypitaj chimpan chimpanpi tiyasharqanku, Israelmanta soldadokunaqa ujnin chimpanpi, Judamanta soldadokunataj chay ujnin chimpanpi.

2 Samuel 2:18

Chay maqanakupi kasharqanku Seruyáj kinsantin churinkunapis: Joab, Abisay, Asael ima. Asaelqa taruka jina may sinch'itapuni phawaj.

2 Samuel 23:18

Seruyáj churin Joabpa wawqen Abisayqa chay kinsa chunka wapu soldadokunaj kamachejninku karqa. Uj kuti maqanakoj sayaykuspa, lanzanwan 300 runakunata wañuracherqa.

2 Samuel 23:34

Macamanta Ajasbaypa churin Elifelet, Gilomanta Ajitofelpa churin Elián,

2 Samuel 23:39

jitita Uriaspiwan. Tukuyninkupi kinsa chunka qanchisniyoj karqanku.

1 Reyes 10:29

Egiptomanta apamusqa carretaqa 600 qolqe valej, caballokunataj sapa uj 150 qolqe valej. Salomonpa ranqheronkunamanta tukuy jeteokunaj kuraj kamachejninku, Siriamanta kajkunapis chay imakunata rantikoj kanku.

2 Reyes 7:6

Ajina karqa, imaraykuchus siriokunaj jarankupi Tata Diosqa ashkha soldadoj purisqankuta, ashkha caballo, ashkha carreta ima purishasqankuta jina uyarichisqa. Chayta uyarispataj, siriokunaqa ujkuna ujkuna ninakorqanku: Israelitakunaqa jititakunata, Egiptomanta kamachejkunatawan mink'akuspa kachaykamushawanchej contranchejpi maqanakunankupaj, nispa.

Josué 3:10

Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

1 Samuel 26:7

Chay ch'isipacha Davidwan, Abisaywan khuska jaraman rerqanku. Saulrí chay jara chawpipi puñusharqa. Uman chaynejpi lanzan pampaman sat'isqa kasharqa, Abnerwan, soldadonkunawan imataj Saulpa muyuyninpi puñushallarqankutaj.