1 Samuel 26:24 - DIOSPA QHELQACHISQ

²⁴ Imaynatachus kunan noqa kawsayniykita maypaj qhawarqani, ajinallatataj Tata Diosqa noqata maypaj qhawawachun, waqaychawachuntaj tukuy llakiymanta, nispa.

Qheshwa Biblia DC

²⁴ Imaynatachus kunan noqa kausayniykita mana qhechorqaykichu, ajinallatataj munayman Señorqa waqaychanawanta, jinallataj tukuy llakiymantapis.

DIOSPA QHELQACHISQAN DEUTEROCANONICAL

²⁴ Imaynatachus kunan noqa kawsayniykita maypaj qhawarqani, ajinallatataj Tata Diosqa noqata maypaj qhawawachun, waqaychawachuntaj tukuy llakiymanta, nispa.

1 Samuel 26:24 ပူးပေါင်းရင်းမြစ်များ

Génesis 48:16

Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

2 Samuel 4:9

Davidtajrí Recabta wawqen Banata, chay Berotmanta Rimonpa churinkunata nerqa: Tata Dios, pichus tukuy ñak'ariymanta librawarqa, paypa sutinrayku tiluspa, niykichej:

Salmos 144:2

Paymin manchayta munakuwaj Diosneyqa, jark'awajniytaj, ancha sumaj pakakunay, librawajniy ima. Payqa jark'akuna escudoy jina, pakakunaytaj. Paymin tukuy runata makiyman churawan.

Salmos 18:1

(2b) Qanmin Tata Dios, kallpachawajniy kanki, noqataj maytapuni munakuyki.

Salmos 18:25

25 (26) Tata Dios, nisqaykita junt'ajpajqa qan nisqaykita junt'allankitaj, cheqan runapajtaj cheqallantaj kanki.

Salmos 18:48

48 (49) Awqaykunaj phiñakuyninkumantapis paymin qhespichiwan, jinataj contraypi oqharikojkunamanta aswan pataman churawan. Qanmin Tata Dios, maqanaku mask'aj runakunamanta qhespichiwanki.

Salmos 34:20

20 (21) Tata Dios paykunata waqaychanqa, manataj ni uj tullullankupis p'akisqachu kanqa.

Salmos 54:7

7 (9) Yupaychasqayki, imaraykuchus qanmin tukuy llakiyniymanta librawarqanki, noqataj kikin ñawiywan awqaykunata atipasqata rikuni.

San Mateo 5:7

Kusikuyniyojmin kanku khuyakojkunapis, imaraykuchus Dios paykunamanta khuyakullanqataj.

San Mateo 7:2

Imaynatachus wajkunata juchachankichej, ajinallatataj Diospis qankunata juchachasonqachej. Imayna sonqowanchus wajkunata qhawankichej, chay jinallatataj Dios qankunata qhawasonqachej.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

2 Tesalonicenses 3:2

Diosmanta mañapullawaykutaj, chay may sajra runakunamanta waqaychasqa kanaykupaj, imaraykuchus mana tukuychu Jesuspa willachisqanta jap'ikunku.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.

1 Samuel 18:30

Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

1 Samuel 24:16

16 (17) David parlayta tukojtin, Saulqa qhaparispa, nerqa: Qanqa waway Davidsina kankeqa, nispa. Chantá Saúl mayta waqarikorqa.