1 Samuel 26:23 - DIOSPA QHELQACHISQ

²³ Tata Diostaj sapa ujman cheqan ruwasqanman jina, ch'uwa sonqoyoj kasqanman jina kutichipuchun. Tata Diosqa qan kuraj kamachejniyta makiyman jaywaykuwarqa chaypis, mana wañuchisuyta munarqanichu, imajtinchus qanqa Tata Diospa ajllakusqan kanki.

Qheshwa Biblia DC

²³ Señortaj qopuchun sapa ujman maychus cheqa kayninman, jinataj sonqoyoj kasqanman jina. Señorqa makisniyman qan reyniytaqa churawarqapis, manataj munarqanichu Señorpa ajllasqan reyta ima sajratapis ruwaytaqa.

DIOSPA QHELQACHISQAN DEUTEROCANONICAL

²³ Tata Diostaj sapa ujman cheqan ruwasqanman jina, ch'uwa sonqoyoj kasqanman jina kutichipuchun. Tata Diosqa qan kuraj kamachejniyta makiyman jaywaykuwarqa chaypis, mana wañuchisuyta munarqanichu, imajtinchus qanqa Tata Diospa ajllakusqan kanki.

1 Samuel 26:23 ပူးပေါင်းရင်းမြစ်များ

2 Samuel 22:21

Tata Diosqa t'inkata qowan, llimphu purisqayman jina.

2 Samuel 22:25

Chayrayku Tata Diosqa t'inkata qowan, paypa ñawpaqenpi llimphu sonqoyoj kasqayman jina.

1 Reyes 8:32

qanqa janaj pachamantapacha uyarimuspa, kamachiykipaj justiciata ruwanki. Juchayojtaqa juchanman jina jasut'inki, juchanpis payllamantaj urmanqa. Mana juchayojmantajrí allin ruwasqanman jina qopunki.

Nehemías 13:14

Chantá Diosman parlaspa nerqani: Diosníy, yuyarikuway ari kayta ruwasqaymanta, amataj qonqapuychu Temploykipaj jinataj yupaychanapajpis imatachus ruwasqaymanta.

Job 34:11

Payqa sapa runaman ruwasqanman jina pagapun, sapa ujmantaj purisqanman jina qopun.

Salmos 62:12

12 (13) Tukuyta Kamachej Diosníy, munakuyniykeqa mana tukukuyniyoj. Jinallataj qanmin sapa ujman ruwasqankuman jina qopunki.

1 Samuel 24:11

11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.

1 Samuel 24:18

18 (19) Kunan yachayta qowanki noqaj allinniyta mask'asqaykita. Tata Dios makiykiman churashawajtinpis, qan mana wañuchiwarqankichu.

1 Samuel 24:19

19 (20) Cheqamanta ni pipis kanchu awqanta taripaspaña mana wañuchejqa. Chayrayku Tata Diosqa allin kajwan kutichipusuchun, noqawan kunan imatachus ruwasqaykimanta.

1 Samuel 26:11

Tata Dios jark'awachun paypa ajllasqan kuraj kamachejta wañuchinaymanta. Jinapis uman chaypi kashan, chay lanzata, yaku uypulantawan oqhariy, chantá ripunachej, nispa.

1 Samuel 26:22

Chantá David kuticherqa: Kuraj kamachejníy, kayqa lanzayki, ujnin kaj kamachiyki apakapoj jamuchun.

1 Samuel 26:9

Davidtajrí Abisayman kuticherqa: Ama wañuchiychu. Tata Dios juchachanqapuni pichus paypa ajllakusqan kuraj kamachejta wañuchejtaqa.