1 Samuel 26:19 - DIOSPA QHELQACHISQ

¹⁹ Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.

Qheshwa Biblia DC

¹⁹ Noqa mañayki qan reyniyta noqa kamachiykita uyarinawaykita. Señorchus noqaj contraypi kanaykita nisorqa chayqa, jap'ichun rikuchikuta jaywasqayta. Runasllamantachus kanman chayri, Señor paykunata maldicichun. Paykunaqa Señorpa llajtanmanta wijch'uwanku, chaywantaj waj dioskunata yupaychanayta munaspa jinanku.

DIOSPA QHELQACHISQAN DEUTEROCANONICAL

¹⁹ Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.

1 Samuel 26:19 ပူးပေါင်းရင်းမြစ်များ

Génesis 44:18

Jinapi Judá Joseman qayllaykuspa, nillarqataj: Wiraqochíy, ama jina kaspa, mana pejpa uyarinanta nisusqayta uyaririway. Ama ari noqapaj phiñakuychu. Qanqa kikin faraonpis kawaj jina kanki.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

2 Samuel 14:16

Kuraj kamachejníy, uyariwanki chayqa, Diospa jallp'anmanta wawaytawan, noqatawan chinkachiyta munajmanta waqaychawasqayku.

2 Samuel 16:10

Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

2 Samuel 16:11

Chantá Davidqa Abisayman, jinataj yanapajninkunatapis nerqa: Wawallaytaj wañuchiyta munashawan, Benjamín jatun ayllumanta kajqa astawanraj munanman. Saqeychej jinata contraypi parlajta. Tata Dioschá jinata kamachin.

2 Samuel 20:19

Noqaykoqa kay llajtapi allin sonqoyoj runakuna kayku. Jinapis qanqa Israelpa maman jina kaj llajtata thuñiykuyta munashanki. Imaraykutaj chinkachiyta munanki Tata Diospa chayaqen llajtatari? nispa.

2 Samuel 21:3

Davidtaj paykunata tapurerqa: Imanasajtaj qankunawanri? Imatataj ruwasaj allinyananchejpaj, jinamanta Tata Diosqa ayllunta saminchananpajri? nispa.

2 Samuel 24:1

Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

1 Reyes 22:22

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, nisqaykiman jina Ajabta q'otiyamuy. Chayta ruwaspa, pusayta atinki, nispa.

1 Crónicas 21:1

Ch'ataykoj angelqa israelitakunaj contrankupi oqharikuspa, Davidta enqhaykorqa, israelitakunata yupachinanpaj.

Salmos 120:5

Ay noqamanta, noqaqa waj llajtayoj jina Mesecpi tiyakuni. Noqaqa Cedar jap'iypi toldopi tiyakuni.

Salmos 20:4

4 (5) Sonqoykej tukuy munasqanta junt'achun, tukuy yuyasqaykitapis ruwachun.

Proverbios 30:10

Ama wata runaj contranta parlaychu patronnin uyarishajtin. Pajtá wata runa maldicisunkiman, chaymantataj mana allinpi rikhuriwaj.

Isaías 60:5

Chaypacha qanqa paykunata rikuspa, mayta kusikunki, sonqoykitaj kusiywan t'ikarenqa. Mama qocha kantupi tiyakojkuna valorniyoj imankuta apamusonqanku, tukuy suyoj qhapaj kayninkutataj qanman jaywasonqanku.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Números 36:7

Jinamanta israelitakuna jap'isqanku jallp'aqa mana uj jatun ayllumanta uj jatun aylluman pasanqachu. Sapa israelita jatun ayllunpi jallp'anta jap'inallanpuni tiyan.

Números 36:9

Ni mayqen jallp'a waj jatun aylloj makinman chayananchu tiyan. Israelmanta sapa jatun ayllu jap'isqan jallp'ata mana waj jatun aylluman kacharinanchu tiyan, nispa.

Romanos 14:15

Sichus mikhusqaykirayku wawqeykej sonqon nanachisqa kanman chayqa, payta mana munakusqaykimanta yachayta qoshanki. Ama munaychu ari imata mikhusqaykirayku wawqeyki Diosta qhatikuyta saqerpapunanta, imaraykuchus payraykupis Cristo wañullarqataj.

Gálatas 5:12

Walej kanman, pikunachus circuncidakunaykichej tiyan nispa pantachishasunkichej, chaykuna ujkama khuchuspa orqhokunanku.

Deuteronomio 13:3

3 (4) amapuni payta uyarinkichejchu. Chaynejta Tata Diosniykichej yachariyta munan cheqatapunichus tukuy sonqoykichejwan, tukuy almaykichejwan ima payta munakusqaykichejta.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

1 Samuel 18:10

Q'ayantin Diospa kachamusqan millay espiritoqa Saulman yaykorqa, paytaj kamachinan wasi ukhupi pawisqa jina purerqa. David ñawpaj kutipi jina arpata tocasharqa, Saultaj uj lanzata makinpi jap'isharqa.

1 Samuel 24:9

9 (10) Chantá nerqa: Wiraqochíy, imaraykutaj kasuta ruwanki: Davidqa qanta mana allinta ruwasuyta munaspa mask'ashasunki, nispa nisqankutari?

1 Samuel 25:24

Chantá Davidpa chakinnejman qonqoriykukuspa, nerqa: Qosaypa juchallisqanqa noqaj pataypi kachun, wiraqochíy. Ama jina kaspa, imatachus noqa kamachiyki parlasqasuyta uyaririway ari.

1 Samuel 27:1

Chaywanpis David sonqonpi nerqa: Saulqa mayk'ajllapis wañuchiwanman. Chayrayku, amaña tukuy Israel jap'iypi mask'anawanpaj, aswan allin kanman Filistea suyuman ayqekunay. Ajinata Saulmanta ayqekusaj, nispa.