1 Samuel 26:10 - DIOSPA QHELQACHISQ

¹⁰ Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.

Qheshwa Biblia DC

¹⁰ Jurani Señornejta, Paylla Saulpa kausaynintaqa qhechonqa, wañuyman chayajtimpis, chayri maqanakuman yaykushajtimpis.

DIOSPA QHELQACHISQAN DEUTEROCANONICAL

¹⁰ Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.

1 Samuel 26:10 ပူးပေါင်းရင်းမြစ်များ

Génesis 47:29

Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Job 14:14

Sichus uj runa wañun chayqa, ujtawan kawsarenqachu? Noqaqa ruwanay tukukunankama suyayman, kay tukuy llakiyniymanta kacharichisqa kanaykama.

Job 14:5

Runa mashkha unaytachus kawsananqa yupasqalla kashan, mashkha killatachus kawsanantaqa ñapis ninkiña. Mayk'ajkamachus kawsananta nisqaykita mana pasayta atinchu.

Job 7:1

Kay pachapi runaj kawsaynenqa uj soldado imachus ruwananta junt'ajpata jinalla.

Salmos 37:10

Tumpamantawanqa manaña millayta ruwajkuna kanqankuchu. May jinata mask'aspapis, mana paykunata tarinkichu.

Salmos 37:13

Tukuyta Kamachej Diostajrí millayta ruwajkunamanta asiykukun, imaraykuchus pay yachan millayta ruwaj chinkachisqa kanan p'unchay chayamunanta.

Salmos 94:23

Diosqa millayta ruwajkunata mana allin ruwasqallankuwantaj chinkachenqa. Arí, Tata Diosninchej paykunata chinkarparichenqa.

Eclesiastés 3:2

Uj tiempoqa paqarinapaj tiyan, uj tiempotaj wañunapaj. Uj tiempoqa mallkinapaj tiyan, uj tiempotaj poqosqanta oqharinapaj.

San Lucas 18:7

Diospa ajllakusqankuna tuta p'unchay paymanta justiciata mañakushajtinku, manachu paykunapaj justiciata ruwanqa? Payqa unaytarajchu suyachikonqa? Mana, icharí?

Romanos 12:19

Munasqa wawqe panakuna, ama qankuna kikiykichej vengakuychejchu, manachayqa saqeychej Dios millayta ruwajkunata jasut'inanta. Diospa Qhelqachisqanpi nin: Tukuyta Kamachej Dios nin: Vengakunaqa noqajta. Ruwasqankuman jina jasut'ispa, noqa pagachikusaj, nispa.

Deuteronomio 31:14

Chantá Tata Diosqa Moisesta nillarqataj: Wañupunayki qayllallapiña kashan. Ajinaqa Josueta wajyay, chantá iskayniykichej Dioswan Tinkukuna Toldoj pationpi suyawaychej. Noqataj payman imatachus ruwananta kamachisaj, nispa. Chantá Moiseswan, Josuewan ima Dioswan Tinkukuna Toldoman rerqanku.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Hebreos 10:30

Noqanchej Tukuyta Kamachej Diospa nisqanta yachanchej: Vengakunaqa noqajtamin, jinataj ruwasqankuman jina noqa pagachikusaj, nispa nisqanta. Nillarqataj: Tukuyta Kamachej Diosqa ayllunta juzganqa, nispa.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.

1 Samuel 24:15

15 (16) Chayrayku Tata Dios iskayninchejmanta yachachun. Nichuntaj pichus juchayoj kasqanchejta. Payllataj qanmanta jark'akuwachun, nispa.

1 Samuel 25:26

Chaywanpis Tata Dios mana munarqachu qan makiykiwan justiciata ruwayta munaspa wañuchej jamunaykita. Tata Dios munachun tukuy qanpa awqaykikuna, mana allinta ruwayta munasojkunapis, Nabal jina ñak'arichisqa kanankuta.

1 Samuel 25:38

Chunka p'unchayninmantaj Tata Diosqa Nabalta wañucherqa.

1 Samuel 25:39

Davidqa Nabal wañusqanta yachaspa, nerqa: Tata Dios yupaychasqa kachun, imaraykuchus payqa Nabalta sonqoyta nanaykuchiwasqanmanta jasut'in. Diosqa sajrata ruwanaymanta jark'awarqa. Nabal mana allinta ruwawasqantaqa payllamantaj kuticherqa, nispa. Chantá Davidqa yanapajninkunamanta wakinta Abigailman kacharqa, paywan casarakuyta munasqanta willachispa.

1 Samuel 31:4

Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.

1 Samuel 31:6

Ajinata chay p'unchay Saúl, jinataj kinsantin churinkuna, armanta apaykachapojnin, chantá tukuy soldadonkuna ima wañorqanku.