1 Samuel 25:36 - DIOSPA QHELQACHISQ

³⁶ Chantá Abigaíl kutiporqa, maypichus Nabal kasharqa, chayman. Rikorqataj wasinpi sumaj raymita kuraj kamachejpaj jinapuni ruwashasqanta. Nabalqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.

Qheshwa Biblia DC

³⁶ Abigailqa kuterqa maypichus Nabal kasharqa chayman. Rikorqataj uj jatun qarakuta reypaj jinapuni wasimpi ruwashasqanta. Payqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.

DIOSPA QHELQACHISQAN DEUTEROCANONICAL

³⁶ Chantá Abigaíl kutiporqa, maypichus Nabal kasharqa, chayman. Rikorqataj wasinpi sumaj raymita kuraj kamachejpaj jinapuni ruwashasqanta. Nabalqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.

1 Samuel 25:36 ပူးပေါင်းရင်းမြစ်များ

2 Samuel 13:23

Iskay wata qhepaman Absalonqa Efraín llajta qayllapi, Baal Jasor orqopi, ovejankunata ruthuchisharqa. Chaymantaj kuraj kamachejpa tukuy churinkunata mikhunankupaj wajyarerqa.

2 Samuel 13:28

Absalonqa kamachinkunata yachaykuchisqa: Sumajtamin Amnonta qhawankichej. Machaykojtinkama, noqa nisqaykichej wañuchinaykichejta, qankunataj payta wañuchinkichej. Ama manchachikuychejchu nisqayman jina ruwaytaqa. Kallpachakuychej, wapuchakuychejtaj, nispa.

2 Samuel 3:20

Abnerqa iskay chunka runakunawan Hebronman chayarqa, David kasharqa, chayman. Davidtaj paypaj, chay runankunapaj ima sumaj mikhuyta wayk'ucherqa.

1 Reyes 20:16

Paykunaqa chawpi p'unchayta llojserqanku. Chaykamataj Ben Adadqa jinataj chay kinsa chunka iskayniyoj kuraj kamachejkuna payta yanapaj jamusqanku, chaykunawan machakusharqa.

Salmos 112:5

Allin sonqoyoj runaqa khuyakuyniyoj kasqanrayku, wajman mañarin. Tukuy imantapis cheqanta ruwaspa purichin.

Proverbios 20:1

Vinoqa runata machu machuman tukuchin, machachikoj ujyanakunataj astawan runata qhayqerachin. Chaywan machajqa mana yuyayniyoj jina imatapis ruwarparillan.

Eclesiastés 10:19

Mikhuykunaqa kusikunapaj, vinotaj sonqota kusichinapaj. Qolqetajrí tukuy imata ruwanapaj allinmin.

Isaías 28:3

Chay runaykachaj Samaria llajta, Israel suyupi machajkunaj uma oqharinan llajta, awqannejta sarurparisqa kanqa.

Isaías 5:11

Imallachus kanqa qankunapaj tutamanta jatariytawan machakojkuna, ch'isiyanankama machasqa, vino ujyaspalla kajkunamanta.

Jeremías 51:57

Tukuy Atiyniyoj Tata Dios sutiyoj Tukuyta Kamachej nin: Babiloniamanta kurajkunata machaykuchisaj. Jinallataj yachayniyoj runakunata, kamachina wasipi kamachejkunata, kuraj kamachejta yanapajkunata, chantá soldadonkunata ima machaykuchillasajtaj. Paykunaqa wiñaypaj puñukaponqanku mana rijch'arimuyniyojta.

Oseas 4:11

Sajra purikoj warmiwan purina, vinowan machana imaqa yuyayta chinkachin.

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

San Lucas 14:12

Mikhunaman wajyarikoj runatapis Jesús nillarqataj: Jayk'ajllapis almuerzota, chayrí cenata wayk'uchispaqa, ama kawsaqeykikunata, nitaj wawqeykikunata, nitaj aylluykikunata, nitaj qhapaj llajta masiykikunatapis wajyarikunkichu. Paykuna qanta kikillantataj mikhunaman wajyarisunkuman, chayllawantaj t'inkachisqa kawaj.

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

Romanos 13:13

Chantá maychus kajta ruwaspa, p'unchaypi purina jinata purinachej, amataj imaymana millay machaykunapi, imaymana millay khuchiriyopi, churanakuypi, nitaj envidianakuypipis.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Efesios 5:18

Ama machakuychejchu, imaraykuchus machanaqa mana ruwanata ruwanaman apasunkichejman. Aswanpis Santo Espíritoj kamachiyninpi sapa p'unchay puriychej.

1 Samuel 25:19

Chantá kamachinkunata nerqa: Qankunaqa ñawpaykushaychej, noqataj aswan qhepata jamullasaj, nispa. Imatachus ruwashasqantarí qosan Nabalman mana willarqachu.

1 Samuel 25:37

Q'ayantin paqarintaj Nabal machasqa kasqanmanta yuyayninman kutirejtinña, Abigailqa qosanman tukuy imachus kasqanta sut'inta willarqa. Nabaltaj uyarispa, wayraj jap'isqan jina mana kuyurej rikhurerqa.