1 Samuel 25:28 - DIOSPA QHELQACHISQ

²⁸ Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

Qheshwa Biblia DC

²⁸ Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

DIOSPA QHELQACHISQAN DEUTEROCANONICAL

²⁸ Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

1 Samuel 25:28 ပူးပေါင်းရင်းမြစ်များ

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

2 Samuel 7:11

imaynatachus paykunata ruwarqanku juez nisqa kamachejkunata churashajtiy, ajinata. Manallataj saqesajchu awqaykikuna imatapis ruwasojta. Chantapis noqa ruwasaj wawaykikunamanta Israel suyuta kamachej kanallantapuni.

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

2 Samuel 7:27

Qan, Israelpa Tukuy Atiyniyoj Tata Diosnin, niwarqanki mirayniymanta churiykunaqa kamachinallankutapuni, chayrayku kayta mañarikuyki.

1 Reyes 15:3

Payqa tatanpa ruwasqan kikin juchallatataj ruwarqa, paypa sonqontaj Tata Dioswan mana cheqanchu karqa, imaynachus ñawpa tatan Davidpata karqa, jina.

1 Reyes 15:5

Chayta ruwarqa imaraykuchus Davidqa Tata Diospa ñawpaqenpi cheqanta ruwasqa. Wañupunankama Tata Diospa nisqanmanta mana karunchakusqachu, manachayqa jitita Uriasta wañuchichispa, juchallikusqallan karqa.

1 Reyes 9:5

Ajinatachus ruwanki chayqa, Israel suyuta kuraj kamachejqa mirayniykimanta wiñaypaj kallanqapuni. Imaynatachus tatayki Davidman nerqani: Mirayniykimanta Israel suyuta kuraj kamachejqa kallanqapuni nispa, chayman jina kanqa.

1 Crónicas 17:10

Israel aylluypi juezkunata churashajtiy imaynatachus llakicherqanku jinataqa. Noqa tukuy awqaykikunata k'umuykuchisaj. Willachiykitaj qanpa churiykikunamanta kamachejkunata jatarichinayta.

1 Crónicas 17:25

Qan, Diosníy, sut'inchawanki noqaj mirayniyta sayachinaykita. Chayrayku noqa, kamachiyki kashaspapis, mañarikusqayki.

2 Crónicas 20:15

Chantá Jahazielqa nerqa: Allinta uyariychej Judapi, Jerusalenpi tiyakojkuna, qanpis kuraj kamachej Josafat. Tata Dios nisunkichej: Chay chhika soldadokunata rikuspa, ama manchachikuychejchu, nitaj kharkatitiychejchu, imaraykuchus kay maqanakoqa mana qankunajtachu, manachayqa Diospatamin.

Salmos 7:3

3 (4) Tata Dios, Diosníy, imata ruwaspataj juchallerqani? Ima millay kajtataj ruwarqani?

Salmos 89:29

29 (30) Paypa mirayninmanta kuraj kamachejqa kallanqapuni, janaj kanankamataj kamachillanqapuni.

Números 23:21

Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Lucas 23:41

Noqanchejqa juchanchejrayku kaypi kashanchej, imaraykuchus millay ruwasqanchejmanta ñak'arishanchej. Payrí mana ima sajratapis ruwarqachu, nispa.

San Lucas 23:47

Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.

1 Samuel 15:28

Chantá Samuel Saulta nerqa: Ajinallatataj Tata Diospis qanmanta Israel suyupi kuraj kamachej kanaykita qhechusonqa, qanmanta aswan allin llajta masiykiman qopunanpaj.

1 Samuel 17:47

Kaypi tukuy tantasqa runakunapis yachallanqankutaj Tata Diosqa mana espadawanchu, nitaj lanzawanchu atipachisqanta. Kay maqanakoyqa Tata Diospatamin, paytaj qankunata atipaykuyta yanapawasqayku, nispa.

1 Samuel 18:17

Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.

1 Samuel 2:35

Chaywanpis noqaqa uj sacerdoteta ajllakusaj, paytaj sonqoypa munasqayman jina tukuy imata ruwanqa. Paypa mirayninta mana chinkananta saqesajchu, jinataj ajllakusqay kuraj kamachejta sirvenqa.

1 Samuel 22:14

Ajimelectajrí kuraj kamachejman kuticherqa: Mayqentaj tukuy yanapajniykikunamanta David jina mana wasanchaj runari? Payqa tolqayki kanpis, chay jawarí soldadokunaj kuraj kamachejninku, kamachinayki wasipitaj manchay respetowan qhawasqari?

1 Samuel 24:11

11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

1 Samuel 24:17

17 (18) Saúl nillarqataj: Qanqa aswan cheqan runa kanki noqamanta nisqaqa. Sajra kajta ruwashasojtiypis, allin kajwan kutichishawanki.

1 Samuel 24:21

21 (22) Tiluway ari Tata Diospa sutinrayku, qan mana wawaykunata, nitaj allchhiykunatapis wañuchinaykita, nitaj sutiytapis aylluy ukhumanta chinkachinaykita, nispa.

1 Samuel 24:4

4 (5) Chantá Davidpa runankuna payta nerqanku: Kunan junt'akun: Awqaykita jaywaykusqayki, nispa Tata Dios nisusqanqa. Kunanqa Saulwan ruway imatachus munasqaykita, nispa. Davidtaj sayariytawan, misi chakillamanta qayllaykuspa, Saulpa ponchon jina qhatananmanta uj chhikanta k'uturparerqa.

1 Samuel 25:24

Chantá Davidpa chakinnejman qonqoriykukuspa, nerqa: Qosaypa juchallisqanqa noqaj pataypi kachun, wiraqochíy. Ama jina kaspa, imatachus noqa kamachiyki parlasqasuyta uyaririway ari.

1 Samuel 29:3

Jinallapi filisteokunamanta kurajkuna Aquista taporqanku: Kay israelitakuna imatataj kaypi ruwashankuri? nispa. Aquistaj kuticherqa: Kay runajtaqa David sutin. Payqa Israel suyoj kuraj kamachejnin Saulpa yanapajnin ñawpajta karqa. Kunantajrí wata kurajtaña noqawan kashan. Noqawan kasqanmantapacha paypi mana ni ima mana allinta tarinichu, nispa.

1 Samuel 30:26

Chantá David Siclag llajtaman chayaytawan, Judá jap'iypi kurajkunaman imatachus awqakunamanta qhechusqanmanta wakinta apacherqa: Kay t'inkata qankunaman apachimuykichej, Tata Diospa awqankunamanta qhechusqaykumanta uj chhikanta, nispa.