1 Samuel 25:1 - DIOSPA QHELQACHISQ

¹ Samuel wañuporqa, chayraykutaj tukuy israelitakuna wañupusqanmanta waqanankupaj tantakorqanku. Ayantataj Ramá llajtapi kikin wasillanpitaj p'amparqanku. Chaymantataj Davidqa Parán nisqa ch'innejman riporqa.

Qheshwa Biblia DC

¹ Samuelqa wañuporqa. Tukuy israelitastaj tantakorqanku wañusqanmanta waqanankupaj. Ramá llajtapi kikin wasillampitaj p'amparqanku. Chaymantataj Davidqa Parán nisqa ch'in pampaman riporqa.

DIOSPA QHELQACHISQAN DEUTEROCANONICAL

¹ Samuel wañuporqa, chayraykutaj tukuy israelitakuna wañupusqanmanta waqanankupaj tantakorqanku. Ayantataj Ramá llajtapi kikin wasillanpitaj p'amparqanku. Chaymantataj Davidqa Parán nisqa ch'innejman riporqa.

1 Samuel 25:1 ပူးပေါင်းရင်းမြစ်များ

Génesis 14:6

Seir nisqa orqokunapipis Hor suyumanta kajkunata atiparqanku, paykunatataj Parán pampakama qhatiykorqanku. Chaynejqa ch'innej qayllapi kashan.

Génesis 21:21

Paytaj Parán nisqa ch'innejpi tiyakorqa, aswan qhepanejmantaj maman payta Egipto llajtayoj warmiwan casaracherqa.

Génesis 23:2

Paytaj Quiriat Arbapi wañuporqa. Arbaqa Canaán jap'iypi, Hebrón llajta kashan. Abrahamqa warmin Sara wañupusqanrayku mayta llakikuspa, anchatataj waqarqa.

Génesis 50:11

Chaynejpi tiyakojkuna Atad erapi chay jinatapuni waqasqankuta rikuspa, nerqanku: Egipto llajtayojkuna wañojninkumanta manchayta waqaspa p'ampayta yachasqanku, nispa. Chayrayku chay cheqata “Abel Mizrayin”, nispa suticharqanku. Chayqa Jordán mayoj inti llojsimuyninnejpi kashan.

1 Reyes 2:34

Chantá Joyadáj churin Benaiasqa rispa, Joabta wañucherqa. Ch'innejpitaj wasin, chaypi ayanta p'amparqanku.

2 Reyes 21:18

Manasés wañupojtintaj, Uzá sutiyoj huertanpi, ayanta p'amparqanku. Paypa qhepantataj churin Amón kamacherqa.

2 Crónicas 33:20

Manasés wañupojtin, ayanta kamachina wasej huertanpi p'amparqanku. Chaymantataj churin Amón paypa cuentanmanta kamacherqa.

Salmos 120:5

Ay noqamanta, noqaqa waj llajtayoj jina Mesecpi tiyakuni. Noqaqa Cedar jap'iypi toldopi tiyakuni.

Isaías 14:18

Tukuy suyukunata kuraj kamachejkunaqa may jatunchasqa samarikunku, sapa ujtaj covachankupi.

Zacarías 1:5

Kunanrí, maypitaj chay ñawpa tataykichej kashankuri? Sut'inchajkunapis kawsashankurajchu? Mana, icharí?

Números 10:12

Chaypacha israelitakunaqa Sinaí ch'innejmanta purirerqanku. Phuyutaj Parán nisqa ch'innejpi sayarqa.

Números 12:16

María paykunaman kutiykamojtintaj, israelitakuna Jaserotmanta puririspa, Parán nisqa ch'innejpi jarakorqanku.

Números 13:26

Parán nisqa ch'innejpi Cadesman kutimporqanku. Chaypi Moisés, Aarón, chantá tukuy israelitakuna ima suyasharqanku. Chantá kachasqakunaqa imatachus rikusqankuta paykunaman willarqanku. Chay jallp'amanta apasqanku poqoytapis rikuchillarqankutaj.

Números 13:3

Chantá Moisesqa Tata Diospa kamachisqanman jina, Parán nisqa ch'inmanta qhawajkunata kacharqa. Tukuy kachasqakunaqa israelitakuna ukhupi kamachejkuna karqanku.

Números 20:29

Israelitakuna Aarón wañupusqanta yachaspataj, uj killata waqarqanku.

Hechos 8:2

Jinallataj wakin khuyakuyniyoj runakuna Estebanta p'amparqanku, chantá unayta pay wañusqanmanta waqarqanku.

Deuteronomio 34:8

Israelitakunaqa Moab suyupi ch'innejpi, kinsa chunka p'unchay junt'ata maytapuni Moisesmanta waqarikorqanku. Ajinata Moisés wañupusqanmanta waqana llakikuspa usunkuta junt'arqanku.

1 Samuel 1:19

Q'ayantin paqarin tutamanta, Elcanawan, wasi ayllunwan ima Tata Diosta yupaychaytawankama, Ramapi wasinkuman kutiporqanku. Chay qhepatataj Elcanaqa warmin Anawan puñuykorqa, Tata Diostaj Anaj mañakusqanmanta yuyarikorqa.

1 Samuel 28:3

Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.

1 Samuel 7:17

Chaymantataj Ramá llajtaman kutimpoj, chaypi wasin kasqanrayku. Chaymantapachataj israelitakunata juez jina kamacherqa. Chayllapitaj Tata Diospaj uj altarta ruwaporqa.