1 Samuel 23:26 - DIOSPA QHELQACHISQ

²⁶ Saulwan, soldadonkunapiwan ima orqoj uj lado kinrayninta risharqanku, chay orqoj wasantataj Davidwan, runankunapiwan, usqhay usqhayta rishallarqankutaj Saulmanta karunchakunankupaj. Chaywanpis Saulwan, soldadonkunawan ima Davidta, jinataj runankunatawan jap'inankupaj muyuykorqankuña.

Qheshwa Biblia DC

²⁶ Chay ujnin orqoj kinrayninta Saulqa runasnimpiwan risharqanku, chay orqoj wasantataj Davidwan runasninwan, usqhay usqhayta Saulmanta karunchanankupaj risharqanku. Chaywampis Saulwan chay runasninwan ima Davidta chay runasnintawan ima jap'inankupaj muyuykorqanku.

DIOSPA QHELQACHISQAN DEUTEROCANONICAL

²⁶ Saulwan, soldadonkunapiwan ima orqoj uj lado kinrayninta risharqanku, chay orqoj wasantataj Davidwan, runankunapiwan, usqhay usqhayta rishallarqankutaj Saulmanta karunchakunankupaj. Chaywanpis Saulwan, soldadonkunawan ima Davidta, jinataj runankunatawan jap'inankupaj muyuykorqankuña.

1 Samuel 23:26 ပူးပေါင်းရင်းမြစ်များ

2 Samuel 15:14

Chaypacha Davidqa kamacherqa tukuy Jerusalenpi kaj kamachinkunata: Kunanpacha ayqenachej, manachayqa Absalonmanta ayqeyta mana atisunchu. Jakuchej usqhayta. Pajtataj taripaspa, sinch'i llakiyta ruwawasunman, llajtapi tiyakojkunatataj wañurachinman, nispa.

2 Crónicas 20:12

Diosniyku, manachu paykunata jasut'inki? Noqaykojtaqa mana kallpayku kanchu, chay chhika soldadokunaj contrankupi maqanakunapaj sayaykunaykupaj. Manataj yachaykuchu imatachus ruwanaykuta, chayrayku qanman qhaparikamuyku, nispa.

Salmos 17:11

Mayllapipis qhepallaypipuni purinku. Ima pachallapis pampaman urmachinawankupaj suyanku.

Salmos 17:9

Millayta ruwajkuna maqaj sayaykunawankumanta waqaychaway, jinallataj ñak'arichejkuna wañuchiwayta munaspa muyuykuwajkunamantapis.

Salmos 22:12

12 (13) Awqaykuna ashkha torokuna jina muyuykuwanku, Basanmanta phiña torokuna jina kallparara kanku.

Salmos 22:16

16 (17) Alqokuna jina uj t'ojpa millayta ruwajkuna muyuykuwanku. Paykuna chakiyta, makiytawan jusk'urawanku.

Salmos 31:22

22 (23) Mana imanakuyta atispa, yuyarqani ñawpaqeykimanta wijch'uwasqaykita. Chaywanpis qanqa mañakususqayta, qhaparikusqayta ima uyariwarqanki.

2 Corintios 1:8

Wawqe panakuna, noqayku munayku yachanaykichejta ima llakiykunachus Asia jap'iypi qhatiriwasqaykuta. Anchatapuni ñak'arerqayku, manaña awantanaykupaj kallpapis karqañachu. Chayrayku wañupunaykuta yuyarqayku.

Apocalipsis 20:9

Paykuna tukuy pampata aywirispa jamorqanku, chantá Diospa ajllakusqankunaj jarankuta, jinataj munasqa llajtatawan ima muyuykorqanku. Jinallaman janaj pachamanta nina urayk'amuspa, paykunata q'olarparerqa.

Jueces 16:2

Jinapi Gazamanta kajkunaqa Sansón chay llajtapi kasqanta yachaytawan, llajtata muyuykorqanku. Chantá llajtaman yaykuna punkuta tukuy tuta qhawarqanku, q'ayantin sut'iyayta Sansonta wañuchiyta yuyaspa.

1 Samuel 19:12

Chantá usqhayllata Micalqa Davidta ventananejta urayk'ucherqa. Jinamanta David ayqerqa.

1 Samuel 20:38

Uj kutitawan Jonatanqa majt'illota qhaparillarqataj: Aswan usqhayta riy, ama sayaychu, nispa. Jonatanpa uywasqantaj flechakunata oqharispa, patronnin Jonatanman apamorqa.

1 Samuel 23:25

Saulwan, soldadonkunawan ima payta mask'amoj rerqanku. Chayta Davidman willajtinkutaj, payqa Maón ch'in pampapi chhanka kashan, chayman urayk'orqa. Chayta yachaspataj, Saulqa Maón ch'in pampaman Davidta mask'aj rerqa.

1 Samuel 23:27

Jinallapi uj runa Saulman willaj jamorqa: Kuraj kamachejníy, kunanpacha jamunayki tiyan, imaraykuchus filisteokunaqa Israel suyuman yaykuykamushanku, nispa.