1 Samuel 22:16 - DIOSPA QHELQACHISQ

¹⁶ Saultajrí nerqa: Mana, Ajimélec. Qanqa wañunkipuni, jinataj tukuy aylluykipis wañullanqankutaj, nispa.

Qheshwa Biblia DC

¹⁶ Rey Saultaj ujtawan nillarqataj: Yachay allinta qan; Ahimelec, qanwan tukuy aylluykiwan wañunaykichejpuni kasqanta.

DIOSPA QHELQACHISQAN DEUTEROCANONICAL

¹⁶ Saultajrí nerqa: Mana, Ajimélec. Qanqa wañunkipuni, jinataj tukuy aylluykipis wañullanqankutaj, nispa.

1 Samuel 22:16 ပူးပေါင်းရင်းမြစ်များ

1 Reyes 18:4

Tata Diosmanta sut'inchajkunata Jezabel wañuchishajtin, Abdiasqa pachaj sut'inchajkunata, phishqa chunkamanta phishqa chunka, chhanka jusk'ukunaman pakaykamorqa. Chaypitaj paykunaman mikhunata, yakutawan qorqa.

1 Reyes 19:2

Chantá Jezabelqa Eliaspaman ujnin kamachinta kachaspa, nicherqa: Qanqa Baalpa sut'inchajninkunata wañucherqanki. Chayrayku sichus q'aya kunanta jina, mana qanta wañuchiyki chayqa, diosniykuna noqata wañuchiwachunku, nispa.

Ester (hebreo) 3:6

Amanqa Mardoqueo judío kasqanta yachaspa, mana payllatachu wañuchiyta munarqa, manachayqa kuraj kamachej Asueroj suyunpi tukuy judiokunata wañurachiyta munarqa.

Proverbios 28:15

Wajcha runakunapaj millayta ruwaj kamachejqa qhaparej león jina, chayrí yarqhasqa oso jina.

Daniel (hebreo) 2:12

Chayta uyarispa, kuraj kamachej Nabucodonosorqa manchayta phiñakorqa, jinataj soldadonkunata kamacherqa Babiloniapi kaj tukuy yachayniyojkunata wañurachinankuta.

Daniel (hebreo) 2:5

Kuraj kamachejtajrí kuticherqa: Imatachus mosqokusqayta qonqarparini. Chaywanpis sichus qankuna mana willawankichejchu imatachus mosqokusqayta, imatatajchus chay mosqokusqay niyta munasqanta chayqa, kayta allinta yachaychej: Qankunata wañuchichisqaykichej, jinataj kamachisaj wasiykichejtapis q'opa wijch'unaman tukuchinankuta.

San Mateo 2:16

Herodesqa yachaysapa runakuna payta ch'awkiyasqankuta yachaspa, maytapuni phiñakorqa. Chantá, ch'aska rikhurimusqanmanta yachajkuna willasqankuman jina, Herodesqa soldadonkunata kamacherqa Belén llajtapi, muyuyninpi ima tukuy qhari wawakunata wañurachinankuta iskay watayojmanta uraman.

Hechos 12:19

Herodestaj tukuynejta mask'acherqa, nitaj Pedrota tarerqankuchu. Chantá chay qhawaj soldadokunatañataj allinta tapucherqa, mana imatapis yachajtinkutaj, paykuna wañuchisqa kanankuta kamacherqa. Chaymantataj Herodesqa Judeamanta Cesareaman rerqa, chaypitaj qhepakorqa.

Deuteronomio 24:16

Mana pipis wawanpa juchanrayku wañuchisqa kanqachu, nillataj pipis tatanpa juchanrayku wañuchisqa kallanqatajchu. Manachayqa sapa uj juchanmanta wañuchisqa kanqa.

1 Samuel 14:44

Saultaj kuticherqa: Manachus qan wañunki chayqa, Tata Dios sinch'ita ñak'arichiwachun, nispa.

1 Samuel 20:31

Yeséj churin kay pachapi kawsanankamaqa, kawsanayki, jinataj kuraj kamachej kanaykipis mana yachakonqachu. Ajinaqa Davidta mask'amojta kachaspa kayman pusachimuy, imaraykuchus wañunanpuni tiyan, nispa.

1 Samuel 22:15

Kunallanchu payrayku Diosta tapuriyta yachasqani? Chayqa mana jinachu. Chayrayku wiraqochíy, ama noqa kamachiykita, nitaj aylluytapis qhasimanta juchachaychu, imaraykuchus noqaqa mana imatapis chaymanta yachanichu, nispa.

1 Samuel 22:17

Jinapi kuraj kamachejqa muyuyninpi kaj soldadokunata kamacherqa: Tata Diospa sacerdotenkunata wañuchiychej. Paykunapis Davidman kutisqa kashanku, imaraykuchus ayqeshasqanta yachashaspapis, mana willawarqankuchu, nispa. Soldadokunatajrí Tata Diospa sacerdotenkunata mana wañuchiyta munarqankuchu.