1 Samuel 21:7 - DIOSPA QHELQACHISQ

⁷ 7 (8) Chaywanpis Saulpa ujnin kaj kamachin, Doeg sutiyoj, Diosta yupaychana toldopi chaypachallataj kashasqa, chaypi qhepakunan kasqanrayku. Payqa Edom llajtayoj karqa, Saulpa michejninkunatataj kamachej karqa.

Qheshwa Biblia DC

⁷ Saulpa ujnin kaj kamachenqa, Diosta yupaychana wasipi chay kikin diallapitaj qhepakusqa. Chay kamachejpataqa sutin karqa Doeg, payqa Saulpa michejkunasnimpa kurajninku karqa.

DIOSPA QHELQACHISQAN DEUTEROCANONICAL

⁷ 7 (8) Chaywanpis Saulpa ujnin kaj kamachin, Doeg sutiyoj, Diosta yupaychana toldopi chaypachallataj kashasqa, chaypi qhepakunan kasqanrayku. Payqa Edom llajtayoj karqa, Saulpa michejninkunatataj kamachej karqa.

1 Samuel 21:7 ပူးပေါင်းရင်းမြစ်များ

Génesis 26:20

Chayta rikuspa, Gerarmanta michejkunaqa Isaacpa michejninkunawan maqanakorqanku: Noqaykojta chay yakoqa, nispa. Chayrayku Isaac chay pujyuta suticharqa: “Maqanaku Pujyu”, nispa.

1 Crónicas 27:29

Uywa michinamanta yachajqa Sarón llajtayoj Sitray churasqa karqa. Adlaypata churin Safattaj vallekunapi uywa michinamanta churasqa karqa.

1 Crónicas 27:31

Agar llajtayoj Jaziztaj ovejata michinanpaj churasqa karqa. Tukuy chaykuna kuraj kamachej Davidpata kapuyninmanta qhawajkuna karqanku.

2 Crónicas 26:10

Jinallataj ch'innejpi torrekunata ruwacherqa. Chantá ashkha yaku qochakunata allacherqa, ura pampanejpi, jinataj orqo cheqanejpi ashkha uywan kasqanrayku. Jinallataj chajra tarpojkuna, uva huertata qhawajkuna ima vallepi, orqo cheqanejpi ashkha tiyaporqa, imaraykuchus payqa chajra poqochiy sonqo karqa.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Levítico 22:10

Mana sacerdotej ayllunmantachu kajqa Diospaj t'aqasqamanta mana mikhuyta atenqachu. Jinallataj sacerdotej wasinman wajyarikusqa runa, chantá sacerdotej peonninpis Tata Diospaj t'aqasqamanta manallataj mikhuyta atenqankuchu.

Levítico 22:13

Jinapis sichus warmisapa rikhurispa, chayrí qosanmanta t'aqakuspa, manataj wawayoj kaspa tatanpa wasinman kutipunman chayqa, tatanpa mikhunanmanta mikhuyta atenqa. Ajina kanqa manaraj qosayoj kashaspa karqa jina. Chaywanpis waj runaqa sacerdotej mikhunanmanta manapuni mikhuyta atenqachu.

Levítico 24:5

Sumaj jak'umanta chunka iskayniyoj t'antata ruwanki. Sapa t'anta tawa kilo jak'umanta ruwasqa kanqa.

Levítico 24:8

Chay t'antataqa israelitakunaj sutinpi sapa samarina p'unchayta sacerdote Tata Diospa ñawpaqenpi churanqa, Tata Dios israelitakunawan wiñaypaj tratota ruwasqankurayku.

Amós 8:5

Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

San Mateo 15:8

Dios nin: Kay runakunaqa simillankuwan jatunchawanku, sonqonkupitajrí ni noqamanta yuyarikullankupischu.

1 Samuel 11:5

Chaypacha Saulqa bueyninkuna qhatirisqa llank'asqanmanta chayamusharqa. Chantá taporqa: Imataj tiyan, runa kay jinata waqanankupajri? nispa. Chantá Jabesmanta jamojkuna imatachus nisqankuta payman willarqanku.

1 Samuel 14:47

Israel suyuta kamachiyta qallarisqanmantapacha Saulqa muyuyninpi kaj tukuy awqakunawan maqanakorqa: Moabwan, Amonwan, Edomwan, Sobaj kuraj kamachejninwan, chantá filisteokunawan ima. Mayllamanpis maqanakoj risqanpi atipallarqapuni.

1 Samuel 21:8

8 (9) Chantá Davidqa Ajimelecta tapullarqataj: Manachu lanza, chayrí espadallapis tiyapusunkiman? Kuraj kamachejpa kamachisqan usqhayllata kasuna kasqanrayku mana tiempo karqachu espadayta, nitaj armaytapis oqharikamunaypaj, nispa.

1 Samuel 22:10

Ajimelectaj Tata Diosta Davidrayku taporqa. Chantá mikhunata qorqa, qollarqataj filisteo Goliatpa espadantapis, nispa.

1 Samuel 22:22

Davidtaj Abiatarman kuticherqa: Noqa yacharqaniña Edommanta Doegqa Saulman willaykamunanta. Tukuy aylluyki wañusqankumanta noqamin juchayoj kani.

1 Samuel 22:9

Chantá Saulpa kamachinkunamanta kurajninku Edom llajtayoj Doeg nerqa: Noqa Yesejpa churinta rikorqani, Nob llajtaman rispa Ajitobpa churin Ajimelecwan parlashajta.